Hră Y-Pôl Mơĭt kơ Phung Rôm 1:20 - Klei Aê Diê Blŭ 2015

²⁰ Dơ̆ng mơ̆ng klei hrih lăn ala knuih Ñu hgăm, čiăng lač klei myang Ñu hlŏng lar leh anăn klei Ñu jing Aê Diê, arăng dưi ƀuh mngač tơdah ksiêm dlăng mnơ̆ng Ñu hrih leh. Snăn diñu amâo dưi mgang diñu pô ôh.

Hră Y-Pôl Mơĭt kơ Phung Rôm 1:20 Iomraidhean Croise

Klei Mphŭn Dơ̆ng 1:1

Hlăk mphŭn dơ̆ng Aê Diê hrih adiê leh anăn lăn ala.

Klei Mphŭn Dơ̆ng 21:33

Y-Abraham pla sa ƀĕ ana kyâo tamarik ti Bêr-Sêba, leh anăn tinăn ñu iêô wah lač kơ anăn Yêhôwa, Aê Diê Pô Dôk Hdĭp Hlŏng Lar.

Y-Yôp 12:7

Ƀiădah êmuh bĕ kơ hlô mnơ̆ng, digơ̆ srăng bi hriăm diih; êmuh bĕ kơ čĭm hlăm adiê digơ̆ srăng hưn kơ diih mơh;

Klei Mmuñ Hđăp 104:31

Brei klei guh kơang Yêhôwa dôk hlŏng lar; brei Yêhôwa hơ̆k mơak kyua bruă Ñu.

Klei Mmuñ Hđăp 104:5

Ih dưm lăn ala ti dlông atur gơ̆, čiăng kơ gơ̆ amâo tuôm mgei ôh.

Klei Mmuñ Hđăp 119:90

Klei sĭt suôr Ih dôk hlăm jih jang ênuk; Ih mjing leh lăn ala, leh anăn ñu dôk kjăp.

Klei Mmuñ Hđăp 139:13

Ih yơh Pô mjing leh jih kdrêč hlăm lam kâo; Ih mñam kâo leh hlăm tian amĭ kâo.

Klei Mmuñ Hđăp 8:3

Tơdah kâo dlăng kơ phung adiê jing bruă kđiêng Ih ngă, mlan leh anăn phung mtŭ mnơ̆ng Ih hrih leh;

Klei Mmuñ Hđăp 90:2

Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

Y-Êsai 26:4

Knang bĕ kơ Yêhôwa nanao hlŏng lar, kyuadah Yêhôwa Aê Diê, Yêhôwa pô yơh jing Boh Tâo dôk hlŏng lar.

Y-Êsai 40:26

Kngưr ală diih phă dlông leh anăn dlăng bĕ: hlei pô hrih mnơ̆ng anăn? Ñu bi kbiă phung kahan anăn tui si dŭm mâo digơ̆; Ñu iêô jih jang digơ̆ hŏng anăn digơ̆. Hŏng klei myang Ñu prŏng leh anăn kyuadah Ñu jing ktang hlăm klei myang, amâo kƀah sa mta ôh.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Yêrêmi 5:21

Hmư̆ bĕ klei anei, Ơ phung ƀuôn sang mluk leh anăn amâo mâo klei thâo săng ôh, phung mâo ală ƀiădah amâo thâo ƀuh ôh, phung mâo knga ƀiădah amâo thâo hmư̆ ôh.”

Y-Yêrêmi 51:15

Yêhôwa yơh mjing leh lăn ala hŏng klei myang Ñu, Ñu bi kjăp leh lăn ala hŏng klei thâo mĭn Ñu, leh anăn hŏng klei Ñu thâo săng Ñu lang leh phung adiê.

Y-Mathiơ 5:45

čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Markôs 10:6

Ƀiădah mơ̆ng mphŭn klei hrih, ‘Aê Diê mjing digơ̆ êkei leh anăn mniê.’

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Y-Yôhan 15:22

Tơdah Kâo amâo hriê leh anăn blŭ kơ diñu, diñu amâo mâo klei soh ôh. Ƀiădah ară anei diñu amâo dưi hngah klei soh diñu ôh.

