Hră Y-Pôl Mơĭt kơ Phung Rôm 1:5 - Klei Aê Diê Blŭ 2015

⁵ Mơ̆ng Gơ̆ hmei mă tŭ leh klei pap leh anăn klei jing khua ƀĭng kna čiăng atăt ba mnuih mơ̆ng jih jang phung găp djuê mnuih gưt kơ klei đăo kyua hlăm anăn Gơ̆,

Hră Y-Pôl Mơĭt kơ Phung Rôm 1:5 Iomraidhean Croise

Y-Malaki 1:11

Kyuadah mơ̆ng anôk yang hruê ƀlĕ truh ti anôk yang hruê lĕ, anăn Kâo jing prŏng ti krah phung găp djuê mnuih, leh anăn hlăm jih jang anôk arăng myơr mnơ̆ng ƀâo mngưi leh anăn mnơ̆ng myơr doh kơ anăn Kâo, kyuadah anăn Kâo jing prŏng ti krah phung găp djuê mnuih,” Yêhôwa kơ phung kahan lač.

Y-Malaki 1:14

“Tăm pah hĕ kơ pô mplư, pô mâo sa drei knô hlăm biăp ñu, ƀuăn leh gơ̆, ƀiădah myơr ngă yang kơ Yêhôwa mnơ̆ng djiu ruă; kyuadah Kâo jing sa čô Mtao prŏng,” Yêhôwa kơ phung kahan lač. “Leh anăn arăng srăng huĭ kơ anăn Kâo ti krah phung găp djuê mnuih.”

Y-Yôhan 1:16

Leh anăn mơ̆ng klei Ñu bŏ dlai hŏng klei pap, jih jang drei mă tŭ, leh klei pap anei lŏ thiăm klei pap mkăn.

Bruă Phung Khua Ƀĭng Kna 1:25

čiăng kơ ñu djă bruă anăn jing khua ƀĭng kna hrô anôk Y-Yuđas lui hĕ leh, čiăng nao kơ anôk gơ̆ pô.”

Bruă Phung Khua Ƀĭng Kna 15:14

Y-Simôn yăl dliê leh si klei Aê Diê čhưn leh kơ phung tue tal êlâo, čiăng ruah mơ̆ng digơ̆ sa phung ƀuôn sang pioh kơ anăn Ñu.

Bruă Phung Khua Ƀĭng Kna 6:7

Klei Aê Diê blŭ kčaĭ truh tar ƀar hĭn êjai, leh anăn phung ƀĭng kna jing lar lu hĭn hlăm ƀuôn Yêrusalem, leh anăn lu phung khua ngă yang mă tŭ klei đăo.

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

Hră Y-Pôl Mơĭt kơ Phung Rôm 12:3

Kyuadah hŏng klei pap Aê Diê brei leh kơ kâo, kâo mtrŭt grăp čô hlăm phung diih đăm mĭn kơ ñu pô êgao hnơ̆ng djŏ kơ ñu ôh, ƀiădah brei grăp čô mĭn bi djŏ tui si hnơ̆ng klei đăo Aê Diê brei leh kơ ñu.

Hră Y-Pôl Mơĭt kơ Phung Rôm 16:26

ƀiădah ară anei bi êdah leh hlăm klei phung khua pô hưn êlâo čih brei jih jang găp djuê mnuih thâo, tui si klei Aê Diê Pô hdĭp hlŏng lar mtă, čiăng atăt jih jang găp djuê mnuih brei gưt asăp hŏng klei đăo —

Hră Y-Pôl Mơĭt kơ Phung Rôm 3:29

Amâodah Aê Diê jing Aê Diê knŏng kơ phung Yuđa mơ̆? Amâo djŏ hĕ Ñu jing Aê Diê wăt kơ phung tue msĕ mơh? Ơ̆, Ñu jing Aê Diê wăt kơ phung tue mơh,

I Kôrantô 15:10

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

I Kôrantô 9:2

Tơdah kơ phung mkăn kâo amâo jing khua ƀĭng kna ôh, ăt kâo jing khua ƀĭng kna kơ diih yơh. Kyuadah diih jing mnơ̆ng kđăm kơ bruă kâo jing khua ƀĭng kna hlăm Khua Yang.

Êphêsô 1:12

phung hmei čang hmăng leh êlâo hlăm Krist, Aê Diê čuăn ruah leh brei dôk hdĭp pioh bi mni kơ klei guh kơang Ñu.

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.