Hră Y-Pôl Mơĭt kơ Phung Rôm 10:1 - Klei Aê Diê Blŭ 2015

¹ Ơ phung ayŏng adei, klei ai tiê kâo čiăng leh anăn klei kâo wah lač kơ Aê Diê kyua phung Israel jing klei čiăng kơ diñu dưi tlaih.

Hră Y-Pôl Mơĭt kơ Phung Rôm 10:1 Iomraidhean Croise

Klei Kbiă 32:10

Snăn ară anei, lui Kâo, čiăng kơ klei Kâo ngêñ dưi trơ̆ng hŏng diñu leh anăn Kâo bi rai diñu; ƀiădah Kâo srăng mjing mơ̆ng ih sa găp djuê prŏng.”

Klei Kbiă 32:13

Brei Ih hdơr kơ Y-Abraham, Y-Isăk, leh anăn Y-Israel, phung dĭng buăl Ih, kơ digơ̆ yơh Ih kat asei leh hŏng Ih pô, lač, ‘Kâo srăng bi lar phung anak čô diih msĕ si mtŭ hlăm adiê, leh anăn Kâo srăng brei kơ phung anak čô diih jih lăn čar anei Kâo blŭ leh kơ diih, leh anăn diñu srăng dưn gơ̆ hlŏng lar.’ ”

Y-Yêrêmi 17:16

Kâo amâo hngah leh anăn đuĕ mơ̆ng bruă jing mgăt biăp ti anăp Ih, kăn kâo čiăng rei kơ hruê klei bi rai truh, Ih thâo leh klei anăn; klei kbiă leh mơ̆ng ƀăng kƀông kâo Ih thâo leh jih.

Y-Yêrêmi 18:20

Klei ngă jhat jing klei mưn djŏ kơ klei ngă jăk mơ̆? Ƀiădah diñu klei leh ƀăng čiăng bi luč mngăt kâo. Hdơr bĕ klei kâo dôk dơ̆ng ti anăp Ih čiăng blŭ klei jăk kơ diñu, čiăng bi weh hĕ klei Ih ngêñ kơ diñu.

Y-Luk 13:34

Ơ ƀuôn Yêrusalem, Ơ ƀuôn Yêrusalem, ƀuôn bi mdjiê phung khua pô hưn êlâo leh anăn bhĭr boh tâo kơ phung Aê Diê tiŏ hriê leh kơ ih. Jêñ jêñ leh Kâo čiăng bi kƀĭn phung anak ih mbĭt msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Yôhan 5:34

Amâo djŏ ôh Kâo čiăng mâo klei hưn bi sĭt mơ̆ng mnuih; ƀiădah Kâo lač klei anăn čiăng kơ diih dưi tlaih.

Hră Y-Pôl Mơĭt kơ Phung Rôm 10:2

Kâo hưn bi sĭt kơ diñu mâo klei hur har kơ Aê Diê, ƀiădah klei hur har anăn amâo djŏ ôh hŏng klei thâo săng.

Hră Y-Pôl Mơĭt kơ Phung Rôm 9:33

tui si Klei Aê Diê Blŭ čih leh, “Nĕ anei, Kâo dưm hlăm ƀuôn Siôn sa klŏ boh tâo srăng bi têč hnêč lu mnuih, sa klŏ boh tâo srăng bi êbuh diñu; ƀiădah hlei pô đăo kơ ñu amâo srăng luč klei čang hmăng ôh.”

I Y-Samuel 12:23

Bi kâo dê, êbeh kơ anăn, hơăi kâo amâo srăng ngă soh ôh hŏng Yêhôwa tơdah mdei hĕ wah lač kyua diih. Kâo srăng mtô kơ diih êlan jăk leh anăn êlan kpă.

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.

I Y-Samuel 15:35

Y-Samuel amâo lŏ ƀuh Y-Sôl ôh tơl hruê ñu djiê, ƀiădah Y-Samuel ênguôt kyua Y-Sôl. Leh anăn Yêhôwa hƀlŏk kơ klei ñu mjing hĕ Y-Sôl mtao kơ phung Israel.