Hră Y-Pôl Mơĭt kơ Phung Rôm 1:32 - Klei Aê Diê Blŭ 2015

³² Wăt tơdah diñu thâo klei bhiăn Aê Diê hưn kơ hlei pô ngă msĕ snăn năng djiê, amâo djŏ ôh knŏng diñu pô ngă, ƀiădah diñu ư ai hŏng phung ngă klei anăn.

Hră Y-Pôl Mơĭt kơ Phung Rôm 1:32 Iomraidhean Croise

Klei Mmuñ Hđăp 50:18

Tơdah ih ƀuh sa čô knĕ, ih jing găp ñu; leh anăn ih dôk mbĭt hŏng phung tlĕ piu.

Klei Bi Hriêng 28:4

Phung amâo gưt klei bhiăn ôh bi mni kơ phung ƀai, ƀiădah phung tui hlue klei bhiăn bi kdơ̆ng hŏng anăn.

Y-Ôsê 7:3

Diñu bi mơak kơ mtao hŏng klei ƀai diñu, leh anăn kơ phung khua hŏng klei mnêč luar diñu.

Y-Luk 11:48

Snăn diih hưn kơ bruă phung aê diih leh anăn tŭ klei diñu ngă. Kyuadah diñu bi mdjiê leh phung khua pô hưn êlâo, leh anăn diih ngă msat digơ̆.

Bruă Phung Khua Ƀĭng Kna 22:20

Hlăk arăng tuh êrah Y-Êtiên, pô hưn bi sĭt kơ Ih, kâo msĕ mơh dôk dơ̆ng giăm tinăn ư ai klei diñu ngă, leh anăn kiă čhiăm ao phung bi mdjiê gơ̆.’

Bruă Phung Khua Ƀĭng Kna 8:1

Y-Sôl ư ai mơh kơ klei bi mdjiê Y-Êtiên. Hruê anăn arăng dơ̆ng ngă jhat ktang snăk kơ Phung Sang Aê Diê hlăm ƀuôn Yêrusalem. Jih jang phung đăo bra đuĕ mdê mdê hlăm čar Yuđa leh anăn čar Samari. Knŏng phung khua ƀĭng kna ăt dôk hlăm ƀuôn Yêrusalem.

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 1:21

Kyuadah wăt tơdah diñu thâo kral leh Aê Diê, diñu amâo mpŭ kơ Gơ̆ jing Aê Diê ôh, kăn bi mni kơ Gơ̆ rei; ƀiădah diñu wơr luč hlăm klei mĭn hơăi mang, leh anăn ai tiê mluk diñu bŏ hŏng klei mmăt.

Hră Y-Pôl Mơĭt kơ Phung Rôm 6:21

Ya boh tŭ dưn diih mâo mơ̆ng klei diih ngă anăn bi hêñ diih leh? Klei knhal tuč kơ klei anăn jing klei djiê.

Hră Y-Pôl Mơĭt kơ Phung Rôm 6:23

Kyuadah ênoh mưn kyua klei soh jing klei djiê, ƀiădah klei Aê Diê brei hơăi mang jing klei hdĭp hlŏng lar hlăm Krist Yêsu Khua Yang drei.

II Têsalônik 2:12

čiăng kơ jih jang phung amâo đăo ôh kơ klei sĭt nik ƀiădah khăp kơ klei wê srăng tŭ klei phat kđi bi kmhal.