Philip 3:19 - Klei Aê Diê Blŭ 2015

¹⁹ Klei knhal tuč diñu srăng jing klei rai luč. Tian diñu pô jing yang kơ diñu. Diñu mgao hlăm klei bi hêñ diñu, êjai mĭn kơ mnơ̆ng ti lăn ala.

Philip 3:19 Iomraidhean Croise

Klei Mmuñ Hđăp 17:14

Ơ Yêhôwa, hŏng kngan Ih bi mtlaih kâo mơ̆ng phung mnuih, mơ̆ng phung mnuih ti lăn ala anei, Phung Ih bi bŏ tian hŏng ngăn yuôm Ih; diñu mơak kyua phung anak diñu leh anăn lui mnơ̆ng êbeh dlai diñu kơ phung anak čô diñu.

Klei Mmuñ Hđăp 52:1

Ơ mnuih jhŏng ktang, si ngă ih bi mni kơ ih pô kyua klei ƀai ih? klei khăp sĭt suôr Aê Diê ăt dôk nanao.

Y-Yêrêmi 44:17

Ƀiădah hmei srăng ngă jih klei hmei ƀuăn leh, čuh mnơ̆ng ƀâo mngưi kơ mtao mniê hlăm adiê leh anăn tuh mnơ̆ng myơr mnăm kơ ñu, msĕ si hmei ngă leh, wăt hmei, leh anăn phung aê hmei, phung mtao hmei, leh anăn phung khua hmei hlăm ƀuôn prŏng čar Yuđa leh anăn hlăm êlan prŏng ƀuôn Yêrusalem; kyuadah hlăk anăn hmei mâo mnơ̆ng ƀơ̆ng huă êbeh dlai, leh anăn mâo klei čăt đĭ, amâo mâo klei jhat truh ôh.

Y-Êsêkiêl 13:19

Diih bi hêñ Kâo leh ti krah phung ƀuôn sang Kâo čiăng mâo sa kpăt mdiê ôrgơ leh anăn čiăng mâo djah kpŭng. Hŏng klei diih luar kơ phung ƀuôn sang Kâo, phung dôk hmư̆ klei diih luar. Diih bi mdjiê phung mnuih amâo năng djiê ôh leh anăn pioh hdĭp phung mnuih amâo năng hdĭp ôh.’

Y-Êsêkiêl 34:3

Diih ƀơ̆ng prăi, diih bi hơô diih pô hŏng mlâo biăp, diih bi mdjiê êđai biăp êmŏng; ƀiădah diih amâo čiêm ôh biăp.

Y-Ôsê 4:7

Êjai phung khua ngă yang jing lar hĭn, kdlưn hĭn mơh diñu ngă soh hŏng Kâo; diñu bi mlih klei guh kơang diñu jing klei hêñ.

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Y-Mika 3:5

Snei Yêhôwa lač djŏ kơ phung khua pô hưn êlâo, phung atăt bi wơr êlan phung ƀuôn sang Kâo, phung ur, “Klei êđăp ênang” êjai êgei diñu mâo mnơ̆ng mmah, ƀiădah mkra klei bi blah hŏng pô amâo brei mnơ̆ng ƀơ̆ng huă kơ diñu ôh.

Y-Malaki 1:12

Ƀiădah diih bi čhŏ gơ̆ êjai diih lač, “Jhưng Yêhôwa jing čhŏ leh,” leh anăn “bi mnơ̆ng ƀơ̆ng huă leh anăn boh kroh mơ̆ng ñu, hmei bi êmut.”

Y-Mathiơ 16:23

Ƀiădah Yêsu wir dlăng leh anăn lač kơ Y-Pêtrôs, “Kdŭn đuĕ mơ̆ng Kâo, Ơ Satan! Ih jing pô bi têč hnêč Kâo, kyuadah klei mĭn ih amâo kbiă hriê mơ̆ng Aê Diê ôh, ƀiădah kbiă hriê mơ̆ng mnuih.”

