Philip 4:6 - Klei Aê Diê Blŭ 2015

⁶ Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.

Philip 4:6 Iomraidhean Croise

I Bruă Mtao 8:28

Ƀiădah mđing bĕ kơ klei dĭng buăl Ih wah lač leh anăn kơ klei ñu kwưh, Ơ Yêhôwa Aê Diê kâo, hmư̆ bĕ hruê anei klei dĭng buăl Ih ur leh anăn wah lač ti anăp Ih;

II Klei Yăl Dliê 32:20

Mtao Hêsêkia leh anăn khua pô hưn êlâo Y-Êsai, anak êkei Y-Amôt, wah lač kyua klei anăn leh anăn ur krao kơ adiê.

Klei Mmuñ Hđăp 51:15

Ơ Khua Yang, pŏk ƀăng kƀông kâo, leh anăn ƀăng êgei kâo srăng hưn klei bi mni kơ Ih.

Klei Mmuñ Hđăp 55:17

Tlam, aguah, leh anăn yang hruê dơ̆ng kâo ur ênguôt, leh anăn ñu hmư̆ asăp kâo.

Klei Mmuñ Hđăp 55:22

Lưh klei ktrŏ ih kơ Yêhôwa, leh anăn Ñu srăng krơ̆ng ih; Ñu amâo srăng tuôm brei phung kpă ênô mgei ôh.

Klei Mmuñ Hđăp 62:8

Ơ phung ƀuôn sang, knang bĕ kơ Ñu nanao; hưn jih ai tiê kơ Ñu. Aê Diê jing anôk drei đuĕ dăp. (Sêla)

Klei Bi Hriêng 15:8

Yêhôwa bi êmut kheh kơ mnơ̆ng phung ƀai ngă yang, ƀiădah klei phung kpă wah lač bi mơak kơ Ñu.

Klei Bi Hriêng 16:3

Jao bĕ bruă ih kơ Yêhôwa, leh anăn hdră ih čiăng ngă srăng jing.

Klei Mmuñ Siam Hĭn 2:14

Ơ mgăm kâo, hlăm anôk ƀăng kđang boh tâo, leh anăn ti ping čư̆ dơ̆ng, brei kâo ƀuh ƀô̆ mta ih, brei kâo hmư̆ asăp ih, kyuadah asăp ih blŭ jing mơak mơưr, leh anăn ƀô̆ mta ih siam sĭn.

Y-Yêrêmi 32:16

Leh kâo jao hră blei anăn kơ Y-Baruk anak êkei Y-Nêria, kâo wah lač kơ Yêhôwa, lač:

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Y-Đaniel 3:16

Y-Sadrak, Y-Mêsăk, leh anăn Y-Abetnêgô lŏ wĭt lač kơ mtao, “Ơ Y-Nebukatnetsar, amâo yuôm ôh hmei lŏ wĭt lač čiăng mgang hmei pô djŏ kơ klei anei.

Y-Đaniel 6:10

Tơdah Y-Đaniel thâo mtao čih anăn leh kơ hră anăn, ñu mŭt hlăm sang ñu ƀăng bhă điêt hlăm adŭ tal dlông ñu pŏk jih phă ƀuôn Yêrusalem; leh anăn tlâo blư̆ grăp hruê ñu čuôn kơŭt wah lač leh anăn bi mni kơ Aê Diê ñu msĕ si ñu bhiăn ngă leh.

Y-Mathiơ 10:19

Tơdah diñu jao diih, đăm rŭng răng ôh si diih srăng blŭ amâodah ya klei diih srăng lač; kyuadah ya klei diih srăng lač arăng srăng brei kơ diih ti mông anăn mtam.

Y-Mathiơ 13:22

Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Y-Mathiơ 6:34

Snăn đăm uêñ hnĭng ôh kơ hruê mgi, kyuadah hruê mgi diih srăng uêñ kơ hruê mgi. Grăp hruê mâo klei dleh kơ grăp hruê.”

Y-Mathiơ 6:8

Snăn đăm jing msĕ si diñu ôh, kyuadah Ama diih thâo leh ya mnơ̆ng diih kƀah êlâo kơ diih akâo kơ Ñu.

Y-Luk 10:41

Ƀiădah Khua Yang lŏ wĭt lač kơ gơ̆, “Ơ H'Mart, H'Mart! Ih ênguôt leh anăn rŭng răng kyua lu klei.

Y-Luk 12:22

Leh anăn Yêsu lač kơ phung ƀĭng kna Ñu, “Kyuanăn Kâo lač kơ diih, đăm rŭng răng ôh kơ klei hdĭp diih, kơ ya mnơ̆ng diih srăng ƀơ̆ng huă, kăn rŭng răng rei kơ asei mlei diih kơ ya mnơ̆ng diih srăng hơô.

