Hră Y-Pôl Mơĭt kơ Phung Rôm 1:8 - Klei Aê Diê Blŭ 2015

⁸ Êlâo hĭn, kâo bi mni kơ Aê Diê kâo hlăm Yêsu Krist kyua jih jang diih, kyuadah arăng hưn klei diih đăo tar ƀar lăn ala.

Hră Y-Pôl Mơĭt kơ Phung Rôm 1:8 Iomraidhean Croise

Y-Mathiơ 24:14

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Y-Luk 2:1

Ênuk anăn Sêsar Ôgust mtă brei jih jang mnuih hlăm lăn ala čih anăn hlăm hdruôm hră yap mnuih ƀuôn sang.

Bruă Phung Khua Ƀĭng Kna 11:28

Sa čô hlăm phung diñu, anăn gơ̆ Y-Agabus, kgŭ leh anăn hưn êlâo hŏng Yang Mngăt Jăk srăng mâo klei ư̆ êpa prŏng tar ƀar lăn ala. Klei ư̆ êpa anăn truh sĭt hlăm ênuk mtao Klôd kiă kriê.

Bruă Phung Khua Ƀĭng Kna 28:22

Ƀiădah hmei čiăng hmư̆ mơ̆ng ih ya klei ih mĭn; kyuadah hmei thâo kơ arăng blŭ bi kdơ̆ng tar ƀar anôk hŏng mta klei đăo anei.”

Hră Y-Pôl Mơĭt kơ Phung Rôm 10:18

Ƀiădah kâo êmuh, diñu amâo tuôm hmư̆ hĕ? Sĭt nik diñu hmư̆ leh! Kyuadah “Asăp diñu arăng hmư̆ leh tar ƀar lăn ala, leh anăn klei diñu blŭ truh leh ti knhal lăn ala.”

Hră Y-Pôl Mơĭt kơ Phung Rôm 16:19

Kyuadah êjai jih jang mnuih thâo leh kơ klei diih gưt asăp, tơl kâo mơak kyua diih, kâo čiăng kơ diih thâo mĭn hlăm klei jing jăk, leh anăn êngeh hlăm klei jhat.

Hră Y-Pôl Mơĭt kơ Phung Rôm 6:17

Ƀiădah bi mni kơ Aê Diê, kyuadah tơdah hlăk êlâo diih jing leh hlŭn kơ klei soh, hŏng jih ai tiê diih dơ̆ng gưt leh kơ mta klei mtô diih jao leh diih pô.

I Kôrantô 1:4

Kâo bi mni kơ Aê Diê nanao kyua diih, kyua klei pap, Ñu brei leh kơ diih hlăm Krist Yêsu,

II Kôrantô 2:14

Ƀiădah bi mni kơ Aê Diê, Pô atăt hmei dưi nanao hlăm Yang Krist, leh anăn kyua hmei Ñu rah mnâo ƀâo mngưi mơ̆ng klei thâo kral Ñu tar ƀar.

Êphêsô 1:15

Kyuanăn leh kâo hmư̆ kơ klei diih đăo kơ Khua Yang Yêsu Krist, leh anăn kơ klei diih khăp kơ jih jang phung doh jăk,

Êphêsô 1:16

kâo amâo mdei ôh bi mni kơ Aê Diê kyua diih, hdơr kơ diih êjai kâo wah lač.

Êphêsô 3:21

brei Ñu mâo klei guh kơang hlăm Phung Sang Aê Diê leh anăn hlăm Krist Yêsu hlăm jih jang ênuk, nanao hlŏng lar. Amen.

Êphêsô 5:20

Kyua jih jang klei, brei diih bi mni nanao kơ Aê Diê Ama hlăm anăn Khua Yang drei, Yêsu Krist.

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 1:3

Kâo bi mni kơ Aê Diê kâo grăp blư̆ kâo hdơr kơ diih,

Kôlôs 1:3

Hmei bi mni nanao kơ Aê Diê, Ama Khua Yang drei Yêsu Krist, êjai hmei wah lač brei kơ diih,

I Têsalônik 1:2

Hmei bi mni kơ Aê Diê nanao kyua jih jang diih, êjai hmei wah lač kơ diih.

I Têsalônik 2:13

Msĕ mơh hmei bi mni kơ Aê Diê nanao kyua klei anei: tơdah diih mă tŭ leh klei Aê Diê blŭ hmei mtô kơ diih, diih tŭ leh klei blŭ anăn amâo djŏ msĕ si klei mnuih blŭ ôh, ƀiădah tui si gơ̆ jing sĭt nik klei Aê Diê blŭ, dôk mă bruă hlăm ai tiê diih phung đăo leh.

II Têsalônik 1:3

Ơ phung ayŏng adei, jing klei djŏ yơh hmei čiăng bi mni kơ Aê Diê nanao kyua diih, kyuadah klei diih đăo hriê kơ prŏng nanao, leh anăn klei grăp čô diih bi khăp hdơ̆ng diih pô hriê kơ prŏng hĭn.

II Y-Timôthê 1:3

Kâo bi mni kơ Aê Diê, Pô kâo kkuh mpŭ hŏng ai tiê kpă êngeh, msĕ si phung aê kâo ngă leh, êjai kâo hdơr kơ ih nanao hruê leh anăn mlam hlăm klei kâo wah lač.

Y-Philêmôn 1:4

Kâo bi mni kơ Aê Diê kâo nanao tơdah kâo hdơr kơ ih êjai kâo wah lač,

Hêbrơ 13:15

Snăn hlăm Ñu brei drei myơr nanao mnơ̆ng ngă yang bi mni kơ Aê Diê, boh mơ̆ng kƀông hưn anăn Ñu jing Khua Yang.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

I Y-Pêtrôs 4:11

Hlei pô blŭ, brei ñu blŭ msĕ si pô hưn klei Aê Diê blŭ. Hlei pô đru bruă arăng, brei ñu mă bruă anăn hŏng klei ktang Aê Diê brei; čiăng kơ hlăm jih jang klei Aê Diê dưi mâo klei guh kơang hlăm Yêsu Krist. Kơ Aê Diê yơh mâo klei guh kơang leh anăn klei dưi kiă kriê hlăm jih jang ênuk. Amen.