Philip 3:8 - Klei Aê Diê Blŭ 2015

⁸ Sĭt nik kâo yap jih jang mnơ̆ng msĕ si luč leh kyua klei thâo kral Krist Yêsu Khua Yang kâo jing yuôm êgao hĭn. Kyua Ñu kâo luč leh jih jang mnơ̆ng, leh anăn kâo yap mnơ̆ng anăn msĕ si djah, čiăng kơ kâo dưi mâo Krist,

Philip 3:8 Iomraidhean Croise

I Bruă Mtao 14:10

Kyua anăn nĕ anei, Kâo srăng bi truh klei jhat kơ sang Y-Jêrôbôam, leh anăn srăng bi mdjiê grăp čô êkei mơ̆ng Y-Jêrôbôam, phung hlŭn leh anăn phung êngiê hlăm phung Israel, leh anăn srăng kih jih sang Y-Jêrôbôam, msĕ si arăng kih eh tơl jih nguêč.

II Bruă Mtao 9:37

leh anăn asei mlei djiê H'Jêsêbel srăng jing msĕ si eh ti lăn ƀuôn Jesrêel, snăn amâo mâo pô dưi lač ôh, Anei yơh jing H'Jêsêbel.’ ”

Y-Yôp 20:7

ñu srăng rai tuč hlŏng lar msĕ si eh ñu pô; phung tuôm ƀuh leh ñu êlâo srăng lač, ‘Ti anôk ñu dôk?’

Klei Mmuñ Hđăp 126:6

Hlei pô djă mjeh nao buh hŏng klei hia, srăng lŏ wĭt hŏng klei ur hơ̆k djă ba čăp mdiê mbĭt.

Klei Mmuñ Hđăp 73:25

Hlei pô mkăn kâo mâo hlăm adiê, knŏng Ih yơh. Leh anăn ti lăn ala kâo amâo čiăng kơ mnơ̆ng mkăn ôh, knŏng hjăn Ih.

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Malaki 2:3

Nĕ anei, Kâo srăng ƀuah anak čô diih, leh anăn Kâo srăng mia eh ti ƀô̆ mta diih, eh mnơ̆ng diih myơr, leh anăn Kâo srăng suôt diih mơ̆ng anăp Kâo.

Klei Yap 14:30

amâo mâo sa čô srăng mŭt ôh hlăm čar Kâo kat asei leh čiăng brei diih dôk, knŏng Y-Kalep anak êkei Y-Jêphunê leh anăn Y-Yôsuê anak êkei Y-Nun.

Y-Luk 1:43

Si ngă klei yuôm anei truh kơ kâo, tơl amĭ Khua Yang kâo hriê kơ kâo?

Y-Luk 11:20

Ƀiădah tơdah hŏng kđiêng Aê Diê Kâo suôt phung yang jhat, snăn ƀuôn ala mtao Aê Diê truh leh yơh kơ diih.

Y-Yôhan 14:20

Hlăm hruê anăn diih srăng thâo kơ Kâo dôk hlăm Ama Kâo, leh anăn diih dôk hlăm Kâo, leh anăn Kâo dôk hlăm diih.

Y-Yôhan 14:7

Tơdah diih thâo kral leh Kâo, diih thâo kral leh Ama Kâo msĕ mơh. Mơ̆ng anei kơ anăp diih thâo kral Ñu leh, leh anăn diih ƀuh Ñu leh.”

Y-Yôhan 16:3

Diñu srăng ngă klei anăn, kyuadah diñu amâo tuôm thâo kral Ama ôh, kăn thâo kral Kâo rei.

Y-Yôhan 17:3

Leh anăn anei jing klei hdĭp hlŏng lar: čiăng kơ diñu thâo kral Ih, knŏng hjăn Ih jing Aê Diê sĭt, leh anăn Yêsu Krist Pô Ih tiŏ hriê leh.

Y-Yôhan 17:8

Kyuadah Kâo brei leh kơ diñu klei blŭ Ih brei leh kơ Kâo, leh anăn diñu mă tŭ leh klei blŭ anăn, leh anăn diñu thâo sĭt nik kơ Kâo kbiă hriê mơ̆ng Ih. Leh anăn diñu đăo kơ Ih tiŏ hriê Kâo leh.

