Philip 3:5 - Klei Aê Diê Blŭ 2015

⁵ arăng khăt klĭt kâo ti hruê sa păn, sa čô hlăm phung ƀuôn sang Israel, mơ̆ng găp djuê Ƀenjamin, sa čô Hêbrơ phung Hêbrơ kkiêng; tui si klei bhiăn kâo jing sa čô Pharisi;

Philip 3:5 Iomraidhean Croise

Klei Mphŭn Dơ̆ng 14:13

Sa čô tlaih đuĕ hriê hưn kơ Y-Abram, mnuih Hêbrơ. Y-Abram dôk ti đang kyâo Y-Mamrê, mnuih Amôrit, ayŏng adei hŏng Y-Êskôl leh anăn Y-Aner. Phung anei bi mguôp hŏng Y-Abram.

Klei Mphŭn Dơ̆ng 17:12

Brei diih khăt klĭt kơ grăp čô êkei ti hruê tal sa păn leh kkiêng kơ ñu. Brei diih ngă klei anei hlăm jih jang ênuk, đơ phung kkiêng hlăm sang, amâodah đơ phung arăng blei hŏng prăk mơ̆ng phung tue amâo jing anak ih pô ôh.

Klei Mphŭn Dơ̆ng 40:15

Kyuadah sĭt nik arăng tlĕ mă kâo mơ̆ng čar phung Hêbrơ; leh anăn tinei mơh kâo amâo tuôm ngă soh ôh năng kơ arăng krư̆ hĕ kâo hlăm war mnă anei.”

Klei Mphŭn Dơ̆ng 41:12

Mâo tinăn mbĭt hŏng hmei sa čô hlăk ai Hêbrơ, dĭng buăl khua kahan phung gak. Hmei yăl dliê kơ ñu klei hmei êpei, leh anăn ñu mblang brei kơ hmei tui si klei hmei êpei.

Y-Yôna 1:9

Gơ̆ lŏ wĭt lač kơ diñu, “Kâo jing sa čô Hêbrơ, leh anăn kâo huĭ mpŭ kơ Yêhôwa Aê Diê hlăm adiê, Pô mjing êa ksĭ leh anăn lăn thu.”

Y-Luk 1:59

Ti hruê tal sa păn diñu hriê čiăng khăt klĭt anak anăn leh anăn bi anăn gơ̆ Y-Sakari tui si anăn ama gơ̆.

Y-Luk 2:21

Tơdah ênŭm leh sa păn hruê, hlăk arăng khăt klĭt hđeh điêt anăn, arăng bi anăn gơ̆ Yêsu tui si dĭng buăl jăk mtă leh êlâo kơ amĭ gơ̆ ba tian.

Y-Luk 5:38

Ƀiădah arăng dưm kpiê mrâo hlăm kdô klĭt mrâo.

Bruă Phung Khua Ƀĭng Kna 22:3

“Kâo jing sa čô Yuđa arăng kkiêng ti ƀuôn Tars hlăm čar Silisi, ƀiădah kâo hriê kơ prŏng hlăm ƀuôn anei, jing sa čô hriăm mơ̆ng Y-Gamaliêl djŏ tui si klei bhiăn phung aê drei, hur har kơ Aê Diê msĕ si jih jang diih hruê anei.

Bruă Phung Khua Ƀĭng Kna 23:6

Ƀiădah tơdah Y-Pôl thâo sa phung diñu jing phung Sadusi leh anăn sa phung mkăn jing phung Pharisi, ñu ur kraih ti anăp phung phat kđi, “Ơ phung ayŏng adei, kâo jing sa čô Pharisi, anak êkei phung Pharisi; arăng dôk phat kđi kâo kyua klei čang hmăng kơ klei phung djiê kbiă lŏ hdĭp.”

Bruă Phung Khua Ƀĭng Kna 6:1

Hlăk anăn tơdah phung ƀĭng kna lŏ thiăm lu hĭn êjai, phung Hêlênist blŭ dŭñ dŭñ kơ phung Hêbrơ, kyuadah diñu amâo hdơr ôh kơ phung mniê djiê ung Hêlênist tơdah diñu bi mbha mnơ̆ng grăp hruê.

Hră Y-Pôl Mơĭt kơ Phung Rôm 11:1

Snăn kâo êmuh, Aê Diê hngah leh mơ̆ kơ phung ƀuôn sang Ñu? Hơăi, amâo tuôm ôh! Kâo pô yơh jing sa čô Israel, anak čô Y-Abraham, sa čô mơ̆ng găp djuê Ƀenjamin.

II Kôrantô 11:22

Diñu jing phung Hêbrơ mơ̆? Kâo jing mơh. Diñu jing phung Israel mơ̆? Kâo jing mơh. Diñu jing phung anak čô Y-Abraham mơ̆? Kâo jing mơh.

I Y-Samuel 4:6

Tơdah phung Philistin hmư̆ asăp ur driâo anăn, diñu lač, “Ya jing ênai ur driâo kraih anăn hlăm wăl phung Hêbrơ?” Tơdah diñu thâo kơ hip Yêhôwa truh leh hlăm wăl,