Y-Mathiơ 25:41

Hlăk anăn Ñu srăng lač kơ phung dôk tĭng điâo Ñu, ‘Ơ phung Aê Diê tăm pah leh, đuĕ bĕ mơ̆ng Kâo, nao mŭt hlăm pui ƀơ̆ng hlŏng lar mkra leh kơ yang jhat leh anăn kơ phung dĭng buăl ñu.

Y-Luk 12:19

Leh anăn kâo srăng lač kơ mngăt kâo pô, Mngăt kâo ơi, ih mâo lu dŏ dô mkăm leh pioh kơ lu thŭn. Mdei bĕ ih, huă ƀơ̆ng, mnăm, leh anăn dôk hơ̆k mơak.’

Y-Luk 16:19

“Mâo sa čô mnuih mdrŏng hơô ao hrah jŭ ngă hŏng kbuă điêt aruăt, leh anăn ƀơ̆ng mnăm mnơ̆ng jăk siam grăp hruê kyua klei mdrŏng sah.

Y-Luk 18:4

Sui leh ñu dôk hngah, ƀiădah êdei kơ anăn ñu lač hlăm ai tiê ñu, ‘Wăt tơdah kâo amâo huĭ mpŭ kơ Aê Diê ôh, kăn uêñ kơ mnuih rei,

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.

Hră Y-Pôl Mơĭt kơ Phung Rôm 6:21

Ya boh tŭ dưn diih mâo mơ̆ng klei diih ngă anăn bi hêñ diih leh? Klei knhal tuč kơ klei anăn jing klei djiê.

I Kôrantô 3:3

kyuadah diih ăt jing phung tui si kđeh. Kyuadah êjai mâo klei nač leh anăn klei bi mneh msao hdơ̆ng diih, amâo djŏ hĕ diih jing tui si kđeh, leh anăn dôk dơ̆ng ƀơ̆ng huă msĕ si mnuih kđeh?

I Kôrantô 5:2

Leh anăn diih jing mgao! Boh nik nak jing djŏ diih ênguôt! Brei diih suôt hĕ pô ngă klei anăn mơ̆ng ti krah diih.

I Kôrantô 5:6

Klei diih bi mni kơ diih pô amâo jăk ôh. Diih amâo thâo hĕ kpei ƀiă dưi bi buk jih klŏ kpŭng?

II Kôrantô 11:12

Ƀiădah klei kâo ngă kâo ăt srăng ngă, čiăng bi mdlưh hĕ phung duah mông găl bi mđĭ kơ diñu pô, lač diñu jing msĕ si hmei mơh.

II Kôrantô 11:15

Snăn amâo bi kngăr ôh tơdah phung dĭng buăl ñu msĕ mơh mgưt diñu pô jing msĕ si phung dĭng buăl kơ klei kpă ênô. Ti knhal tuč diñu srăng mă tŭ tui si bruă diñu.

Galati 6:13

Kyuadah wăt phung tŭ klei khăt klĭt amâo gưt kơ klei bhiăn ôh, ƀiădah diñu čiăng kơ diih tŭ klei khăt klĭt čiăng kơ diñu dưi bi mni kơ diñu pô hlăm kđeh diih.

Philip 2:21

Jih jang diñu duah klei tŭ dưn kơ diñu pô, amâo djŏ ôh klei tŭ dưn kơ Yêsu Krist.

Kôlôs 3:2

Khăp mĭn bĕ kơ mnơ̆ng hlăm adiê, amâo djŏ ôh kơ mnơ̆ng ti lăn ala.

II Têsalônik 1:9

Diñu srăng tŭ klei bi kmhal klei rai tuč hlŏng lar, leh anăn klei arăng suôt kbưi mơ̆ng anăp Khua Yang leh anăn mơ̆ng klei guh kơang klei myang Ñu,

II Têsalônik 2:12

čiăng kơ jih jang phung amâo đăo ôh kơ klei sĭt nik ƀiădah khăp kơ klei wê srăng tŭ klei phat kđi bi kmhal.

II Têsalônik 2:8

Hlăk anăn pô soh srăng bi êdah, leh anăn Khua Yang Yêsu srăng bi mdjiê gơ̆ hŏng êwa mơ̆ng ƀăng êgei Ñu pô, leh anăn srăng bi rai gơ̆ hŏng klei guh kơang klei Ñu hriê.