Y-Yôhan 20:13

Phung dua čô dĭng buăl jăk anăn lač kơ ñu, “Ơ mniê, si ngă ih hia lĕ?” H'Mari lač kơ digơ̆, “Kyuadah arăng mă mđuĕ leh Khua Yang kâo, leh anăn kâo amâo thâo ôh ti anôk arăng dưm Gơ̆.”

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Hră Y-Pôl Mơĭt kơ Phung Rôm 8:18

Kâo yap klei knap mñai ênuk anei amâo năng ôh bi mđơr hŏng klei guh kơang srăng bi êdah kơ drei ênuk êdei.

Hră Y-Pôl Mơĭt kơ Phung Rôm 8:39

boh dlông, boh êlam, amâodah ya mnơ̆ng mkăn hlăm jih jang mnơ̆ng hrih leh, amâo srăng dưi bi ktlah drei ôh mơ̆ng klei Aê Diê khăp bi êdah leh hlăm Krist Yêsu Khua Yang drei.

I Kôrantô 2:2

Kyuadah kâo čuăn amâo čiăng thâo klei mkăn ôh ti krah diih, knŏng Yêsu Krist leh anăn klei arăng pơ̆ng Ñu ti kyâo bi kal.

I Kôrantô 9:10

Amâo djŏ hĕ Ñu blŭ klei anăn kyua drei? Ñu lač klei anăn kyua drei yơh, kyuadah jing djŏ pô kai hma srăng kai hŏng klei čang hmăng, leh anăn pô juă mdiê srăng juă hŏng klei čang hmăng srăng mâo kơ ñu đa.

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

Galati 1:16

čiăng bi êdah Anak Ñu hlăm kâo, čiăng kơ kâo dưi mtô klei mrâo mrang jăk Anak anăn hlăm phung tue, mtam kâo amâo tuôm bi trông čhai hŏng kđeh leh anăn êrah ôh.

Êphêsô 4:13

tơl jih jang drei truh kơ sa klei đăo msĕ, leh anăn kơ klei thâo kral Anak Aê Diê, kơ klei jing khue prŏng, truh kơ hnơ̆ng klei bŏ ênŭm Krist.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

Philip 3:10

čiăng kơ kâo dưi thâo kral Krist leh anăn klei myang mơ̆ng klei Ñu kbiă lŏ hdĭp, leh anăn dưi tŭ klei knap mñai mbĭt hŏng Ñu, leh anăn dơ̆ng jing msĕ si Ñu hlăm klei Ñu djiê,

Philip 3:12

Amâo djŏ ôh kâo mă tŭ leh klei mưn, amâodah truh leh kơ klei jăk klă, ƀiădah kâo hung phă anăp čiăng mă klei anăn kơ kâo pô, kyua kơ klei anăn Krist Yêsu mă leh kâo kơ Ñu pô.

Philip 3:7

Ƀiădah ya klei tŭ dưn kâo mâo leh, kâo yap leh klei anăn msĕ si luč leh kyua Krist.

II Y-Timôthê 4:6

Kyuadah kâo dơ̆ng giăm jing mnơ̆ng arăng ngă yang tuh; giăm truh leh hruê kâo djiê.

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

I Y-Pêtrôs 2:7

Kyuanăn kơ diih phung đăo leh, boh tâo anei jing yuôm; ƀiădah kơ phung amâo đăo ôh, “Boh tâo phung ngă sang hngah leh, jing hĕ leh boh tâo phŭn ti kiêng,”

II Y-Pêtrôs 1:2

Brei klei pap leh anăn klei êđăp ênang bi bŏ diih hlăm klei thâo kral Aê Diê leh anăn Yêsu Khua Yang drei.

II Y-Pêtrôs 1:3

Klei myang Aê Diê brei leh kơ drei jih jang klei djŏ kơ klei hdĭp leh anăn kơ klei thâo mpŭ kơ Aê Diê, hlăm klei thâo kral Pô iêô leh drei kơ klei guh kơang leh anăn klei jăk Ñu pô.

II Y-Pêtrôs 1:8

Kyuadah tơdah diih mâo jih klei anăn leh anăn jing êbeh dlai, klei anăn amâo brei ôh diih jing hơăi mang amâodah amâo mâo boh hlăm klei thâo kral Khua Yang drei Yêsu Krist.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.