Philip 4:7 - Klei Aê Diê Blŭ 2015

⁷ Leh anăn klei êđăp ênang Aê Diê êgao hĭn kơ jih jang klei thâo săng, srăng kiă kriê ai tiê leh anăn klei mĭn diih hlăm Krist Yêsu.

Philip 4:7 Iomraidhean Croise

Y-Nêhêmi 8:10

Leh anăn Y-Êsra lač kơ digơ̆, “Nao bĕ diih ƀơ̆ng mnơ̆ng prăi êmă, leh anăn mnăm êa kpiê mmih, leh anăn mơĭt sa kdrêč mnơ̆ng anăn kơ pô amâo mkra ôh; kyuadah hruê anei jing doh jăk kơ Yêhôwa drei. Leh anăn đăm ênguôt ôh, kyuadah klei hơ̆k mơak Yêhôwa jing klei ktang diih.”

Y-Yôp 22:21

Bi mguôp hŏng Aê Diê, leh anăn ih srăng mâo klei êđăp ênang; snăn klei jăk srăng truh kơ ih.

Y-Yôp 34:29

Tơdah Ñu dôk kriêp, hlei pô dưi phat kđi Ñu? Tơdah Ñu mdăp ƀô̆ Ñu, hlei pô dưi ƀuh Ñu, thâodah sa găp djuê amâodah sa čô mnuih?

Klei Mmuñ Hđăp 29:11

Yêhôwa brei klei ktang kơ phung ƀuôn sang Ñu! Yêhôwa brei klei êđăp ênang kơ phung ƀuôn sang Ñu.

Klei Mmuñ Hđăp 85:8

Kâo srăng hmư̆ ya klei Aê Diê Yêhôwa srăng lač; kyuadah Ñu srăng blŭ klei êđăp ênang kơ phung ƀuôn sang Ñu, kơ phung doh jăk Ñu, ƀiădah đăm brei diñu lŏ wĭt ngă klei mluk ôh.

Klei Bi Hriêng 2:11

Klei ih thâo ksiêm srăng răng kriê ih, klei thâo săng srăng mgang ih,

Klei Bi Hriêng 4:6

Đăm lui klei knhâo, leh anăn ñu srăng kiă kriê ih; khăp kơ ñu, leh anăn ñu srăng mgang ih.

Klei Bi Hriêng 6:22

Tơdah ih êbat, digơ̆ srăng atăt ih; tơdah ih đih pĭt, digơ̆ srăng kiă kriê ih; tơdah ih srăng mdih pĭt, digơ̆ srăng blŭ kơ ih.

Y-Êsai 26:12

Ơ Yêhôwa, Ih srăng čuăn klei êđăp ênang kơ hmei, jih bruă hmei ngă leh, Ih ngă brei leh kơ hmei.

Y-Êsai 26:3

Ih srăng brei klei êđăp ênang kơ hlei pô bi kjăp klei mĭn ñu, kyuadah ñu knang kơ Ih.

Y-Êsai 45:7

Kâo mjing klei mngač leh anăn hrih klei mmăt. Kâo bi truh klei đĭ kyar leh anăn hrih klei bi rai. Kâo jing Yêhôwa, Pô ngă jih jang klei anei.’ ”

Y-Êsai 48:18

Ơ, tơdah ih dôk hmư̆ leh kơ klei Kâo mtă! Klei êđăp ênang ih jing leh msĕ si êa krông, klei kpă ênô ih msĕ si êlah êa ksĭ.

Y-Êsai 48:22

Yêhôwa lač, “Amâo mâo klei êđăp ênang ôh kơ phung ƀai.”

Y-Yêrêmi 32:16

Leh kâo jao hră blei anăn kơ Y-Baruk anak êkei Y-Nêria, kâo wah lač kơ Yêhôwa, lač:

Y-Yêrêmi 33:6

Ƀiădah nĕ anei, Kâo srăng bi truh klei suaih asei mlei leh anăn klei bi hlao, Kâo srăng bi hlao leh anăn bi êdah kơ diñu klei čăt đĭ êbeh dlai leh anăn klei hơĭt mđao.

Klei Yap 6:26

Akâo kơ Yêhôwa kngưr dlăng kơ ih, leh anăn brei klei êđăp ênang kơ ih.’

Y-Luk 1:79

čiăng mtrang bi mngač phung dôk gŭ hlăm klei mmăt leh anăn hlăm êyui klei djiê, čiăng atăt drei êbat hlăm êlan klei êđăp ênang.”

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Y-Yôhan 14:27

Kâo lui klei êđăp ênang mbĭt hŏng diih; Kâo brei kơ diih klei êđăp ênang Kâo pô. Kâo brei kơ diih amâo djŏ msĕ si lăn ala brei ôh. Đăm brei ai tiê diih rŭng răng ôh, kăn huĭ rei.

Y-Yôhan 16:33

Kâo lač leh klei anei kơ diih, čiăng kơ diih dưi mâo klei êđăp ênang hlăm Kâo. Hlăm lăn ala diih srăng mâo klei knap mñai; ƀiădah dôk kjăp bĕ, Kâo dưi leh hŏng lăn ala.”

