Philip 4:20 - Klei Aê Diê Blŭ 2015

²⁰ Brei klei guh kơang kơ Aê Diê Ama drei nanao hlŏng lar. Amen.

Philip 4:20 Iomraidhean Croise

Klei Mmuñ Hđăp 115:1

Amâo djŏ kơ hmei, Ơ Yêhôwa, amâo djŏ kơ hmei ôh, ƀiădah kơ anăn Ih yơh brei klei guh kơang, kyua klei khăp Ih leh anăn klei sĭt suôr Ih.

Klei Mmuñ Hđăp 72:19

Mpŭ mni kơ anăn guh kơang Ñu nanao hlŏng lar; brei jih lăn ala bŏ hŏng klei guh kơang Ñu! Amen leh anăn Amen.

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Y-Mathiơ 6:9

Snăn wah lač bĕ msĕ snei: ‘Ơ Ama hmei, dôk hlăm adiê ơi, akâo kơ anăn Ih mâo klei mpŭ doh jăk.

Hră Y-Pôl Mơĭt kơ Phung Rôm 11:36

Kyuadah jih jang mnơ̆ng kbiă hriê mơ̆ng Ñu, kyua Ñu, leh anăn kơ Ñu. Pioh kơ Aê Diê yơh klei guh kơang hlŏng lar. Amen.

Hră Y-Pôl Mơĭt kơ Phung Rôm 16:27

kơ Aê Diê, knŏng hjăn Ñu jing Pô thâo mĭn, brei mâo klei guh kơang hlăm jih jang ênuk hlăm Yêsu Krist! Amen.

Êphêsô 3:21

brei Ñu mâo klei guh kơang hlăm Phung Sang Aê Diê leh anăn hlăm Krist Yêsu hlăm jih jang ênuk, nanao hlŏng lar. Amen.

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 4:23

Brei klei Khua Yang Yêsu Krist pap dôk mbĭt hŏng diih.

I Y-Timôthê 1:17

Kơ mtao hlăm jih jang ênuk, Pô amâo thâo djiê, Pô arăng amâo dưi ƀuh ôh, knŏng hjăn Ñu jing Aê Diê, brei klei mpŭ leh anăn klei guh kơang hlŏng lar. Amen.

Y-Yut 1:25

kơ knŏng sa čô Aê Diê, Pô Bi Mtlaih drei, hlăm Yêsu Krist Khua Yang drei, brei mâo klei guh kơang, klei kdrăm, klei kiă kriê, leh anăn klei dưi, mơ̆ng êlâo kơ jih jang ênuk, ară anei hin, leh anăn hlŏng lar. Amen.

Klei Bi Êdah 1:6

leh anăn mjing drei sa boh ƀuôn ala mtao, phung khua ngă yang kơ Aê Diê, Ama Ñu, kơ Ñu yơh brei klei guh kơang leh anăn klei dưi kiă kriê nanao hlŏng lar. Amen.

Klei Bi Êdah 11:13

Ti mông anăn mâo klei yơ̆ng lăn ala ktang, leh anăn sa kdrêč hlăm pluh ƀuôn prŏng klưh. Kjuh êbâo čô mnuih djiê hlăm klei yơ̆ng lăn ala anăn, bi phung mkăn huĭ snăk leh anăn mpŭ mni kơ Aê Diê hlăm adiê.

Klei Bi Êdah 14:7

Ñu lač hŏng asăp kraih, “Huĭ mpŭ bĕ kơ Aê Diê leh anăn brei klei guh kơang kơ Ñu, kyuadah mông Ñu phat kđi truh leh. Leh anăn kkuh mpŭ bĕ kơ Ñu, Pô hrih adiê, lăn ala, êa ksĭ, leh anăn jih jang akŏ êa.”

Klei Bi Êdah 5:12

Diñu mmuñ hŏng asăp kraih, “Êđai Biăp arăng bi mdjiê leh mâo klei năng mă tŭ klei myang, klei mdrŏng, klei thâo mĭn, klei ktang, klei mpŭ, klei guh kơang, leh anăn klei arăng mpŭ mni!”

Klei Bi Êdah 7:12

êjai mmuñ, “Amen! Klei mpŭ mni, klei guh kơang, klei thâo mĭn, klei hdơr knga, klei mpŭ, klei myang, leh anăn klei ktang pioh kơ Aê Diê drei hlăm jih jang ênuk! Amen.”