Philip 4:19 - Klei Aê Diê Blŭ 2015

¹⁹ Leh anăn Aê Diê kâo srăng brei kơ diih djăp mta mnơ̆ng diih kƀah tui si klei mdrŏng Ñu hlăm klei guh kơang hlăm Krist Yêsu.

Philip 4:19 Iomraidhean Croise

Klei Mphŭn Dơ̆ng 48:15

Ñu hơêč hmưi kơ Y-Yôsep leh anăn lač, “Aê Diê, ti anăp pô anăn aê kâo Y-Abraham, leh anăn ama kâo Y-Isăk êbat leh; Aê Diê, Pô jing mgăt kâo jih klei hdĭp kâo hlŏng kơ hruê anei,

II Y-Samuel 22:7

Hlăm klei knap mñai kâo, kâo iêô kwưh kơ Yêhôwa, kâo iêô kwưh kơ Aê Diê kâo. Mơ̆ng sang yang Ñu, Ñu hmư̆ leh asăp kâo, leh anăn klei kâo ur krao truh kơ ƀăng knga Ñu.

II Klei Yăl Dliê 18:13

Ƀiădah Y-Mika lač, “Tui si Yêhôwa dôk hdĭp, ya Aê Diê kâo lač, kâo srăng blŭ klei anăn.”

II Klei Yăl Dliê 31:8

Tơdah Y-Hêsêkia leh anăn phung khua hriê dlăng leh anăn ƀuh lu kăm dŏ myơr, diñu bi mni kơ Yêhôwa leh anăn kơ phung ƀuôn sang Ñu Israel.

Y-Nêhêmi 5:19

Hdơr bĕ kơ klei jăk kâo, Ơ Aê Diê kâo, jih jang klei kâo ngă leh kơ phung ƀuôn sang anei.

Y-Nêhêmi 9:15

Ih brei leh kơ diñu kpŭng mơ̆ng adiê kyua klei diñu êpa, leh anăn bi ƀlĕ êa kơ diñu mơ̆ng boh tâo kyua klei diñu mhao, leh anăn Ih hưn kơ diñu brei mŭt mă bha čar Ih kat asei leh čiăng brei kơ diñu.

Klei Mmuñ Hđăp 104:24

Ơ Yêhôwa, bruă Ih lu êdimima! Ih ngă diñu jih hŏng klei thâo mĭn; lăn ala bŏ leh hŏng mnơ̆ng Ih hrih.

Klei Mmuñ Hđăp 130:7

Ơ Phung Israel, čang hmăng bĕ kơ Yêhôwa; kyuadah Yêhôwa bŏ hŏng klei jăk, leh anăn mâo klei myang êbeh dlai dưi bi tui.

Klei Mmuñ Hđăp 36:8

Diñu trei hŏng mnơ̆ng êbeh dlai hlăm sang Ih; leh anăn Ih bi mnăm diñu mơ̆ng êa krông jăk mơak Ih.

Klei Mmuñ Hđăp 84:11

Kyuadah Yêhôwa Aê Diê jing yang hruê leh anăn khil; Ñu brei klei pap leh anăn klei mpŭ; Ñu amâo hngah sa mta klei jăk ôh kơ phung êbat hŏng klei kpă.

Y-Đaniel 6:22

Aê Diê kâo tiŏ hriê leh dĭng buăl jăk Ñu kđăl hĕ ƀăng êgei êmông gu; snăn diñu amâo ngă jhat kơ kâo ôh, kyuadah Aê Diê ƀuh kâo amâo mâo klei soh ôh ti anăp Ñu. Leh anăn wăt ti anăp ih msĕ mơh, Ơ mtao, kâo kăn ngă klei soh rei.”

Y-Mika 7:7

Bi kơ kâo, kâo srăng kăp dlăng kơ Yêhôwa, kâo srăng dôk guôn Aê Diê Pô bi mtlaih kâo; Aê Diê kâo srăng hmư̆ kâo.

Y-Malaki 3:10

Djă ba bĕ bi ênŭm jih dŏ sa kdrêč hlăm pluh kơ sang pioh ngăn, čiăng bi mâo mnơ̆ng ƀơ̆ng huă hlăm sang Kâo. Hŏng klei anăn brei diih lông dlăng Kâo,” Yêhôwa kơ phung kahan lač, “Thâodah Kâo amâo srăng pŏk ƀăng bhă điêt hlăm adiê kơ diih leh anăn tuh kơ diih sa klei jăk jĭn êbeh dlai.

Y-Mathiơ 6:32

Kyuadah phung tue tui duah jih jang mnơ̆ng anăn; leh anăn Ama diih hlăm adiê thâo leh jing yuôm diih mâo jih dŏ anăn.

