Philip 4:17 - Klei Aê Diê Blŭ 2015

¹⁷ Amâo djŏ ôh kâo duah mnơ̆ng arăng myơr; ƀiădah kâo duah boh dưi mđĭ klei mưn kơ diih.

Philip 4:17 Iomraidhean Croise

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Y-Mika 7:1

Knap mñai yơh kâo! Kyuadah kâo jing msĕ si yan arăng pĕ leh boh yan bhang, msĕ si yan pĕ boh kriăk ƀâo ruê̆ leh; amâo mâo kmrŭ pioh ƀơ̆ng ôh, amâo mâo ôh boh hra ksă êlâo hĭn mngăt kâo čiăng ƀơ̆ng.

Y-Malaki 1:10

“Ơ, čiăng snăk mâo sa čô hlăm phung diih kđăl hĕ ƀăng bhă sang yang, čiăng đăm diih čuh pui hơăi mang ôh ti dlông knưl Kâo! Kâo amâo mâo klei mơak ôh hŏng diih,” Yêhôwa kơ phung kahan lač, “Leh anăn Kâo amâo srăng tŭ ôh sa mnơ̆ng myơr mơ̆ng kngan diih.

Y-Yôhan 15:16

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Y-Yôhan 15:8

Kyuadah hlăm klei anei Ama Kâo mâo klei guh kơang: tơdah diih mboh lu, snăn diih jing phung ƀĭng kna Kâo.

Hră Y-Pôl Mơĭt kơ Phung Rôm 15:28

Snăn leh ruê̆ bruă anei, leh anăn jao leh mnơ̆ng arăng rĭng kơ digơ̆, kâo srăng weh kơ diih hlŏng nao kơ čar Êspañ.

II Kôrantô 11:16

Kâo lŏ lač, đăm brei arăng mĭn kâo jing sa čô mluk ôh; ƀiădah wăt tơdah diih mĭn snăn, brei gĭr hŏng kâo msĕ si sa čô mluk, čiăng kơ kâo msĕ mơh dưi bi mni kơ kâo pô ƀiă.

II Kôrantô 9:5

Snăn, kâo mĭn yuôm mtrŭt phung ayŏng adei nao kơ diih êlâo kơ kâo, leh anăn mkra êlâo mnơ̆ng brei anei diih ƀuăn leh, čiăng dưi mâo leh hŏng klei kmah amâo djŏ hŏng klei mgô̆ ôh.

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 4:11

Amâo djŏ ôh kâo blŭ dŭñ dŭñ kyua klei kƀah; kyuadah kâo hriăm leh tŭ hŏng klei mơak măng ai ya klei truh kơ kâo.

I Têsalônik 2:5

Diih thâo leh hmei amâo tuôm yua ôh klei blŭ myâo mă amâodah mplư čiăng mâo dŏ dô diih. Aê Diê jing Pô hưn bi sĭt.

I Y-Timôthê 3:3

amâo jing mnuih kpiê ruă ôh, amâo jing mnuih krêñ ôh ƀiădah êdu, amâo bi mneh msao, amâo khăp kơ prăk ôh.

I Y-Timôthê 6:10

Kyuadah klei khăp kơ prăk jing agha kơ jih jang klei jhat; leh anăn kyua klei tluh anăn đa đa klah đuĕ leh mơ̆ng klei đăo leh anăn bi truh kơ ai tiê diñu lu klei rŭng ênguôt.

Y-Tit 1:7

Kyuadah khua pô mtô jing pô kiă kriê bruă Aê Diê, jing mnuih arăng amâo dưi ƀuah ôh. Ñu amâo jing mgao, djăl krêñ, kpiê ruă, jhŏng ƀai, amâodah kčưn kơ prăk lu ôh,

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

I Y-Pêtrôs 5:2

Brei diih kiă phung biăp Aê Diê jao leh kơ diih, amâo djŏ hŏng klei mgô̆ ôh, ƀiădah hŏng klei čŏng čiăng, amâo djŏ kyua ênoh mưn čhŏ mrŏ ôh, ƀiădah hŏng klei khăp hŏng jih ai tiê,

II Y-Pêtrôs 2:15

Êjai diñu hngah êlan kpă, diñu klah đuĕ leh. Diñu tui hlue leh êlan Y-Balaam anak êkei Y-Bôsôr, pô khăp ênoh mưn kơ bruă soh.

II Y-Pêtrôs 2:3

Hŏng klei tluh phung khua pô mtô soh srăng blŭ mčeh mă čiăng ƀơ̆ng ngăn diih; ƀiădah mơ̆ng sui klei phat kđi mkra leh kơ diñu, leh anăn Pô bi rai diñu amâo pĭt ôh.

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.