Hră Y-Pôl Mơĭt kơ Phung Rôm 1:23 - Klei Aê Diê Blŭ 2015

²³ leh anăn bi mlih klei guh kơang Aê Diê amâo thâo brŭ rai ôh hŏng rup mnuih thâo brŭ rai, amâodah rup čĭm, hlô mnơ̆ng, amâodah mnơ̆ng êbat ban.

Hră Y-Pôl Mơĭt kơ Phung Rôm 1:23 Iomraidhean Croise

Klei Mmuñ Hđăp 106:20

Diñu bi mlih klei guh kơang Aê Diê diñu mjing hĕ rup êmô thâo ƀơ̆ng rơ̆k.

Y-Êsai 40:18

Hŏng hlei pô ih čiăng bi msĕ Aê Diê, amâodah ya mnơ̆ng ih dưi bi mđơr hŏng Ñu?

Y-Êsai 40:26

Kngưr ală diih phă dlông leh anăn dlăng bĕ: hlei pô hrih mnơ̆ng anăn? Ñu bi kbiă phung kahan anăn tui si dŭm mâo digơ̆; Ñu iêô jih jang digơ̆ hŏng anăn digơ̆. Hŏng klei myang Ñu prŏng leh anăn kyuadah Ñu jing ktang hlăm klei myang, amâo kƀah sa mta ôh.

Y-Êsai 44:13

Pô krah kmeh dăng klei mkă, ñu treh êlan hŏng giê čih; ñu mgoh kyâo hŏng kƀao, leh anăn mkă gơ̆ hŏng kômpa; ñu ngă gơ̆ tui si rup mnuih, tui si klei siam mnuih, čiăng brei gơ̆ dôk hlăm sang.

Y-Yêrêmi 2:11

Tuôm mâo mơ̆ sa boh čar bi mlih leh yang ñu wăt tơdah diñu amâo jing yang sĭt ôh? Ƀiădah phung ƀuôn sang Kâo bi mlih leh klei guh kơang diñu čiăng tui hlue klei amâo tŭ dưn ôh.

Y-Êsêkiêl 8:10

Snăn kâo mŭt leh anăn ƀuh; leh anăn tinăn arăng čih leh rup ti mtih jŭm dar djăp mta mnơ̆ng êbat ban, hlô dliê čhŏ mrŏ, leh anăn jih jang rup yang sang Israel.

Bruă Phung Khua Ƀĭng Kna 10:12

Hlăm anăn mâo djăp mta hlô mnơ̆ng pă ƀĕ jơ̆ng, mnơ̆ng êbat ban, leh anăn čĭm hlăm adiê.

Bruă Phung Khua Ƀĭng Kna 17:29

Snăn kyuadah drei jing phung anak Aê Diê, đăm drei mĭn ôh kơ Aê Diê jing msĕ si mah, prăk, amâodah boh tâo tui si mnuih krah hŏng klei mbruă leh anăn klei mĭn gơ̆.

Hră Y-Pôl Mơĭt kơ Phung Rôm 1:25

Kyuadah diñu bi mlih klei sĭt nik Aê Diê hŏng klei luar, leh anăn diñu kkuh mpŭ leh anăn mă bruă kơ mnơ̆ng hrih leh, amâo djŏ kơ Pô Hrih ôh, Pô anăn năng kơ arăng mpŭ mni hlŏng lar! Amen.

I Kôrantô 12:2

Diih thâo leh êjai diih ka đăo ôh, diih klah đuĕ tui hlue rup yang kmlô, tui si arăng mtrŭt diih leh.

Klei Mtô Mñă Klei Bhiăn 5:8

Đăm ih ngă kơ ih pô ôh rup krah, amâodah rup msĕ si mnơ̆ng hlăm adiê ti dlông, amâodah hlăm lăn ala ti gŭ, amâodah hlăm êa ti gŭ lăn;

I Y-Pêtrôs 4:3

Man leh diih ngă mphŭn dô msĕ si klei phung amâo đăo khăp ngă, hdĭp hlăm klei čhŏ mrŏ, ngă klei kđeh tluh, kpiê ruă, klei ƀơ̆ng mnăm êgao hnơ̆ng, klei ngă tă tăn, leh anăn klei kkuh mpŭ soh kơ rup yang.

Klei Bi Êdah 9:20

Phung mnuih adôk amâo djiê hŏng klei bi knap anăn amâo kmhal ôh kơ bruă kngan diñu ngă, kăn lui rei klei kkuh mpŭ kơ yang jhat, kơ rup yang ngă hŏng mah, prăk, kông, boh tâo, leh anăn kyâo, rup yang anăn amâo thâo ƀuh, hmư̆, amâodah êbat ôh.