Hră Y-Pôl Mơĭt kơ Phung Rôm 1:26 - Klei Aê Diê Blŭ 2015

²⁶ Kyua klei anăn Aê Diê jao leh diñu kơ klei tluh ƀô bi hêñ. Phung mniê diñu bi mlih klei bhiăn yang đar, ƀiădah ngă klei mkăn bi kdơ̆ng hŏng klei bhiăn yang đar.

Hră Y-Pôl Mơĭt kơ Phung Rôm 1:26 Iomraidhean Croise

Klei Mphŭn Dơ̆ng 19:5

Diñu iêô Y-Lot leh anăn lač kơ gơ̆, “Ti phung êkei hriê leh ti sang ih mlam anei? Atăt digơ̆ kơ hmei čiăng kơ hmei dưi thâo kral digơ̆.”

Klei Mmuñ Hđăp 81:12

Snăn Kâo jao diñu leh tui hlue ai tiê khăng diñu, čiăng kơ diñu dưi êbat tui si klei diñu pô kčĕ.

Hră Y-Pôl Mơĭt kơ Phung Rôm 1:24

Kyuanăn Aê Diê jao diñu kơ klei čhŏ mrŏ tui si ai tiê diñu tluh, tơl diñu yua asei mlei diñu pô ngă klei bi hêñ hdơ̆ng diñu.

Hră Y-Pôl Mơĭt kơ Phung Rôm 1:28

Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.

I Kôrantô 6:9

Diih amâo thâo hĕ phung wê amâo srăng dưn ƀuôn ala mtao Aê Diê ôh? Đăm mplư diih pô ôh; phung knhông, phung kkuh rup yang, phung tlĕ piu, phung êkei ngă soh hdơ̆ng êkei leh anăn phung mniê ngă soh hdơ̆ng mniê,

Êphêsô 4:19

Diñu amâo lŏ thâo hêñ ôh, leh anăn jao diñu pô kơ klei tluh, khăp ngă nanao djăp mta klei čhŏ mrŏ.

Êphêsô 5:12

Kyuadah jing klei hêñ yơh blŭ kơ bruă phung anăn ngă hlăm klei hgăm.

I Têsalônik 4:5

amâo djŏ ôh hŏng klei tluh msĕ si phung tue amâo thâo kral Aê Diê.

I Y-Timôthê 1:10

kơ phung knhông, kơ phung ngă soh msĕ si phung ƀuôn Sôdôm, kơ phung tlĕ mă mnuih, kơ phung luar, kơ phung mčeh, leh anăn jih jang klei mdê hŏng mta klei đăo djŏ

Y-Yut 1:10

Ƀiădah phung anei dlao wač kơ klei diñu amâo thâo săng ôh, leh anăn diñu bi rai diñu pô hŏng klei diñu ngă tui si knuih diñu jing msĕ si hlô mnơ̆ng.

Y-Yut 1:7

djŏ msĕ si ƀuôn Sôdôm, ƀuôn Gômôrơ, leh anăn ƀuôn jŭm dar msĕ mơh ngă klei knhông leh anăn ngă klei tluh mdê hŏng klei bhiăn yang đar, jing sa klei bi hmô hlăm klei diñu tŭ klei bi kmhal hŏng pui ƀơ̆ng hlŏng lar.

Phung Khua Phat Kđi 19:22

Êjai diñu bi mơak kơ ai tiê diñu, nĕ anei phung êkei jhat hlăm ƀuôn anăn wang jŭm sang anăn, čăm ti ƀăng bhă. Diñu lač kơ êkei mduôn, khua sang anăn, “Atăt êkei mŭt hlăm sang ih brei ñu kbiă čiăng kơ hmei dưi dôk ñu.”