Biblia Todo Logo
Bìoball air-loidhne

- Sanasan -




Hră Y-Pôl Mơĭt kơ Phung Rôm 1:30 - Klei Aê Diê Blŭ 2015

30 blŭ mčeh, bi êmut kơ Aê Diê, dlao wač, mgao, bi mni kơ pô, knhăk ngă soh, khăng kŏ hŏng amĭ ama,

Faic an caibideil Dèan lethbhreac




Hră Y-Pôl Mơĭt kơ Phung Rôm 1:30
42 Iomraidhean Croise  

Leh anăn mtao Israel lŏ wĭt lač, “Hưn kơ ñu, ‘Đăm brei pô hơô ao msei bi mni kơ ñu pô ôh msĕ si pô toh hĕ ao anăn.’ ”


Ƀiădah Y-Jêhu anak êkei Y-Hanani pô thâo bi ƀuh kbiă nao bi tuôm hŏng ñu leh anăn lač kơ Mtao Jôsaphat, “Jing djŏ mơ̆ ih đru pô ƀai leh anăn khăp kơ phung bi êmut kơ Yêhôwa? Kyua klei anei klei ngêñ mơ̆ng Yêhôwa truh kơ ih.


Ih lač, ‘Dlăng bĕ, kâo čăm leh čar Êđôm,’ leh anăn ai tiê ih bi mgao ih leh. Ƀiădah ară anei dôk bĕ ti sang; si ngă ih čiăng mčhur klei rŭng răng, tơdah snăn, ih leh anăn phung Yuđa mbĭt hŏng ih srăng lĕ?”


Phung ƀai bi mni kơ diñu pô kơ klei ai tiê diñu tluh, leh anăn pô tluh kčưn kơ mnơ̆ng dlao wač leh anăn hngah kơ Yêhôwa.


Snăn diñu jing čhŏ leh hŏng bruă diñu ngă; leh anăn ngă klei knhông.


phung knang kơ klei mdrŏng diñu, leh anăn bi mni kơ diñu pô kyua ngăn dưn diñu jing lu?


Mnuih mgao amâo dưi dôk dơ̆ng ti anăp ală Ih ôh; Ih bi êmut kơ jih jang phung ngă klei wê.


Ơ mnuih jhŏng ktang, si ngă ih bi mni kơ ih pô kyua klei ƀai ih? klei khăp sĭt suôr Aê Diê ăt dôk nanao.


Phung bi êmut kơ Yêhôwa srăng buôn huĭ kơ Ñu; klei bi kmhal diñu srăng dôk hlŏng lar.


Diñu blŭ nanao hŏng klei mgao; jih jang phung ngă klei wê bi mni kơ diñu pô.


Arăng bi hêñ leh jih jang phung kkuh kơ rup yang, phung knang kơ rup yang hơăi mang diñu; Ơ jih jang yang, kkuh mpŭ bĕ kơ Yêhôwa.


Ơ Yêhôwa, Aê Diê hmei, Ih yơh lŏ wĭt lač leh kơ diñu; Ih jing Aê Diê thâo pap brei kơ diñu, ƀiădah Ih bi kmhal klei diñu ngă soh.


Hlei pô mĭn ngă nanao klei jhat, arăng pia ñu sa čô mnuih bŏ hŏng mnêč jhat.


Msĕ si angĭn mơ̆ng dưr brei adiê hjan, msĕ snăn mơh êlah blŭ êkŭt brei arăng ăl.


Ak hlăm tlung srăng čoh ală leh anăn tlang grư̆ srăng ƀơ̆ng kđeh mnuih mưč kơ ama leh anăn hngah amâo gưt asăp kơ amĭ.


Ƀiădah hlei pô amâo mâo kâo ngă jhat kơ mngăt ñu pô; jih jang phung bi êmut kơ kâo khăp kơ klei djiê.”


Nĕ anei, knŏng klei anei kâo ƀuh, Aê Diê mjing leh mnuih kpă, ƀiădah diñu tui duah lu klei wê.


čiăng kơ Kâo dưi lŏ mă wĭt ai tiê sang Israel, phung klah đuĕ leh mơ̆ng Kâo kyua rup yang diñu.”’


Arăng bi êmut kơ ama leh anăn kơ amĭ ti krah ih; arăng ktư̆ juă pô jưh bhiâo ti krah ih; arăng bi msoh kơ phung anak êrĭt leh anăn kơ mniê djiê ung ti krah ih.


Tơdah hip đuĕ nao, Y-Môis lač, “Kgŭ bĕ Ih, Ơ Yêhôwa, leh anăn brei phung roh Ih bra đuĕ mdê mdê; leh anăn brei phung bi êmut kơ Ih đuĕ ti anăp Ih.”


