Hră Y-Pôl Mơĭt kơ Phung Rôm 1:6 - Klei Aê Diê Blŭ 2015

⁶ wăt diih pô, phung Aê Diê iêô leh brei jing dŏ Yêsu Krist.

Hră Y-Pôl Mơĭt kơ Phung Rôm 1:6 Iomraidhean Croise

Hră Y-Pôl Mơĭt kơ Phung Rôm 9:24

Kyuadah drei jing phung Ñu iêô leh, amâo djŏ knŏng mơ̆ng phung Yuđa ôh, ƀiădah wăt mơ̆ng phung tue msĕ mơh.

I Kôrantô 1:9

Aê Diê jing sĭt suôr; Ñu pô iêô diih leh kơ klei bi mguôp hŏng Anak Ñu, Yêsu Krist, Khua Yang drei.

Galati 1:6

Kâo bi kngăr snăk kơ diih ruăt dơ̆ng lui Pô iêô diih leh hŏng klei Krist pap, čiăng tui hlue klei mrâo mrang jăk mkăn —

Êphêsô 1:11

Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Kôlôs 1:21

Leh anăn phung diih mphŭn dô dôk kbưi mơ̆ng Ñu, jing phung roh hlăm klei mĭn, ngă klei jhat,

Kôlôs 1:6

truh leh kơ diih, msĕ si truh leh sĭt nik tar ƀar lăn ala, mâo boh leh anăn hriê kơ prŏng, msĕ snăn mơh hlăm phung diih, mơ̆ng hruê diih hmư̆ leh anăn thâo săng klei Aê Diê pap tui si klei sĭt nik,

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

II Têsalônik 2:14

Ñu iêô diih leh kơ klei anăn hŏng klei mrâo mrang jăk hmei mtô, čiăng kơ diih dưi mâo klei guh kơang Khua Yang drei Yêsu Krist.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Hêbrơ 3:1

Snăn Ơ phung ayŏng adei doh jăk, phung mâo leh klei iêô kơ adiê, brei diih mĭn kơ Yêsu, Pô jing khua ƀĭng kna leh anăn khua ngă yang prŏng kơ klei đăo drei hưn.

I Y-Pêtrôs 2:21

Kyua kơ klei anăn Aê Diê iêô leh diih, kyuadah Krist msĕ mơh tŭ leh klei knap mñai kyua diih, čiăng brei kơ diih klei bi hmô, čiăng kơ diih tui hlue kru Ñu.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

II Y-Pêtrôs 1:10

Snăn Ơ phung ayŏng amai adei, brei diih hur har hĭn bi sĭt klei Aê Diê iêô leh anăn ruah diih, kyuadah tơdah diih ngă snăn, diih amâo srăng lĕ ôh.

Y-Yut 1:1

Kâo gơ̆ Y-Yut, sa čô dĭng buăl Yêsu Krist leh anăn adei Y-Yakơ, čih mơĭt kơ phung Aê Diê iêô leh, phung Aê Diê Ama khăp leh anăn pioh leh kơ Yêsu Krist.

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”