Hră Y-Pôl Mơĭt kơ Phung Rôm 1:25 - Klei Aê Diê Blŭ 2015

²⁵ Kyuadah diñu bi mlih klei sĭt nik Aê Diê hŏng klei luar, leh anăn diñu kkuh mpŭ leh anăn mă bruă kơ mnơ̆ng hrih leh, amâo djŏ kơ Pô Hrih ôh, Pô anăn năng kơ arăng mpŭ mni hlŏng lar! Amen.

Hră Y-Pôl Mơĭt kơ Phung Rôm 1:25 Iomraidhean Croise

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Y-Êsai 44:20

Ñu čiêm ñu pô hŏng hbâo; ai tiê hañ đei khăp bi weh ñu leh, leh anăn ñu amâo dưi bi mtlaih mngăt ñu ôh, kăn dưi lač rei, “Amâo djŏ hĕ mnơ̆ng kâo djă hlăm kngan hnuă kâo jing klei luar?”

Y-Yêrêmi 13:25

Anei yơh jing klei pioh kơ ih, kdrêč Kâo mkă leh kơ ih,” Yêhôwa lač, “Kyuadah ih wơr bĭt Kâo leh anăn knang leh kơ phung yang luar.

Y-Yêrêmi 16:19

Ơ Yêhôwa, klei ktang kâo leh anăn kđông kjăp kâo, anôk kâo đuĕ dăp êjai hruê mâo klei rŭng răng, kơ Ih yơh phung găp djuê mnuih srăng hriê mơ̆ng knhal lăn ala leh anăn lač: “Phung aê hmei dưn knŏng klei luar, mnơ̆ng hơăi mang amâo mâo klei tŭ dưn ôh.

Y-Amôs 2:4

Snei Yêhôwa lač: “Kyua tlâo mta klei Yuđa gao klei bhiăn nanao, wăt pă mta mơh, Kâo amâo srăng bi mlih ôh klei Kâo bi kmhal ñu; kyuadah diñu hngah leh kơ klei bhiăn Yêhôwa, leh anăn amâo djă pioh ôh klei Gơ̆ mtă, ƀiădah klei diñu luar bi wơr êlan diñu leh, tui êlan phung aê diñu êbat leh.

Y-Haƀakuk 2:18

Ya yuôm sa boh rup yang tơdah pô ngă gơ̆ krah gơ̆ leh, sa boh rup yang arăng tuh tia mtô klei luar? Kyuadah mnuih mă bruă dŏ anăn knang kơ bruă ñu pô ngă, ñu ngă rup yang amâo thâo blŭ ôh.

Y-Mathiơ 10:37

Hlei pô khăp kơ amĭ ama ñu lu hĭn kơ Kâo amâo năng kơ Kâo ôh; hlei pô khăp kơ anak êkei amâodah kơ anak mniê ñu lu hĭn kơ Kâo amâo năng kơ Kâo ôh;

Y-Mathiơ 6:24

“Sa čô amâo dưi ôh jing hlŭn kơ dua čô khua; kyuadah ñu srăng bi êmut kơ sa čô anei leh anăn khăp kơ sa čô mkăn. Amâodah ñu srăng mpŭ kơ pô anei leh anăn bi êmut kơ pô mkăn. Diih amâo dưi ôh mă bruă kơ Aê Diê wăt kơ klei jing mdrŏng.

Y-Yôhan 2:8

Yêsu lač kơ diñu, “Tuah ba êa anei kơ pô kiă klei huă mnăm.” Snăn diñu tuah ba yơh.

Hră Y-Pôl Mơĭt kơ Phung Rôm 1:18

Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 1:23

leh anăn bi mlih klei guh kơang Aê Diê amâo thâo brŭ rai ôh hŏng rup mnuih thâo brŭ rai, amâodah rup čĭm, hlô mnơ̆ng, amâodah mnơ̆ng êbat ban.

Hră Y-Pôl Mơĭt kơ Phung Rôm 9:5

Diñu kbiă hriê mơ̆ng phung aê phŭn, leh anăn Krist kbiă hriê mơ̆ng găp djuê diñu tui si kđeh, Pô jing khua kơ jih jang, Pô jing Aê Diê năng mâo klei mpŭ mni hlŏng lar. Amen.

II Kôrantô 11:31

Aê Diê, Ama Khua Yang Yêsu, Pô mâo klei arăng bi mni nanao hlŏng lar, thâo leh kâo amâo luar ôh.

Êphêsô 3:21

brei Ñu mâo klei guh kơang hlăm Phung Sang Aê Diê leh anăn hlăm Krist Yêsu hlăm jih jang ênuk, nanao hlŏng lar. Amen.

I Têsalônik 1:9

Kyuadah diñu yăl dliê klei diih jum hmei, leh anăn klei diih lui rup yang wĭt kơ Aê Diê, čiăng mă bruă kơ Aê Diê hdĭp leh anăn sĭt,

I Y-Timôthê 1:11

tui si klei mrâo mrang jăk guh kơang mơ̆ng Aê Diê, Pô năng kơ arăng bi mni, klei mrâo mrang jăk anăn Aê Diê jao leh kơ kâo.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

II Y-Timôthê 3:4

lhiăr, djăl krêñ, mĭn kơ pô thâo lu, khăp kơ klei hlăp amâo djŏ kơ Aê Diê ôh,

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.