Philip 4:11 - Klei Aê Diê Blŭ 2015

¹¹ Amâo djŏ ôh kâo blŭ dŭñ dŭñ kyua klei kƀah; kyuadah kâo hriăm leh tŭ hŏng klei mơak măng ai ya klei truh kơ kâo.

Philip 4:11 Iomraidhean Croise

Klei Mphŭn Dơ̆ng 28:20

Y-Yakôp ngă klei ƀuăn leh anăn lač, “Tơdah Aê Diê srăng dôk mbĭt hŏng kâo, tơdah Ñu srăng kiă kriê kâo hlăm êlan kâo hiu, tơdah Ñu sơrăng brei kpŭng kơ kâo ƀơ̆ng leh anăn čhum ao kơ kâo čŭt hơô,

Klei Kbiă 2:21

Y-Môis mơak dôk hlăm sang mnuih anăn; ñu brei Y-Môis dôk anak mniê ñu, H'Sêpôra.

Y-Luk 3:14

Mâo phung kahan êmuh kơ ñu msĕ mơh, “Bi hmei, ya hmei srăng ngă lĕ?” Ñu lač kơ digơ̆, “Đăm tlĕ mơ̆ng arăng ôh hŏng klei mgô̆ amâodah hŏng klei mčeh luar, leh anăn tŭ hŏng klei mơak prăk mlan diih.”

II Kôrantô 11:27

Kâo gĭr mă bruă suăi leh anăn dleh, lu blư̆ kâo amâo dưi pĭt ôh êjai mlam, êpa leh anăn mhao, jêñ jêñ amâo mâo mnơ̆ng ƀơ̆ng huă ôh, êăt leh anăn amâo mâo čhiăm ao ôh.

II Kôrantô 6:10

msĕ si ênguôt, ƀiădah hmei hơ̆k mơak nanao, msĕ si ƀun ƀin, ƀiădah hmei bi mdrŏng lu mnuih, msĕ si amâo mâo mnơ̆ng ôh, ƀiădah hmei mâo djăp mta mnơ̆ng.

II Kôrantô 8:9

Kyuadah diih thâo leh klei pap Khua Yang drei Yêsu Krist: wăt tơdah Ñu jing mdrŏng, ăt Ñu bi ƀun Ñu pô kyua diih, čiăng kơ hŏng klei Ñu ƀun ƀin, diih dưi jing mdrŏng.

II Kôrantô 9:8

Leh anăn Aê Diê dưi brei kơ diih jih klei pap êbeh dlai, čiăng kơ diih dưi mâo djăp mta mnơ̆ng nanao, leh anăn dưi brei lu êbeh kơ djăp mta bruă jăk.

Philip 3:8

Sĭt nik kâo yap jih jang mnơ̆ng msĕ si luč leh kyua klei thâo kral Krist Yêsu Khua Yang kâo jing yuôm êgao hĭn. Kyua Ñu kâo luč leh jih jang mnơ̆ng, leh anăn kâo yap mnơ̆ng anăn msĕ si djah, čiăng kơ kâo dưi mâo Krist,

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.