Philip 4:8 - Klei Aê Diê Blŭ 2015

⁸ Ti knhal tuč hră anei, kâo mtă kơ diih, Ơ phung ayŏng adei, ya klei jing sĭt nik, ya klei jing năng mpŭ, ya klei jing kpă, ya klei jing êngeh, ya klei jing năng khăp, ya klei mâo hing ang jăk, tơdah mâo klei jăk hĭn, leh anăn tơdah mâo klei năng bi mni, brei diih dôk mĭn kơ klei anăn.

Philip 4:8 Iomraidhean Croise

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

II Y-Samuel 1:23

Y-Sôl leh anăn Y-Jônathan, phung arăng khăp leh anăn siam! Hlăm klei hdĭp leh anăn hlăm klei djiê, diñu amâo bi ktlah ôh; diñu pral hĭn kơ tlang, diñu ktang hĭn kơ êmông gu.

II Y-Samuel 23:3

Aê Diê phung Israel blŭ leh, Boh Tâo phung Israel lač leh kơ kâo: ‘Tơdah sa čô kiă kriê phung mnuih hŏng klei kpă, kiă kriê hŏng klei huĭ mpŭ kơ Aê Diê,

Klei Mmuñ Hđăp 82:2

Dŭm boh sui diih srăng phat kđi hŏng klei wê, leh anăn dôk tĭng kơ phung ƀai? (Sêla)

Klei Bi Hriêng 11:1

Yêhôwa bi êmut kheh kơ knăng mkă soh, ƀiădah Ñu mơak hŏng knăng mkă djŏ.

Klei Bi Hriêng 12:4

Sa mô̆ jăk jing msĕ si đuôn mtao kơ ung ñu, ƀiădah sa mô̆ bi hêñ gơ̆ jing msĕ si iêng ƀơ̆ng klang.

Klei Bi Hriêng 16:11

Boh ktrŏ leh anăn knăng djŏ jing dŏ Yêhôwa, jih jang boh ktrŏ hlăm kdô jing bruă Ñu.

Klei Bi Hriêng 20:7

Mnuih kpă ênô êbat hlăm klei ênuah, jăk mơak yơh phung anak čô ñu êdei.

Klei Bi Hriêng 31:10

Hlei dưi duah sa čô mniê năng mpŭ? Ñu jing yuôm hĭn kơ boh tâo mngač.

Klei Bi Hriêng 31:29

“Mâo lu phung mniê ngă jăk snăk năng mpŭ, ƀiădah ih êgao hĭn kơ jih jang diñu.”

Klei Bi Hriêng 31:31

Brei kơ ñu klei mưn năng kơ bruă kngan ñu ngă, leh anăn brei bruă ñu bi mni kơ ñu ti ƀăng jang ti anăp phung ƀuôn sang.

Klei Mmuñ Siam Hĭn 5:16

Klei ñu blŭ jing mơak hĭn hmư̆, leh anăn arăng khăp snăk kơ ñu. Anăn yơh jing pô kâo khăp leh anăn mah jiăng kâo, Ơ phung anak mniê ƀuôn Yêrusalem.

Y-Êsai 26:7

Êlan phung kpă ênô jing dap, Ơ Pô Kpă, Ih ngă bi dap êlan phung kpă ênô.

Y-Mathiơ 22:16

Diñu tiŏ nao phung ƀĭng kna diñu mbĭt hŏng phung Hêrôt, lač, “Ơ Nai, hmei thâo kơ Ih jing sa čô pô sĭt klă, mtô klei Aê Diê hŏng klei sĭt nik leh anăn Ih amâo yap mnuih mdê mdê ôh; kyuadah Ih amâo dlăng kơ klei arăng jing ôh.

Y-Markôs 6:20

kyuadah Hêrôt huĭ kơ Y-Yôhan. Hêrôt thâo leh Y-Yôhan jing sa čô mnuih kpă leh anăn doh jăk, snăn ñu amâo brei arăng bi mdjiê gơ̆ ôh. Tơdah Hêrôt hmư̆ gơ̆ mtô, ñu rŭng răng snăk; ƀiădah ăt ñu mơak hmư̆ gơ̆.

Y-Luk 16:15

Ƀiădah Yêsu lač kơ diñu, “Diih jing phung yap diih pô kpă ti anăp mnuih, ƀiădah Aê Diê thâo kral ai tiê diih; kyuadah ya klei phung mnuih mpŭ, Aê Diê bi êmut kheh kơ klei anăn.

Y-Luk 2:25

Hlăk anăn mâo ti ƀuôn Yêrusalem sa čô êkei, anăn ñu Y-Simêôn. Ñu jing kpă ênô leh anăn doh jăk. Ñu dôk čang hmăng klei bi juh kơ phung Israel, leh anăn Yang Mngăt Jăk dôk ti ñu.

Y-Luk 23:50

Mâo sa čô êkei, anăn ñu Y-Yôsep, mơ̆ng ƀuôn Arimathê hlăm čar Yuđa. Ñu jing sa čô hlăm phung khua phat kđi, sa čô mnuih jăk leh anăn kpă. Ñu amâo ư ai ôh hŏng klei phung anăn trông čhai leh anăn ngă, leh anăn ñu čang guôn ƀuôn ala mtao Aê Diê.

