Hră Y-Pôl Mơĭt kơ Phung Rôm 1:12 - Klei Aê Diê Blŭ 2015

¹² klei anăn čiăng lač, čiăng kơ drei dưi bi mđĭ ai hdơ̆ng drei tui si klei diih đăo leh anăn klei kâo đăo.

Hră Y-Pôl Mơĭt kơ Phung Rôm 1:12 Iomraidhean Croise

Bruă Phung Khua Ƀĭng Kna 11:23

Tơdah ñu truh leh anăn ƀuh klei Aê Diê pap, ñu mơak; leh anăn ñu mđĭ ai jih jang digơ̆ brei dôk kjăp sĭt suôr hŏng Khua Yang.

Hră Y-Pôl Mơĭt kơ Phung Rôm 1:11

Kyuadah kâo čiăng snăk nao čhưn kơ diih, čiăng kơ kâo dưi bi mbha kơ diih klei brei mơ̆ng Yang Mngăt Jăk, čiăng bi kjăp diih;

Hră Y-Pôl Mơĭt kơ Phung Rôm 1:13

Ơ phung ayŏng adei, kâo čiăng kơ diih thâo jêñ jêñ leh kâo mĭn čiăng nao kơ diih, čiăng kơ kâo dưi pĕ boh mơ̆ng diih msĕ si mơ̆ng phung tue mkăn; ƀiădah kâo mâo klei ghă tơl hruê anei.

Hră Y-Pôl Mơĭt kơ Phung Rôm 15:24

kâo čang hmăng srăng ƀuh diih êjai kâo găn nao kơ čar Êspañ. Leh kâo mâo klei mơak dôk mbĭt hŏng diih ƀiă hruê, kâo čiăng kơ diih đru kâo nao kơ čar anăn.

Hră Y-Pôl Mơĭt kơ Phung Rôm 15:32

Snăn tui si Aê Diê čiăng, kâo srăng dưi truh kơ diih hŏng klei hơ̆k mơak leh anăn mâo klei mdei jăk jĭn ti krah phung diih.

II Kôrantô 7:13

Kyuanăn hmei mâo klei bi juh leh. Leh anăn êbeh kơ klei bi juh hmei pô, hmei mơak lu hĭn kyua klei Y-Tit mơak. Kyua jih jang diih, ai tiê ñu dôk êđăp ênang leh.

Êphêsô 4:5

Mâo sa Khua Yang, sa klei đăo, sa klei ƀaptem,

II Y-Timôthê 1:4

Tơdah kâo hdơr kơ êa ală ih, kâo čiăng snăk lŏ ƀuh ih, čiăng kơ kâo dưi bŏ hŏng klei hơ̆k mơak.

Y-Tit 1:4

Čih mơĭt kơ Y-Tit, anak kâo sĭt hlăm klei drei đăo msĕ. Brei ih mâo klei pap leh anăn klei êđăp ênang mơ̆ng Aê Diê Ama leh anăn Krist Yêsu, Pô Bi Mtlaih drei.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

II Y-Yôhan 1:4

Kâo hơ̆k mơak êdimima ƀuh đa đa phung anak ih êbat hlăm klei sĭt nik, tui si Ama mtă leh kơ drei.

Y-Yut 1:3

Ơ phung kâo khăp, êjai kâo čiăng snăk čih kơ diih djŏ kơ klei bi mtlaih drei mâo msĕ, kâo ƀuh jing yuôm čih čiăng mtrŭt diih bi blah mgang klei đăo jao leh kơ phung doh jăk sa blư̆ dŭm anăn.