Y-Yôhan 20:17

Yêsu lač kơ ñu, “Đăm ruêh Kâo ôh, kyuadah Kâo ka đĭ ôh kơ Ama Kâo; ƀiădah nao bĕ kơ phung ayŏng adei Kâo leh anăn lač kơ diñu, ‘Kâo đĭ nao kơ Ama Kâo leh anăn kơ Ama diih, kơ Aê Diê Kâo leh anăn kơ Aê Diê diih.’ ”

Y-Yôhan 20:27

Leh anăn Yêsu lač kơ Y-Thômas, “Dưm kđiêng ih tinei, leh anăn dlăng kngan Kâo; yơr kngan ih dưm ti djiêô Kâo; đăm lŏ đing ôh, ƀiădah đăo bĕ.”

Hră Y-Pôl Mơĭt kơ Phung Rôm 1:8

Êlâo hĭn, kâo bi mni kơ Aê Diê kâo hlăm Yêsu Krist kyua jih jang diih, kyuadah arăng hưn klei diih đăo tar ƀar lăn ala.

Hră Y-Pôl Mơĭt kơ Phung Rôm 11:33

Ơ, êlam êdi klei mdrŏng Aê Diê, klei thâo mĭn leh anăn klei thâo săng Ñu! Si dưi mblang klei Ñu phat kđi! Leh anăn si dưi thâo săng klei Ñu ngă!

Hră Y-Pôl Mơĭt kơ Phung Rôm 2:4

Amâodah ih amâo uêñ hĕ kơ Aê Diê mdrŏng hŏng klei jăk, klei thâo pap, leh anăn klei gĭr? Ih amâo thâo hĕ klei jăk Aê Diê čiăng atăt ih kơ klei kmhal kơ klei soh?

Hră Y-Pôl Mơĭt kơ Phung Rôm 8:18

Kâo yap klei knap mñai ênuk anei amâo năng ôh bi mđơr hŏng klei guh kơang srăng bi êdah kơ drei ênuk êdei.

Hră Y-Pôl Mơĭt kơ Phung Rôm 9:23

čiăng bi êdah klei mdrŏng klei guh kơang Ñu pioh kơ lu boh čeh Ñu pap, mmai leh mơ̆ng êlâo pioh kơ klei guh kơang?

II Kôrantô 12:21

Kâo huĭ tơdah kâo lŏ truh Aê Diê kâo srăng bi luă gŭ kâo ti anăp diih, leh anăn kâo srăng hia kyua lu phung ngă soh leh mơ̆ng êlâo leh anăn amâo tuôm kmhal ôh kơ klei čhŏ mrŏ, klei knhông leh anăn klei ƀai diñu ngă.

II Kôrantô 4:17

Kyuadah klei knap mñai hdjul bhiâo anei mjing kơ hmei klei guh kơang prŏng hĭn hlŏng lar êgao kơ arăng dưi mkă.

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 1:7

Hlăm Pô anăn drei mâo klei bi tui hŏng êrah Gơ̆, klei pap brei kơ klei soh drei, tui si klei mdrŏng klei Ñu pap,

Êphêsô 2:7

čiăng kơ Ñu dưi bi êdah hlăm ênuk srăng truh klei mdrŏng klei Ñu pap amâo dưi mkă ôh hlăm klei jăk Ñu ngă kơ drei hlăm Krist Yêsu.

Êphêsô 3:16

Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu;

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Philip 4:7

Leh anăn klei êđăp ênang Aê Diê êgao hĭn kơ jih jang klei thâo săng, srăng kiă kriê ai tiê leh anăn klei mĭn diih hlăm Krist Yêsu.

Kôlôs 1:27

Aê Diê čiăng brei phung doh jăk Ñu thâo klei mdrŏng guh kơang klei hgăm anăn ti krah phung tue, čiăng lač Krist hlăm diih jing klei čang hmăng kơ klei guh kơang.

Kôlôs 3:16

Brei klei Krist blŭ dôk bŏ dlai hlăm diih, êjai diih mtô leh anăn ƀuah mkra hdơ̆ng diih hŏng jih klei thâo mĭn, êjai diih mmuñ klei mmuñ hđăp, klei mmuñ kkuh mpŭ, klei mmuñ doh jăk, hŏng ai tiê bŏ hŏng klei bi mni kơ Aê Diê.

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

I Y-Timôthê 6:17

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

Y-Philêmôn 1:4

Kâo bi mni kơ Aê Diê kâo nanao tơdah kâo hdơr kơ ih êjai kâo wah lač,

I Y-Pêtrôs 5:1

Ară anei kâo mtrŭt phung khua mduôn hlăm phung diih, kyuadah kâo pô jing sa čô khua mduôn msĕ mơh leh anăn pô hưn bi sĭt kơ klei knap mñai Krist tŭ, leh anăn wăt jing pô srăng mâo klei guh kơang mbĭt srăng bi êdah.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.