Y-Yôhan 7:18

Hlei pô blŭ tui si klei dưi ñu pô duah klei guh kơang kơ ñu pô; ƀiădah hlei pô duah klei guh kơang kơ Pô tiŏ hriê ñu jing sĭt, leh anăn hlăm ñu amâo mâo klei wê ôh.

Bruă Phung Khua Ƀĭng Kna 10:22

Digơ̆ lač, “Y-Kornei, sa čô khua kahan kơ sa êtuh čô, sa čô kpă leh anăn huĭ mpŭ kơ Aê Diê, Pô jih jang phung Yuđa mpŭ. Mâo sa čô dĭng buăl doh jăk mtă brei hriê iêô ih nao kơ sang ñu, čiăng hmư̆ klei ih mtô.”

Bruă Phung Khua Ƀĭng Kna 22:12

Mâo sa čô bi anăn Y-Ananias, mnuih kpă ênô tui si klei bhiăn, mâo hing ang jăk ti anăp jih jang phung Yuđa dôk ti ƀuôn Damas.

Bruă Phung Khua Ƀĭng Kna 6:3

Kyua anăn Ơ phung ayŏng adei, ruah bĕ mơ̆ng krah diih kjuh čô êkei mâo hing ang jăk, bŏ hŏng Yang Mngăt Jăk leh anăn hŏng klei thâo mĭn, phung hmei dưi jao bruă anei.

Hră Y-Pôl Mơĭt kơ Phung Rôm 13:13

Brei drei dôk dơ̆ng ƀơ̆ng huă hŏng klei djŏ msĕ si êjai hruê; đăm ngă tă tăn amâodah kpiê ruă ôh. Đăm ngă klei čhŏ mrŏ amâodah tlĕ piu ôh; đăm bi mneh msao amâodah nač ôh.

Hră Y-Pôl Mơĭt kơ Phung Rôm 13:3

Kyuadah phung khua kiă kriê amâo jing klei bi huĭ ôh kơ phung ngă jăk, ƀiădah kơ phung ngă jhat. Ih čiăng mơ̆ amâo huĭ ôh kơ phung khua kiă kriê? Snăn ngă bĕ klei jăk, leh anăn ih srăng mâo klei diñu bi mni.

Hră Y-Pôl Mơĭt kơ Phung Rôm 14:18

Hlei pô mă bruă kơ Krist msĕ snăn bi mơak kơ Aê Diê, leh anăn wăt mnuih tŭ klei ñu ngă.

Hră Y-Pôl Mơĭt kơ Phung Rôm 2:29

Ƀiădah arăng jing sa čô Yuđa sĭt tui si jing hlăm lam, leh anăn klei khăt klĭt sĭt arăng ngă hlăm ai tiê, hlăm mngăt, amâo djŏ ti asei mlei ôh. Sa čô Yuđa msĕ snăn mâo klei bi mni mơ̆ng Aê Diê, amâo djŏ mơ̆ng mnuih ôh.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

II Kôrantô 13:7

Ƀiădah hmei wah lač kơ Aê Diê, čiăng kơ diih amâo ngă soh ôh — amâo djŏ ôh čiăng arăng bi êdah hmei pô dưi hlăm klei lông dlăng, ƀiădah čiăng kơ diih ngă klei djŏ, wăt tơdah arăng mĭn hmei lĕ leh hlăm klei lông dlăng anăn.

II Kôrantô 6:8

hlăm klei mpŭ leh anăn klei hêñ, hlăm klei arăng bi êmut leh anăn hlăm klei arăng bi mni. Arăng yap hmei msĕ si phung mgưt, ƀiădah hmei jing phung sĭt,

II Kôrantô 8:18

Mbĭt hŏng ñu hmei tiŏ nao sa čô ayŏng mâo leh klei hing ang hlăm jih jang Phung Sang Aê Diê kyua klei ñu mtô klei mrâo mrang jăk.

II Kôrantô 8:21

Kyuadah hmei gĭr tui duah klei djŏ, amâo djŏ knŏng ti anăp Khua Yang ôh, ƀiădah wăt ti anăp mnuih msĕ mơh.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Êphêsô 4:25

Kyuanăn brei grăp čô diih lui klei luar, blŭ klei sĭt hŏng phung riêng gah ñu, kyuadah drei jing jơ̆ng kngan hdơ̆ng drei.

Êphêsô 5:9

(kyuadah boh klei mngač arăng ƀuh hlăm jih jang klei jăk, klei kpă, leh anăn klei sĭt nik.)

Êphêsô 6:14

Snăn dôk kjăp bĕ, mă klei sĭt nik jing hdrăng kơiêng, hơô klei kpă ênô jing ao msei,

Klei Mtô Mñă Klei Bhiăn 16:20

Brei ih tui hlue klă sĭt klei kpă, čiăng kơ ih dưi dôk hdĭp leh anăn dưn ala čar Yêhôwa Aê Diê brei kơ ih.

