Hră Y-Pôl Mơĭt kơ Phung Rôm 1:3 - Klei Aê Diê Blŭ 2015

³ Klei mrâo mrang jăk anăn djŏ kơ Anak Ñu, Yêsu Krist Khua Yang drei, tui si hlăm kđeh Gơ̆ jing anak čô Y-Đawit,

Hră Y-Pôl Mơĭt kơ Phung Rôm 1:3 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Klei Mmuñ Hđăp 2:7

Kâo srăng hưn klei Yêhôwa mtă: Ñu lač leh kơ Kâo snei, “Ih jing anak êkei Kâo; hruê anei Kâo kkiêng kơ Ih.

Y-Yêrêmi 33:26

snăn Kâo srăng hngah kơ phung anak čô Y-Yakôp leh anăn dĭng buăl Kâo Y-Đawit, leh anăn Kâo amâo srăng ruah ôh sa čô anak čô ñu brei kiă kriê phung anak čô Y-Abraham, Y-Isăk, leh anăn Y-Yakôp. Kyuadah Kâo srăng lŏ brei klei jăk jĭn kơ diñu, leh anăn srăng pap kơ diñu.’ ”

Y-Amôs 9:11

“Hlăm hruê anăn Kâo srăng lŏ mdơ̆ng sang čhiăm Y-Đawit klưh leh, leh anăn lŏ mkra ƀăng hluh ñu, leh anăn srăng lŏ mdơ̆ng dŏ ñu rai leh, leh anăn lŏ mdơ̆ng ñu msĕ si ênuk mphŭn dô,

Y-Mathiơ 1:1

Hră čih anăn phung aê Yêsu Krist, anak čô Y-Đawit, anak čô Y-Abraham:

Y-Mathiơ 1:16

leh anăn Y-Yakôp ƀă kơ Y-Yôsep, ung H'Mari, pô kkiêng kơ Yêsu arăng pia Krist.

Y-Mathiơ 1:6

Y-Yêsê ƀă kơ Mtao Đawit. Mtao Đawit ƀă kơ Y-Salômôn. Ñu mâo anak anăn hŏng mô̆ Y-Uri,

Y-Mathiơ 12:23

Jih jang phung ƀuôn sang bi kngăr leh anăn lač, “Djŏ mơ̆ pô anei jing Anak Y-Đawit?”

Y-Mathiơ 15:22

Nĕ anei, sa čô mniê Kanaan mơ̆ng krĭng anăn truh leh anăn ur lač, “Ơ Khua Yang, Anak Y-Đawit, pap mñai kơ kâo đa. Anak mniê kâo yang jhat ngă knap mñai snăk.”

Y-Mathiơ 26:63

Ƀiădah Yêsu dôk ñăt. Khua ngă yang prŏng lač kơ Ñu, “Kâo mtă kơ ih hŏng anăn Aê Diê hdĭp, hưn bĕ kơ hmei djŏ mơ̆ ih jing Yang Krist, Anak Aê Diê?”

Y-Mathiơ 27:43

Ñu knang kơ Aê Diê; brei Aê Diê bi mtlaih ñu ară anei hin tơdah Aê Diê čiăng kơ ñu; kyuadah ñu lač, ‘Kâo jing Anak Aê Diê!’ ”

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Mathiơ 9:27

Êjai Yêsu đuĕ mơ̆ng anôk anăn, mâo dua čô mnuih bum ală tui hlue Ñu ur kraih, “Ơ Anak Y-Đawit, pap mñai kơ hmei đa.”

Y-Luk 1:35

Dĭng buăl jăk lač kơ ñu, “Yang Mngăt Jăk srăng hriê kơ ih, leh anăn klei myang Pô Ti Dlông Hĭn srăng guôm ih; kyuanăn anak doh jăk ih srăng kkiêng arăng srăng pia Anak Aê Diê.

Y-Luk 1:69

leh anăn Ñu bi truh leh kơ drei sa čô Pô Bi Mtlaih Myang hlăm sang dĭng buăl Ñu Y-Đawit,

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:34

Kâo ƀuh leh, leh anăn kâo hưn leh Pô anei jing Anak Aê Diê.”

Y-Yôhan 1:49

Y-Natanel lŏ wĭt lač kơ Yêsu, “Ơ Nai, Ih jing Anak Aê Diê! Ih jing Mtao phung Israel!”

Y-Yôhan 10:30

Kâo hŏng Ama jing sa.”

Y-Yôhan 10:36

diih lač mơ̆ kơ Pô Ama pioh brei leh anăn tiŏ hriê leh kơ lăn ala, ‘Ih blŭ mgao hŏng Aê Diê,’ kyuadah Kâo lač, ‘Kâo jing Anak Aê Diê’?

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Y-Yôhan 20:31

ƀiădah arăng čih leh klei anei, čiăng kơ diih đăo kơ Yêsu jing Yang Krist, Anak Aê Diê, leh anăn hŏng klei diih đăo diih dưi mâo klei hdĭp hlăm anăn Ñu.

Y-Yôhan 5:25

Kâo lač kơ diih klei sĭt nik, mông giăm truh leh anăn truh leh, tơdah phung djiê srăng hmư̆ asăp Anak Aê Diê; leh anăn phung hmư̆ asăp Gơ̆ srăng hdĭp.

Y-Yôhan 7:42

Amâo djŏ hĕ Klei Aê Diê Blŭ lač leh kơ Yang Krist jing anak čô Y-Đawit, leh anăn kbiă hriê mơ̆ng ƀuôn Betlêhem, ƀuôn Y-Đawit dôk leh?”

