Philip 4:3 - Klei Aê Diê Blŭ 2015

³ Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.

Philip 4:3 Iomraidhean Croise

Klei Mmuñ Hđăp 69:28

Lăm hĕ anăn diñu mơ̆ng hdruôm hră klei hdĭp; leh anăn đăm čih anăn diñu ôh mbĭt hŏng phung kpă ênô.

Klei Kbiă 32:32

Ƀiădah ară anei, akâo kơ Ih pap brei kơ klei soh diñu — ƀiădah tơdah Ih amâo čiăng ôh, akâo kơ Ih lăm hĕ anăn Kâo mơ̆ng hdruôm hră Ih čih leh.”

Y-Êsai 4:3

Leh anăn arăng srăng pia phung adôk hlăm ƀuôn Siôn leh anăn phung adôk hlăm ƀuôn Yêrusalem phung doh jăk, grăp čô hlei pô arăng čih pioh leh kơ klei hdĭp hlăm ƀuôn Yêrusalem.

Y-Êsêkiêl 13:9

‘Kngan Kâo srăng bi kdơ̆ng hŏng phung khua pô hưn êlâo phung bi ƀuh klei luar leh anăn blŭ klei mdian luar. Diñu amâo srăng dôk hlăm klei phung ƀuôn sang Kâo bi kƀĭn ôh, kăn arăng čih anăn diñu rei hlăm hră čih anăn sang Israel, kăn diñu srăng mŭt hlăm čar Israel rei; leh anăn diih srăng thâo kơ Kâo jing Yêhôwa Aê Diê.

Y-Đaniel 12:1

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Y-Luk 10:20

Đăm hơ̆k ôh kyua phung yang jhat gưt kơ diih, ƀiădah hơ̆k mơak bĕ kyua anăn diih arăng čih leh hlăm adiê.”

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 16:12

Kâo kkuh čhưn hŏng H'Triphên leh anăn Y-Triphôs, phung mă bruă kơ Khua Yang. Kâo kkuh čhưn hŏng H'Persis, mah jiăng kâo khăp, pô mă bruă suăi leh kơ Khua Yang.

Hră Y-Pôl Mơĭt kơ Phung Rôm 16:9

Kâo kkuh čhưn hŏng Y-Urban, pô mă bruă mbĭt hŏng kâo hlăm Krist, leh anăn Y-Stakis, pô kâo khăp.

Philip 1:12

Ơ phung ayŏng adei, kâo čiăng kơ diih thâo boh nik nak klei truh leh kơ kâo jing klei đru bi mđĭ bruă klei mrâo mrang jăk;

Philip 1:16

Phung anei mtô hŏng ai tiê khăp, kyuadah diñu thâo arăng brei kâo dôk tinei čiăng mgang klei mrâo mrang jăk.

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Philip 1:5

hdơr knga kơ klei diih đru mă bruă mbĭt hlăm klei mrâo mrang jăk mơ̆ng mphŭn truh kơ ară anei.

Philip 1:7

Jing djŏ kâo mâo klei mĭn snăn kơ jih jang diih, kyuadah kâo pioh diih hlăm ai tiê kâo nanao, kyuadah jih jang diih mă tŭ leh klei pap mbĭt hŏng kâo, wăt hlăm klei arăng krư̆ kâo leh anăn hlăm klei mgang leh anăn bi sĭt klei mrâo mrang jăk.

Philip 4:2

Kâo kwưh kơ H'Êwôdi leh anăn H'Sintič brei bi mguôp sa ai hlăm Khua Yang.

Kôlôs 1:7

tui si diih hriăm leh mơ̆ng Y-Êpapras, pô hmei khăp mă bruă mbĭt hŏng hmei. Ñu jing dĭng buăl sĭt suôr kơ Krist bi ala hmei,

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.

Klei Bi Êdah 17:8

Hlô dliê ih ƀuh anăn jing leh, leh anăn amâo lŏ jing ôh, leh anăn srăng kbiă mơ̆ng ƀăng êlam leh anăn nao kơ klei rai tuč. Leh anăn phung dôk ti lăn ala amâo mâo anăn čih leh hlăm hdruôm hră klei hdĭp mơ̆ng ênuk hrih lăn ala srăng bi kngăr êjai ƀuh hlô dliê anăn, kyuadah ñu jing leh, leh anăn amâo lŏ jing ôh, leh anăn ñu srăng lŏ hriê.

Klei Bi Êdah 20:12

Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.

Klei Bi Êdah 20:15

Hlei pô amâo mâo anăn čih leh hlăm hdruôm hră klei hdĭp, arăng dlăm ñu hlăm ênao pui.

Klei Bi Êdah 21:27

Ƀiădah amâo mâo mnơ̆ng čhŏ amâodah pô ngă klei Aê Diê bi êmut kheh amâodah klei luar srăng mŭt tinăn ôh, ƀiădah knŏng phung mâo anăn arăng čih leh hlăm hdruôm hră klei hdĭp Êđai Biăp.

Klei Bi Êdah 3:5

Hlei pô dưi srăng hơô ao kô̆ msĕ snăn, leh anăn Kâo amâo srăng lăm ôh anăn ñu mơ̆ng hdruôm hră klei hdĭp; leh anăn Kâo srăng hưn anăn ñu ti anăp Ama Kâo leh anăn ti anăp phung dĭng buăl jăk Ñu.