Philip 3:1

Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

Kôlôs 4:5

Brei diih dôk hdĭp hŏng klei thâo mĭn ti anăp phung amâo đăo ôh, yua mông diih bi jăk.

I Têsalônik 4:12

čiăng kơ phung ti tač mpŭ kơ diih, leh anăn diih amâo knang kơ sa čô mkăn ôh.

I Y-Timôthê 2:2

kyua phung mtao leh anăn kyua jih jang phung khua kiă kriê, čiăng kơ drei dưi dôk hdĭp êđăp ênang leh anăn amâo mâo klei rŭng răng ôh, tui si klei đăo kơ Aê Diê leh anăn tui si klei arăng mpŭ.

I Y-Timôthê 3:11

Brei phung mô̆ diñu msĕ mơh jing phung năng kơ arăng mpŭ, amâo dlao wač kơ arăng ôh, ƀiădah dôk djŏ hnơ̆ng, dôk sĭt suôr hlăm jih jang klei.

I Y-Timôthê 3:4

Brei ñu kiă kriê sang ñu pô bi jăk, thâo kiă kriê phung anak ñu brei thâo gưt asăp thâo mpŭ kơ ñu.

I Y-Timôthê 4:12

Đăm brei ôh arăng bi êmut kơ ih kyua ih jing hlăk ai, ƀiădah brei ih jing klei bi hmô kơ phung đăo hlăm klei blŭ, hlăm klei dôk dơ̆ng ƀơ̆ng huă, hlăm klei khăp, hlăm klei đăo, hlăm klei êngeh.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

I Y-Timôthê 5:2

Hŏng phung mniê mduôn msĕ si kơ amĭ; hŏng phung mniê hlăk ai msĕ si kơ adei hŏng klei doh sĭt.

Y-Tit 1:8

ƀiădah brei ñu jing mnuih thâo jum arăng, khăp kơ klei ngă jăk, thâo mkhư̆ klei ñu pô čiăng, kpă, doh jăk, thâo dôk djŏ hnơ̆ng.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

Y-Tit 2:2

Mtă kơ phung êkei mduôn dôk djŏ hnơ̆ng, ênuah ênô, thâo răng, dôk kjăp hlăm klei đăo, hlăm klei khăp, leh anăn hlăm klei gĭr.

Y-Tit 2:7

Hlăm jih jang klei bi êdah ih pô jing klei bi hmô hlăm bruă jăk, leh anăn hlăm klei ih mtô bi êdah klei doh jăk, klei năng,

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Hêbrơ 11:2

Hŏng klei đăo phung ênuk đưm mâo klei Aê Diê tŭ.

Hêbrơ 13:18

Wah lač brei kơ hmei đa, kyuadah hmei mĭn mâo ai tiê kpă êngeh, čiăng ngă jih jang klei hŏng klei djŏ.

Y-Yakơ 1:27

Snei klei đăo doh leh anăn amâo čhŏ ôh ti anăp Aê Diê Ama: đru phung anak êrĭt leh anăn phung mniê djiê ung hlăm klei knap mñai digơ̆, leh anăn răng kriê amâo bi čhŏ ñu pô hŏng klei mưng lăn ala.

Y-Yakơ 3:17

Ƀiădah klei thâo mĭn kbiă hriê mơ̆ng dlông êlâo hĭn jing êngeh, leh anăn êđăp ênang, êdu êun, thâo guôp, bŏ hŏng klei pap mñai leh anăn boh jăk, amâo mâo dlăng ti êngao amâodah ai ngăm ôh.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.

I Y-Pêtrôs 4:8

Êgao hĭn kơ jih jang, brei diih bi khăp hdơ̆ng diih nanao, kyuadah klei khăp guôm lu klei soh.

II Y-Pêtrôs 3:1

Ơ phung kâo khăp, nĕ anei hră tal dua kâo čih leh kơ diih, leh anăn hlăm jih dua pŏk hră anăn kâo bi êrâo klei mĭn ênuah ênô diih, čiăng brei diih hdơr

I Y-Yôhan 3:18

Ơ phung anak điêt, đăm drei khăp knŏng hŏng boh blŭ leh anăn ti êlah kƀuê ôh, ƀiădah hŏng klei ngă leh anăn hŏng klei sĭt.

I Y-Yôhan 3:3

Grăp čô mâo klei čang hmăng anei hlăm Krist bi doh ñu pô msĕ si Krist pô jing doh.

I Y-Yôhan 4:1

Ơ phung kâo khăp, đăm đăo kơ jih jang yang ôh, ƀiădah lông dlăng phung yang thâodah diñu kbiă hriê mơ̆ng Aê Diê; kyuadah mâo lu phung khua pô hưn êlâo soh mŭt leh hlăm lăn ala.

H'Rut 3:11

Bi ară anei đăm huĭ ôh, Ơ H'Bŭ, kâo srăng ngă kơ ih jih klei ih akâo, kyuadah jih jang mnuih ƀuôn sang kâo thâo kơ ih jing sa čô mniê mâo knuih jăk.