Hră Y-Pôl Mơĭt kơ Phung Rôm 1:18 - Klei Aê Diê Blŭ 2015

¹⁸ Kyuadah klei Aê Diê ngêñ bi êdah leh mơ̆ng adiê bi kdơ̆ng hŏng jih klei amâo mpŭ kơ Aê Diê leh anăn kơ klei wê mnuih ngă, hŏng klei wê anăn diñu kơ̆ng ghă klei sĭt nik.

Hră Y-Pôl Mơĭt kơ Phung Rôm 1:18 Iomraidhean Croise

Klei Kbiă 23:7

Brei ih dôk kbưi hŏng klei kčŭt mčeh, leh anăn đăm bi mdjiê ôh phung ênuah ênô leh anăn phung kpă, kyuadah Kâo amâo srăng yap kpă ôh mnuih ƀai.

Hră Y-Pôl Mơĭt kơ Phung Rôm 1:19

Kyuadah ya klei arăng dưi thâo kral Aê Diê jing klă leh kơ diñu, kyuadah Aê Diê pô bi êdah leh klei anăn kơ diñu.

Hră Y-Pôl Mơĭt kơ Phung Rôm 1:28

Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.

Hră Y-Pôl Mơĭt kơ Phung Rôm 1:32

Wăt tơdah diñu thâo klei bhiăn Aê Diê hưn kơ hlei pô ngă msĕ snăn năng djiê, amâo djŏ ôh knŏng diñu pô ngă, ƀiădah diñu ư ai hŏng phung ngă klei anăn.

Hră Y-Pôl Mơĭt kơ Phung Rôm 2:3

Ơ mnuih, tơdah ih phat kđi phung ngă soh snăn ƀiădah ih pô ăt ngă msĕ, ih mĭn ih srăng tlaih kơ klei Aê Diê phat kđi hĕ?

Hră Y-Pôl Mơĭt kơ Phung Rôm 3:9

Si ngă snăn? Phung Yuđa hmei jing jăk hĭn kơ phung mkăn mơ̆? Hơăi, amâo mâo ôh! Kyuadah kâo bi êdah sĭt leh kơ jih jang mnuih, phung Yuđa wăt phung Grĕk, dôk ti gŭ klei myang klei soh sơăi,

Hră Y-Pôl Mơĭt kơ Phung Rôm 4:15

Kyuadah klei bhiăn bi truh klei ngêñ, ƀiădah ti anôk amâo mâo klei bhiăn, amâo mâo ôh klei gao klei bhiăn.

Hră Y-Pôl Mơĭt kơ Phung Rôm 5:6

Êjai drei awăt, amâo mâo klei dưi drei pô ôh, Krist djiê leh kyua phung soh djŏ hruê Aê Diê bi kčah leh.

Hră Y-Pôl Mơĭt kơ Phung Rôm 5:9

Kdlưn hĭn kơ anăn, drei mâo klei yap kpă leh hŏng êrah Gơ̆ leh anăn kyua Gơ̆ mơh drei srăng tlaih mơ̆ng klei Aê Diê ngêñ.

Hră Y-Pôl Mơĭt kơ Phung Rôm 6:13

Đăm jao jơ̆ng kngan diih kơ klei soh jing mnơ̆ng klei wê yua ôh, ƀiădah jao bĕ diih pô kơ Aê Diê jing msĕ si phung mnuih kbiă lŏ hdĭp leh mơ̆ng phung djiê, leh anăn jao jơ̆ng kngan diih kơ Aê Diê jing mnơ̆ng klei kpă ênô yua.

Êphêsô 5:6

Đăm brei ôh arăng mplư diih hŏng klei blŭ hơăi mang, kyua klei anăn yơh klei Aê Diê ngêñ srăng truh kơ phung anak amâo thâo gưt asăp ôh.

Kôlôs 3:6

Kyua jih klei anăn klei Aê Diê ngêñ srăng truh kơ phung amâo thâo gưt asăp.

II Têsalônik 2:10

leh anăn ngă jih klei soh mplư phung srăng rai tuč, kyuadah diñu hngah amâo khăp ôh klei sĭt nik čiăng mâo klei bi mtlaih.

II Têsalônik 2:6

Leh anăn diih thâo hlei pô kơ̆ng ñu ară anei, čiăng kơ ñu dưi bi êdah djŏ ênuk ñu.