Bruă Phung Khua Ƀĭng Kna 17:29

Snăn kyuadah drei jing phung anak Aê Diê, đăm drei mĭn ôh kơ Aê Diê jing msĕ si mah, prăk, amâodah boh tâo tui si mnuih krah hŏng klei mbruă leh anăn klei mĭn gơ̆.

Bruă Phung Khua Ƀĭng Kna 22:1

“Ơ phung ayŏng adei leh anăn phung ama, dôk hmư̆ bĕ klei kâo blŭ mgang kâo pô ti anăp diih.”

Hră Y-Pôl Mơĭt kơ Phung Rôm 1:19

Kyuadah ya klei arăng dưi thâo kral Aê Diê jing klă leh kơ diñu, kyuadah Aê Diê pô bi êdah leh klei anăn kơ diñu.

Hră Y-Pôl Mơĭt kơ Phung Rôm 16:26

ƀiădah ară anei bi êdah leh hlăm klei phung khua pô hưn êlâo čih brei jih jang găp djuê mnuih thâo, tui si klei Aê Diê Pô hdĭp hlŏng lar mtă, čiăng atăt jih jang găp djuê mnuih brei gưt asăp hŏng klei đăo —

Hră Y-Pôl Mơĭt kơ Phung Rôm 2:1

Kyuanăn, Ơ mnuih, măng ai hlei ih jing, tơdah ih phat kđi arăng, ih amâo dưi mgang ih pô ôh. Kyuadah êjai ih phat kđi arăng, ih bi kmhal ih pô yơh; kyuadah ih jing pô phat kđi ƀiădah ngă msĕ.

Hră Y-Pôl Mơĭt kơ Phung Rôm 2:15

Diñu bi êdah ya bruă klei bhiăn mtă, arăng čih leh hlăm ai tiê diñu, êjai ai tiê kpă diñu msĕ mơh hưn bi sĭt, leh anăn klei mĭn diñu tăp năng kčŭt kơ diñu tăp năng mgang diñu.

I Kôrantô 1:20

Ti lei pô thâo mĭn? Ti lei pô thâo klei bhiăn? Ti lei pô bi tăng ênuk anei? Amâo djŏ hĕ Aê Diê brei klei thâo mĭn lăn ala jing klei khŏ?

Klei Mtô Mñă Klei Bhiăn 33:27

Aê Diê Pô dôk hlŏng lar jing anôk diih kđap, leh anăn ti gŭ mâo păl Ñu dôk hlŏng lar. Ñu srăng suôt phung roh ti anăp diih, leh anăn lač, ‘Bi rai bĕ!’

Klei Mtô Mñă Klei Bhiăn 4:19

Răng bĕ diih, huĭdah diih angưi ală phă adiê leh anăn tơdah diih ƀuh yang hruê, mlan, leh anăn mtŭ, jih jang phung kahan hlăm adiê, diih mâo klei mtrŭt leh anăn kkuh mpŭ kơ dŏ anăn leh anăn mă bruă kơ diñu, mnơ̆ng anăn Yêhôwa Aê Diê diih brei leh kơ jih jang phung ƀuôn sang dôk ti gŭ jih adiê.

Kôlôs 1:15

Ñu jing rup Aê Diê Pô arăng amâo thâo ƀuh ôh. Ñu jing Pô kkiêng êlâo hĭn, Pô ti dlông hĭn kơ jih jang mnơ̆ng hrih leh.

Kôlôs 2:9

Kyuadah jih klei bŏ ênŭm knuih Aê Diê dôk hlăm asei mlei Krist.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

Hêbrơ 11:27

Hŏng klei đăo ñu đuĕ mơ̆ng čar Êjip, amâo huĭ ôh kơ klei mtao ngêñ; kyuadah ñu gĭr msĕ si ƀuh leh Pô arăng amâo dưi ƀuh ôh.

Hêbrơ 9:14

kdlưn hĭn kơ anăn êrah Krist, Pô myơr Ñu pô hŏng Yang Mngăt Jăk hlŏng lar kơ Aê Diê amâo mâo klei čhŏ ôh, dưi bi doh ai tiê kpă diih mơ̆ng bruă atăt kơ klei djiê, čiăng mă bruă kơ Aê Diê hdĭp.