Philip 3:21 - Klei Aê Diê Blŭ 2015

²¹ Ñu srăng bi mlih asei mlei awăt drei brei jing msĕ si asei mlei guh kơang Ñu, hŏng klei myang Ñu dưi brei jih jang mnơ̆ng gưt kơ Ñu.

Philip 3:21 Iomraidhean Croise

Klei Mmuñ Siam Hĭn 1:11

Hmei srăng mkra kơ ih buê mah, mƀlir asăr prăk mbĭt.

Y-Êsai 25:8

Ñu srăng lun hĕ klei djiê hlŏng lar. Khua Yang Yêhôwa srăng sut êa ală mơ̆ng jih jang ƀô̆ mta, leh anăn Ñu srăng mă hĕ klei hêñ phung ƀuôn sang Ñu mơ̆ng tar ƀar lăn ala, kyuadah Yêhôwa lač leh.

Y-Êsai 26:19

Phung djiê Ih srăng lŏ hdĭp, asei mlei diñu srăng lŏ kgŭ. Ơ phung dôk hlăm ƀruih lăn, mdih pĭt ur hơ̆k bĕ. Kyuadah êa nguôm Ih jing êa nguôm ang dar, leh anăn lăn ala srăng lŏ kkiêng phung ƀuôn sang Ñu djiê leh.

Y-Ôsê 13:14

“Kâo srăng bi tui diñu mơ̆ng klei myang Ƀuôn Phung Djiê; Kâo srăng bi mtlaih diñu mơ̆ng Klei Djiê. Ơ Klei Djiê, ti klei ruă tưp ih? Ơ Ƀuôn Phung Djiê, ti klei ih bi rai? Ƀiădah klei kmhal kơ klei soh mdăp leh mơ̆ng ală Kâo.

Y-Mathiơ 17:2

Asei mlei Yêsu mâo klei bi mlih ti anăp digơ̆: Ƀô̆ mta Ñu mtrang msĕ si yang hruê, leh anăn ao Ñu jing kô̆ msĕ si klei mngač,

Y-Mathiơ 22:29

Ƀiădah Yêsu lŏ wĭt lač kơ phung Sadusi, “Diih čhuai leh kyuadah diih amâo thâo săng ôh Klei Aê Diê Blŭ čih, kăn thâo săng rei klei myang Ñu.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Hră Y-Pôl Mơĭt kơ Phung Rôm 8:29

Kyuadah phung Ñu thâo kral leh mơ̆ng êlâo, Ñu čuăn leh mơh brei digơ̆ jing msĕ si rup Anak Ñu, čiăng kơ Anak Ñu jing ayŏng khua kơ lu phung ayŏng adei.

Kôlôs 3:4

Tơdah Krist, jing klei hdĭp diih, srăng bi êdah, hlăk anăn mơh diih srăng bi êdah mbĭt hŏng Ñu hlăm klei guh kơang.

I Y-Yôhan 3:2

Ơ phung kâo khăp, ară anei drei jing anak Aê Diê; ya klei drei srăng jing ka bi êdah ôh. Ƀiădah klei anei drei thâo: tơdah Ñu bi êdah, drei srăng jing msĕ si Ñu, kyuadah drei srăng ƀuh Ñu msĕ si Ñu jing.

Klei Bi Êdah 1:8

Khua Yang Aê Diê lač, Pô jing ară anei, Pô jing leh, leh anăn Pô srăng lŏ hriê, Pô Mâo Jih Klei Myang lač, “Kâo jing Alpha leh anăn Ômêga.”