Bruă Phung Khua Ƀĭng Kna 2:30

Kyuadah ñu jing sa čô khua pô hưn êlâo, leh anăn thâo leh kơ Aê Diê ƀuăn leh kơ ñu hŏng klei kat asei, čiăng brei sa čô hlăm phung anak čô ñu dôk gŭ ti jhưng mtao ñu,

Bruă Phung Khua Ƀĭng Kna 3:13

Aê Diê Y-Abraham, Y-Isăk, leh anăn Y-Yakôp, Aê Diê phung aê drei bi guh kơang leh dĭng buăl Ñu Yêsu, Pô diih hngah leh anăn jao leh ti anăp Aê Pilat, tơdah Aê Pilat čiăng phưi Gơ̆.

Bruă Phung Khua Ƀĭng Kna 8:36

Êjai diñu nao ktuê êlan, diñu ƀuh êa, leh anăn dĭng ktang kriâo lač, “Nĕ anei êa. Mâo mơ̆ klei ghă kâo tŭ klei ƀaptem?” [

Bruă Phung Khua Ƀĭng Kna 9:20

Ñu dơ̆ng mtô mtam hlăm sang bi kƀĭn hưn kơ Yêsu jing Anak Aê Diê.

Hră Y-Pôl Mơĭt kơ Phung Rôm 1:9

Kyuadah Aê Diê, kơ Ñu kâo mă bruă hŏng mngăt kâo hlăm klei mrâo mrang jăk Anak Ñu, jing Pô hưn bi sĭt kơ kâo hdơr kơ diih nanao grăp blư̆ kâo wah lač.

Hră Y-Pôl Mơĭt kơ Phung Rôm 4:1

Snăn ya drei srăng lač djŏ kơ klei aê drei Y-Abraham mâo leh tui si kđeh êrah?

Hră Y-Pôl Mơĭt kơ Phung Rôm 9:3

Kyuadah tơdah dưi kâo čiăng jing mnuih Aê Diê tăm pah tơl ktlah mơ̆ng Krist dưn kyua phung ayŏng adei kâo, phung găp djuê kâo tui si kđeh êrah.

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

I Kôrantô 1:9

Aê Diê jing sĭt suôr; Ñu pô iêô diih leh kơ klei bi mguôp hŏng Anak Ñu, Yêsu Krist, Khua Yang drei.

I Kôrantô 10:18

Dlăng bĕ phung ƀuôn sang Israel: Amâo djŏ hĕ phung ƀơ̆ng mnơ̆ng ngă yang mâo klei bi mguôp hlăm bruă knưl ngă yang kơ Aê Diê?

Galati 4:4

Ƀiădah tơdah hruê bi kčah truh leh, Aê Diê tiŏ hriê Anak Ñu, brei sa čô mniê kkiêng, čiăng kơ Ñu dôk hdĭp ti gŭ klei bhiăn

I Têsalônik 1:10

leh anăn dôk guôn Anak Ñu srăng lŏ hriê mơ̆ng adiê, Pô Ñu bi kbiă lŏ hdĭp leh mơ̆ng phung djiê, Yêsu, Pô bi mtlaih drei mơ̆ng klei ngêñ srăng truh.

I Y-Timôthê 2:5

Kyuadah mâo knŏng sa čô Aê Diê leh anăn knŏng sa čô Pô ti krah Aê Diê hŏng mnuih, jing Krist Yêsu, mnuih,

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

II Y-Timôthê 2:8

Brei ih hdơr kơ Yêsu Krist, Pô Aê Diê bi kbiă lŏ hdĭp leh mơ̆ng phung djiê, jing anak čô găp djuê Y-Đawit, tui si klei mrâo mrang jăk kâo mtô.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

I Y-Yôhan 3:23

Leh anăn anei jing klei Ñu mtă: brei drei đăo kơ anăn Anak Ñu Yêsu Krist leh anăn bi khăp hdơ̆ng drei, djŏ tui si Yêsu mtă leh kơ drei.

I Y-Yôhan 3:8

Hlei pô ngă soh jing anak yang jhat; kyuadah yang jhat ngă soh leh mơ̆ng mphŭn dơ̆ng. Anak Aê Diê bi êdah leh čiăng bi rai bruă yang jhat.

I Y-Yôhan 4:15

Hlei pô hưn Yêsu jing Anak Aê Diê, Aê Diê dôk hlăm ñu, leh anăn ñu dôk hlăm Aê Diê.

I Y-Yôhan 5:1

Hlei pô đăo kơ Yêsu jing Yang Krist, pô anăn kkiêng leh mơ̆ng Aê Diê, leh anăn hlei pô khăp kơ Ama khăp msĕ mơh kơ anak gơ̆.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.

I Y-Yôhan 5:5

Hlei jing pô dưi hŏng lăn ala? Knŏng hlei pô đăo kơ Yêsu jing Anak Aê Diê.

II Y-Yôhan 1:7

Kyuadah mâo lu phung mplư nao leh hlăm lăn ala. Diñu amâo đăo ôh kơ Yêsu Krist hriê leh hlăm kđeh. Pô msĕ snăn jing pô mplư leh anăn pô roh hŏng Krist.

Klei Bi Êdah 2:18

“Čih bĕ kơ dĭng buăl jăk Phung Sang Aê Diê ti ƀuôn Thiatir snei: Nĕ snei Anak Aê Diê lač, Pô mâo ală msĕ si êlah pui leh anăn jơ̆ng msĕ si kông ngur: