Philip 3:9 - Klei Aê Diê Blŭ 2015

⁹ leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

Philip 3:9 Iomraidhean Croise

Klei Mphŭn Dơ̆ng 7:23

Yêhôwa bi rai jih jang mnơ̆ng hdĭp ti rŏng lăn ala, mnuih, hlô mnơ̆ng, mnơ̆ng êbat ban, leh anăn čĭm čap hlăm adiê; diñu rai luč jih ti lăn ala. Ăt dôk knŏng Y-Nôê leh anăn phung dôk mbĭt hŏng ñu hlăm kŭmpăn.

I Bruă Mtao 8:46

Tơdah diñu ngă soh hŏng Ih — kyuadah amâo mâo sa čô amâo ngă klei soh ôh — leh anăn Ih ăl kơ diñu, leh anăn Ih jao diñu kơ sa phung roh, snăn arăng mă ba diñu jing mnă hlăm čar phung roh anôk kbưi amâodah giăm;

II Klei Yăl Dliê 32:25

Ƀiădah Y-Hêsêkia amâo bi wĭt klei djŏ kơ Yêhôwa tui si klei jăk Yêhôwa ngă leh kơ ñu, kyuadah ai tiê ñu jing mgao. Kyuanăn klei ngêñ truh kơ ñu, kơ phung Yuđa leh anăn kơ phung ƀuôn Yêrusalem.

II Klei Yăl Dliê 32:31

Kyuanăn, tơdah phung dĭng ktang mơ̆ng phung khua čar Ƀaƀilôn arăng tiŏ nao leh kơ ñu čiăng êmuh kơ klei bi knăl ñu ngă leh hlăm čar, Aê Diê lui tha ñu, čiăng lông dlăng ñu leh anăn čiăng thâo jih jang klei hlăm ai tiê ñu.

Klei Mmuñ Hđăp 14:3

Jih jang diñu klah đuĕ leh; jih jang diñu soh leh; amâo mâo pô ngă klei jăk ôh, sa čô kăn mâo rei.

Klei Mmuñ Hđăp 143:2

Đăm phat kđi kơ dĭng buăl Ih ôh, kyuadah amâo mâo sa čô mnuih hdĭp jing kpă ênô ti anăp Ih.

Klei Mmuñ Hđăp 19:12

Ƀiădah hlei dưi thâo săng klei soh ñu? Pap brei kơ kâo kơ ya klei soh kâo amâo thâo ôh.

Khua Pô Mtô 7:20

Sĭt nik ti lăn ala amâo mâo ôh sa čô mnuih kpă ênô, pô ngă jăk leh anăn amâo tuôm ngă soh ôh.

Y-Êsai 46:13

Kâo ba klei kpă ênô Kâo giăm, ñu amâo dôk kbưi ôh, leh anăn klei Kâo bi mtlaih amâo srăng dôk guôn sui ôh. Kâo srăng brei klei bi mtlaih hlăm ƀuôn Siôn, pioh klei guh kơang Kâo kơ phung Israel.”

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Êsai 53:6

Jih jang drei msĕ si biăp klah đuĕ leh, grăp čô drei wir tui hlue êlan Ñu pô; leh anăn Yêhôwa dưm leh ti Ñu klei wê jih jang drei.

Y-Êsai 6:5

Kâo lač, “Knap mñai yơh kơ kâo! Djiê yơh kâo; kyuadah kâo jing mnuih mâo ƀăng kƀông čhŏ mrŏ, kâo dôk hdĭp ti krah sa phung ƀuôn sang mâo êlah čhŏ mrŏ, kyuadah ală kâo ƀuh leh Mtao, Yêhôwa kơ phung kahan!”

Y-Yêrêmi 23:6

Hlăm ênuk Gơ̆ phung Yuđa srăng mâo klei bi mtlaih, leh anăn phung Israel srăng dôk hlăm klei hơĭt. Anei anăn arăng srăng pia kơ Ñu: ‘Yêhôwa Klei Kpă Ênô Drei.’ ”

Y-Yêrêmi 33:16

Hlăm hruê anăn čar Yuđa srăng tlaih, leh anăn ƀuôn Yêrusalem srăng dôk hŏng klei hơĭt. Leh anăn anei anăn arăng srăng pia kơ ƀuôn anăn: Yêhôwa Klei Kpă Ênô Drei.’

Y-Đaniel 9:24

Kjuh pluh hruê kăm bi kčah leh kơ phung ƀuôn sang ih leh anăn kơ ƀuôn doh jăk ih, čiăng bi ruê̆ hĕ klei gao klei bhiăn, bi ruê̆ klei soh, čiăng bi doh klei wê, bi truh klei kpă ênô hlŏng lar, čiăng bi sĭt klei bi ƀuh leh anăn klei hưn êlâo, leh anăn trôč êa ƀâo mngưi kơ Pô doh jăk hĭn.

Y-Mathiơ 9:13

Nao bĕ leh anăn hriăm bi thâo si čiăng lač klei blŭ anei, ‘Kâo čiăng klei pap mñai, amâo djŏ mnơ̆ng ngă yang ôh.’ Kyuadah Kâo hriê amâo djŏ čiăng iêô phung kpă ôh, ƀiădah phung soh.”

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Hră Y-Pôl Mơĭt kơ Phung Rôm 10:10

Kyuadah mnuih đăo hŏng ai tiê ñu, snăn kơh ñu mâo klei yap kpă; leh anăn ñu hưn hŏng ƀăng kƀông, snăn kơh ñu tlaih.

Hră Y-Pôl Mơĭt kơ Phung Rôm 16:7

Kâo kkuh čhưn hŏng Y-Andrônikus leh anăn Y-Junias, phung găp djuê kâo, phung arăng krư̆ mbĭt hŏng kâo. Diñu mâo hing ang ti krah phung khua ƀĭng kna, leh anăn diñu đăo kơ Krist êlâo kơ kâo.

Hră Y-Pôl Mơĭt kơ Phung Rôm 5:21

snăn kyua msĕ si klei soh kiă kriê hŏng klei djiê, msĕ snăn mơh klei pap dưi kiă kriê hŏng klei kpă ênô leh anăn bi truh klei hdĭp hlŏng lar hlăm Yêsu Krist Khua Yang drei.

Hră Y-Pôl Mơĭt kơ Phung Rôm 8:1

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

II Kôrantô 5:17

Kyuanăn tơdah sa čô dôk hlăm Krist, ñu jing mnuih hrih mrâo leh; mnơ̆ng hđăp êgao tuč leh, nĕ anei, jih jang mnơ̆ng jing mrâo leh sơăi.

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Galati 2:16

Ƀiădah hmei thâo leh Aê Diê yap mnuih kpă amâo djŏ kyua bruă tui si klei bhiăn ôh, ƀiădah hŏng klei đăo kơ Yêsu Krist. Wăt hmei pô mơh đăo leh kơ Krist Yêsu, čiăng dưi mâo klei yap kpă hŏng klei đăo kơ Krist, amâo djŏ hŏng bruă tui si klei bhiăn ôh, kyuadah arăng amâo dưi mâo ôh klei yap kpă hŏng bruă tui si klei bhiăn.

Klei Mtô Mñă Klei Bhiăn 27:26

‘Tăm pah hĕ kơ pô amâo bi sĭt ôh boh blŭ klei bhiăn anei hŏng klei ngă tui hlue digơ̆.’ Leh anăn jih jang phung ƀuôn sang srăng lač, ‘Amen’.”

Philip 3:6

bi kơ klei hur har, kâo ngă jhat kơ Phung Sang Aê Diê; bi kơ klei kpă ênô tui si klei bhiăn, kâo amâo mâo klei arăng dưi ƀuah ôh.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Y-Tit 3:5

Ñu bi mtlaih leh drei, amâo djŏ kyua bruă kpă drei ngă leh ôh, ƀiădah tui si klei Ñu pô pap, hŏng klei bi doh kbiă hriê mơ̆ng klei lŏ bi kkiêng mrâo, leh anăn klei lŏ bi mrâo hŏng Yang Mngăt Jăk,

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

Y-Yakơ 3:2

Kyuadah jih jang drei têč hnêč hlăm lu mta klei. Tơdah sa čô amâo têč hnêč ôh hlăm klei ñu blŭ, ñu jing mnuih jăk klă, dưi kiă kriê jih asei mlei ñu.

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

I Y-Yôhan 3:4

Grăp čô ngă soh jing gao klei bhiăn; kyua klei soh jing klei gao klei bhiăn.