I Y-Timôthê 6:5

leh anăn klei bi msao ti krah phung mnuih mâo klei mĭn soh jhat amâo thâo săng klei sĭt nik ôh, leh anăn mĭn kơ klei mpŭ kơ Aê Diê jing êlan arăng dưi ƀơ̆ng prăk.

II Y-Timôthê 3:4

lhiăr, djăl krêñ, mĭn kơ pô thâo lu, khăp kơ klei hlăp amâo djŏ kơ Aê Diê ôh,

Y-Yakơ 4:16

Ƀiădah ară anei diih bi mni kơ diih pô hlăm klei mĭn mgao. Jih klei bi mni snăn jing jhat.

II Y-Pêtrôs 2:1

Ƀiădah msĕ mơh mâo leh phung khua pô hưn êlâo soh hlăm phung ƀuôn sang, msĕ si srăng mâo phung khua pô mtô soh hlăm phung diih. Hŏng klei hgăm diñu srăng mtô mta klei đăo soh dưi bi rai, wăt hngah kơ Khua pô bi tui diñu, leh anăn diñu srăng bi truh kơ diñu pô klei bi rai djăl.

II Y-Pêtrôs 2:13

srăng tŭ klei mưn kyua klei knap mñai diñu ngă kơ arăng. Diñu yap klei ngă tă tăn êjai hruê jing klei mơak. Diñu jing phung čhŏ mrŏ, ngă klei bi hêñ, mơak hŏng klei diñu mplư, êjai diñu ƀơ̆ng huă mbĭt hŏng diih.

II Y-Pêtrôs 2:3

Hŏng klei tluh phung khua pô mtô soh srăng blŭ mčeh mă čiăng ƀơ̆ng ngăn diih; ƀiădah mơ̆ng sui klei phat kđi mkra leh kơ diñu, leh anăn Pô bi rai diñu amâo pĭt ôh.

Y-Yut 1:10

Ƀiădah phung anei dlao wač kơ klei diñu amâo thâo săng ôh, leh anăn diñu bi rai diñu pô hŏng klei diñu ngă tui si knuih diñu jing msĕ si hlô mnơ̆ng.

Y-Yut 1:16

Diñu jing phung blŭ dŭñ dŭñ, amâo thâo dôk mơak ôh, tui hlue klei diñu pô tluh, blŭ kraih bi mni kơ diñu pô, leh anăn blŭ myâo mă mplư phung ƀuôn sang čiăng mâo mnơ̆ng diñu čiăng.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.

Klei Bi Êdah 18:7

Tui si ñu bi guh kơang kơ ñu pô leh anăn ngă tui si klei ñu tluh, msĕ snăn mơh mkă bĕ kơ ñu hnơ̆ng klei bi knap leh anăn klei bi kơŭ kyăm. Kyuadah ñu lač leh hlăm ai tiê ñu, ‘Kâo jing sa čô mtao mniê dôk gŭ ti jhưng mtao kâo, kâo amâo jing mniê djiê ung ôh, kâo amâo srăng mâo klei kơŭ kyăm ôh.’

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.

Klei Bi Êdah 21:8

Ƀiădah bi kơ phung blao, phung amâo đăo ôh, phung čhŏ mrŏ, phung bi mdjiê mnuih, phung knhông, phung mjâo, phung kkuh mpŭ kơ rup yang, leh anăn jih jang phung luar, anôk pioh kơ diñu srăng jing ênao pui hlơr leh anăn boh tâo pui. Anôk anăn jing klei djiê tal dua.”

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.

I Y-Samuel 2:29

Snăn si ngă ih čưng čah hĕ mnơ̆ng ngă yang leh anăn mnơ̆ng myơr kơ Kâo, dŏ anăn Kâo mtă leh? Leh anăn si ngă ih mpŭ kơ phung anak êkei ih kdlưn hĭn kơ Kâo hŏng klei bi êmŏng diih pô hŏng mnơ̆ng jăk hĭn mơ̆ng mnơ̆ng phung ƀuôn sang Kâo Israel myơr?’