Kyuadah Aê Diê mtă leh, ‘Mpŭ bĕ kơ amĭ ama ih,’ leh anăn ‘Hlei pô blŭ jhat kơ ama amâodah amĭ, sĭt nik brei ñu djiê.’


Dơ̆ng mơ̆ng hruê anăn Yêsu dơ̆ng bi êdah kơ phung ƀĭng kna Ñu kơ Ñu srăng nao ti ƀuôn Yêrusalem leh anăn tŭ lu klei knap mñai mơ̆ng phung khua mduôn, phung knơ̆ng khua ngă yang, leh anăn phung khua čih hră. Phung anăn srăng bi mdjiê Ñu, ƀiădah ti hruê tal tlâo Ñu srăng lŏ hdĭp.


Wăt amĭ ama ayŏng adei, phung găp djuê pô, leh anăn phung mah jiăng diih srăng lhiăr jao diih, leh anăn diñu srăng bi mdjiê wăt đa đa diih mơh.


Lăn ala amâo dưi bi êmut kơ diih ôh, ƀiădah lăn ala bi êmut kơ Kâo kyuadah Kâo hưn kơ bruă lăn ala jing jhat.


Kyuadah hlăk êlâo Y-Thêudas kgŭ hưn kơ ñu pô jing sa čô khua gai gĭt, leh anăn hlăm brô pă êtuh čô êkei tui hlue ñu; ƀiădah arăng bi mdjiê ñu, leh anăn jih jang phung tui hlue ñu bra đuĕ, leh anăn bruă diñu amâo jing ôh.


Bi ih, ih yap ih pô sa čô Yuđa leh anăn knang kơ klei bhiăn, bi mni kơ ih pô kyua Aê Diê ih,


Ih bi mni kơ ih pô kyua klei bhiăn, bi ih, ih bi hêñ Aê Diê hŏng klei ih gao klei bhiăn mơ̆?


Snăn si dưi bi mni kơ pô? Amâo dưi ôh! Hŏng ya klei bhiăn? Hŏng klei bhiăn bruă ngă mơ̆? Hơăi, amâo djŏ ôh, ƀiădah kyua klei drei đăo.


Hmei amâo bi mni kơ hmei pô êgao hnơ̆ng ôh hlăm bruă phung mkăn ngă; ƀiădah hmei čang hmăng êjai klei diih đăo hriê kơ prŏng, bruă hmei ti krah diih srăng jing prŏng hĭn,


Kyuadah kâo huĭ kâo srăng truh leh anăn ƀuh diih amâo djŏ tui si kâo čiăng ôh, leh anăn diih srăng ƀuh kâo amâo djŏ tui si diih čiăng ôh. Năng ai srăng mâo klei bi mneh msao, klei nač, klei ăl, klei klih, klei blŭ jhat, klei mčeh, klei mgao, leh anăn klei rŭng răng.


‘Tăm pah hĕ kơ pô bi hêñ ama amĭ ñu.’ Leh anăn jih jang phung ƀuôn sang srăng lač, ‘Amen’.


leh anăn bi kmhal ti anăp diñu pô phung bi êmut kơ Ñu, hŏng klei bi rai hĕ diñu; Ñu amâo bi tai ôh ngă kơ pô bi êmut kơ Ñu, Ñu srăng bi kmhal mtam pô anăn.


Pô anăn srăng bi kdơ̆ng leh anăn bi mđĭ ñu pô ti dlông hĭn kơ jih jang arăng pia yang amâodah kơ mnơ̆ng arăng kkuh mpŭ, tơl ñu dôk gŭ hlăm sang yang Aê Diê leh anăn hưn kơ ñu pô jing Aê Diê.


Kyuadah phung mnuih srăng čuôt klih, khăp kơ prăk, mgao, ngă krưh, blŭ jhat, amâo thâo gưt asăp amĭ ama, amâo thâo hdơr knga, amâo thâo mpŭ kơ Aê Diê ôh,


Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.


Msĕ snăn mơh êlah jing mnơ̆ng điêt hlăm asei mlei, ƀiădah blŭ lu klei prŏng. Pui điêt dưi ƀơ̆ng kmrơ̆ng prŏng snăk.


Ƀiădah ară anei diih bi mni kơ diih pô hlăm klei mĭn mgao. Jih klei bi mni snăn jing jhat.


Kyua klei mluk diñu bi mni kơ diñu pô kraih ktang, leh anăn hŏng klei kđeh tluh čhŏ mrŏ diñu mplư phung mrâo kbiă mơ̆ng phung hdĭp tui êlan soh.


Diñu jing phung blŭ dŭñ dŭñ, amâo thâo dôk mơak ôh, tui hlue klei diñu pô tluh, blŭ kraih bi mni kơ diñu pô, leh anăn blŭ myâo mă mplư phung ƀuôn sang čiăng mâo mnơ̆ng diñu čiăng.


Lean sinn:

Sanasan


Sanasan