Hră Y-Pôl Mơĭt kơ Phung Rôm 1:7

Kâo čih mơĭt kơ jih jang phung Aê Diê khăp hlăm ƀuôn Rôm, phung Aê Diê iêô leh brei jing phung doh jăk: Hơêč hmưi kơ diih mâo klei pap leh anăn klei êđăp ênang mơ̆ng Aê Diê Ama leh anăn Khua Yang drei Yêsu Krist.

Hră Y-Pôl Mơĭt kơ Phung Rôm 14:17

Kyuadah ƀuôn ala mtao Aê Diê amâo djŏ jing klei ƀơ̆ng huă mnăm ôh, ƀiădah klei kpă ênô, klei êđăp ênang, leh anăn klei hơ̆k mơak hlăm Yang Mngăt Jăk.

Hră Y-Pôl Mơĭt kơ Phung Rôm 15:13

Akâo kơ Aê Diê, Pô jing klei čang hmăng, bi bŏ diih hŏng jih klei mơak leh anăn klei êđăp ênang hlăm klei đăo, čiăng kơ hŏng klei myang Yang Mngăt Jăk diih dưi mâo klei čang hmăng êbeh dlai.

Hră Y-Pôl Mơĭt kơ Phung Rôm 5:1

Snăn kyuadah drei mâo leh klei yap kpă hŏng klei đăo, drei mâo klei êđăp ênang hŏng Aê Diê hlăm Khua Yang drei Yêsu Krist.

Hră Y-Pôl Mơĭt kơ Phung Rôm 8:6

Klei khăp mĭn kơ klei tui si kđeh jing klei djiê; ƀiădah klei khăp mĭn kơ klei tui si Yang Mngăt Jăk jing klei hdĭp leh anăn klei êđăp ênang.

II Kôrantô 10:5

Hmei bi rai klei bi mgăl leh anăn djăp mta klei mgao bi kdơ̆ng hŏng klei thâo kral Aê Diê, leh anăn atăt jih jang klei mĭn brei jing mnă gưt kơ Krist;

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

Galati 5:22

Ƀiădah boh mơ̆ng Yang Mngăt Jăk jing klei khăp, klei hơ̆k mơak, klei êđăp ênang, klei thâo gĭr, klei jăk, klei êmhač, klei sĭt suôr,

Êphêsô 3:19

leh anăn dưi thâo kral klei Yêsu Krist khăp êgao hĭn kơ arăng dưi thâo săng, čiăng kơ diih dưi bŏ hŏng klei bŏ ênŭm Aê Diê.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

Philip 1:2

Brei diih mâo klei pap leh anăn klei êđăp ênang mơ̆ng Aê Diê Ama drei, leh anăn Khua Yang Yêsu Krist.

Philip 4:19

Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Philip 4:21

Brei diih kkuh čhưn hŏng grăp čô phung doh jăk hlăm Krist Yêsu. Phung ayŏng adei đăo dôk mbĭt hŏng kâo mơĭt klei čhưn kơ diih.

Philip 4:9

Ya klei diih hriăm leh, mă tŭ leh, hmư̆ leh, leh anăn ƀuh leh hlăm kâo, brei diih ngă msĕ mơh, leh anăn Aê Diê klei êđăp ênang srăng dôk mbĭt hŏng diih.

Kôlôs 3:15

Brei klei êđăp ênang Krist kiă kriê hlăm ai tiê diih. Kơ klei anăn Aê Diê iêô leh diih hlăm sa asei mlei. Leh anăn brei diih thâo hdơr knga.

II Têsalônik 3:16

Akâo kơ Khua Yang klei êđăp ênang brei kơ diih klei êđăp ênang nanao hlăm jih jang klei. Brei Khua Yang dôk mbĭt hŏng jih jang diih.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,

Y-Yut 1:1

Kâo gơ̆ Y-Yut, sa čô dĭng buăl Yêsu Krist leh anăn adei Y-Yakơ, čih mơĭt kơ phung Aê Diê iêô leh, phung Aê Diê Ama khăp leh anăn pioh leh kơ Yêsu Krist.

Klei Bi Êdah 1:4

Y-Yôhan čih mơĭt kơ kjuh Phung Sang Aê Diê hlăm čar Asi: Brei mâo klei pap leh anăn klei êđăp ênang kơ diih mơ̆ng Pô jing ară anei, Pô jing leh, leh anăn Pô srăng lŏ hriê, leh anăn mơ̆ng kjuh mngăt yang dôk ti anăp jhưng mtao Ñu,

Klei Bi Êdah 2:17

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei kơ ñu kpŭng mana hgăm, leh anăn Kâo srăng brei kơ ñu sa boh tâo kô̆, ti boh tâo kô̆ anăn arăng čih leh sa anăn mrâo amâo mâo mnuih thâo ôh, knŏng pô mă tŭ thâo.’ ”