Hră Y-Pôl Mơĭt kơ Phung Rôm 1:15 - Klei Aê Diê Blŭ 2015

¹⁵ Snăn kâo hur har čiăng mtô klei mrâo mrang jăk wăt kơ diih msĕ mơh, phung dôk hlăm ƀuôn Rôm.

Hră Y-Pôl Mơĭt kơ Phung Rôm 1:15 Iomraidhean Croise

I Bruă Mtao 8:18

Ƀiădah Yêhôwa lač kơ Y-Đawit ama kâo, ‘Kyuadah hlăm ai tiê ih mâo leh klei čiăng mdơ̆ng sa boh sang kơ Anăn Kâo, ih ngă jăk leh mâo klei čiăng msĕ snăn hlăm ai tiê ih;

Y-Êsai 6:8

Leh anăn kâo hmư̆ asăp Khua Yang lač, “Hlei pô kâo srăng tiŏ nao? Hlei pô srăng nao brei kơ drei?” Hlăk anăn kâo lač, “Tinei kâo, tiŏ nao kâo bĕ.”

Y-Mathiơ 9:38

Snăn yơh, akâo bĕ kơ Pô hma brei Ñu tiŏ nao phung wiă.”

Y-Markôs 14:8

Mniê anei ngă tui si gơ̆ dưi. Gơ̆ trôč êa ƀâo mngưi ti asei mlei Kâo mprăp êlâo kơ klei arăng dơr Kâo.

Y-Yôhan 4:34

Yêsu lač kơ digơ̆, “Mnơ̆ng Kâo ƀơ̆ng huă jing klei ngă tui si Pô tiŏ hriê Kâo čiăng, leh anăn bi leh bruă Ñu.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

Hră Y-Pôl Mơĭt kơ Phung Rôm 10:15

Leh anăn si mnuih dưi mtô tơdah arăng amâo tiŏ nao diñu ôh? Tui si Klei Aê Diê Blŭ čih leh, “Siam jăk yơh jơ̆ng phung nao hưn klei mrâo mrang jăk!”

Hră Y-Pôl Mơĭt kơ Phung Rôm 12:18

Tơdah dưi, gĭr bĕ, dôk êđăp ênang hŏng jih jang mnuih.

Hră Y-Pôl Mơĭt kơ Phung Rôm 15:20

Snăn klei kâo čiăng jing klei hưn klei mrâo mrang jăk, amâo djŏ ôh ti anôk arăng hưn leh anăn Krist, huĭdah kâo mdơ̆ng ti dlông atur sa čô mkăn;

I Kôrantô 9:17

Kyuadah tơdah kâo ngă klei anei tui si kâo pô čiăng, kâo mâo klei mưn; ƀiădah tơdah kâo ngă klei anei amâo djŏ tui si kâo pô čiăng ôh, Aê Diê jao leh bruă anei kơ kâo hŏng klei mtă.

II Kôrantô 8:12

Kyuadah tơdah mâo klei jăk čiăng ngă, Aê Diê tŭ tui si mnơ̆ng ih mâo, amâo djŏ ôh tui si mnơ̆ng ih amâo mâo.