Y-Luk 12:29

Leh anăn đăm duah ya mnơ̆ng diih srăng ƀơ̆ng huă amâodah mnăm ôh, leh anăn kăn mâo klei uêñ đei rei.

Y-Luk 18:1

Yêsu blŭ sa klei bi hriêng kơ digơ̆ čiăng bi hriăm digơ̆ jing yuôm wah lač nanao amâo êdu ai ôh.

Y-Luk 18:7

Leh anăn amâo djŏ hĕ Aê Diê srăng mkra brei bi kpă kđi kơ phung Ñu ruah leh, phung krao kwưh kơ Ñu hruê mlam? Ñu srăng bi kdung hruê đru digơ̆ mơ̆?

I Kôrantô 7:21

Ih jing hlŭn mơ̆ hlăk Aê Diê iêô ih? Mơ̆ng ai ñu. Ƀiădah tơdah ih dưi mâo klei êngiê, brei ih tŭ mơh.

I Kôrantô 7:32

Kâo čiăng kơ diih jing êngiê mơ̆ng klei ênguôt hnĭng. Êkei hliê uêñ kơ bruă Khua Yang, čiăng dưi bi mơak kơ Khua Yang.

II Kôrantô 1:11

êjai diih đru hmei msĕ mơh hŏng klei wah lač. Snăn lu mnuih srăng bi mni kơ Aê Diê kyua hmei kơ klei jăk jĭn Aê Diê brei kơ hmei kyua lu mnuih wah lač.

Êphêsô 5:20

Kyua jih jang klei, brei diih bi mni nanao kơ Aê Diê Ama hlăm anăn Khua Yang drei, Yêsu Krist.

Êphêsô 6:18

Hŏng Yang Mngăt Jăk wah lač jêñ jêñ leh anăn kwưh. Răng kơ klei anăn nanao hŏng klei gĭr, êjai wah lač brei kơ jih jang phung doh jăk.

Kôlôs 3:15

Brei klei êđăp ênang Krist kiă kriê hlăm ai tiê diih. Kơ klei anăn Aê Diê iêô leh diih hlăm sa asei mlei. Leh anăn brei diih thâo hdơr knga.

Kôlôs 3:17

Ya mta klei diih ngă, hlăm klei blŭ amâodah bruă ngă, ngă bĕ jih hlăm anăn Khua Yang Yêsu, leh anăn bi mni kơ Aê Diê Ama hlăm Ñu.

Kôlôs 4:2

Gĭr bĕ diih hlăm klei wah lač, dôk răng kơ klei anăn leh anăn bi mni kơ Aê Diê.

I Y-Timôthê 2:1

Snăn êlâo kơ jih jang klei, kâo mtrŭt brei ih kwưh, akâo, wah lač brei kơ arăng leh anăn bi mni kơ Aê Diê kyua jih jang mnuih,

I Y-Timôthê 5:5

Hlei pô jing mniê djiê ung sĭt, dôk hjăn păn, čang hmăng kơ Aê Diê leh anăn hruê mlam dôk gĭr kwưh leh anăn wah lač.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

I Y-Pêtrôs 5:7

Jao bĕ kơ Ñu jih jang klei uêñ hnĭng diih, kyuadah Ñu răng kriê kơ diih.

I Y-Samuel 1:15

Ƀiădah H'An lŏ wĭt lač, “Hơăi, Ơ khua kâo, kâo jing sa čô mniê mâo klei rŭng răng snăk. Kâo amâo tuôm mnăm kpiê ôh, kăn tuôm mnăm êa kpiê ktang mkăn rei, ƀiădah kâo bi êdah jih ai tiê kâo ti anăp Yêhôwa.

I Y-Samuel 30:6

Y-Đawit rŭng răng snăk, kyuadah phung ƀuôn sang blŭ čiăng bhĭr boh tâo kơ ñu, kyuadah jih jang phung ƀuôn sang ênguôt snăk, grăp čô kyua anak êkei leh anăn anak mniê gơ̆. Ƀiădah Y-Đawit lŏ bi ktang ñu pô hlăm anăn Yêhôwa Aê Diê ñu.

I Y-Samuel 7:12

Leh klei anăn Y-Samuel mă sa klŏ boh tâo leh anăn mdơ̆ng gơ̆ plah wah ƀuôn Mispa hŏng ƀuôn Sen, bi anăn gơ̆ Êbenêser; kyuadah ñu lač, “Truh tinei, Yêhôwa đru drei leh.”