Philip 3:18 - Klei Aê Diê Blŭ 2015

¹⁸ Kyuadah tui si kâo blŭ leh jêñ jêñ kơ diih, leh anăn lŏ blŭ ară anei hŏng klei hia, mâo lu phung hdĭp msĕ si phung roh hŏng kyâo bi kal Krist.

Philip 3:18 Iomraidhean Croise

Klei Mmuñ Hđăp 119:136

Êa ală kâo ƀlĕ msĕ si êa hnoh, kyuadah phung mnuih amâo gưt ôh kơ klei bhiăn Ih.

Y-Êsai 8:11

Yêhôwa blŭ leh anăn ênă leh kngan ktang ti kâo, leh anăn mtă leh kơ kâo đăm êbat ôh hlăm êlan phung ƀuôn sang anei, lač:

Y-Yêrêmi 13:17

Ƀiădah tơdah diih amâo čiăng dôk hmư̆ ôh, mngăt kâo srăng hia hŏng klei hgăm, kyua klei mgao diih; ală kâo srăng hia ênguôt snăk leh anăn rôč êa ală, kyuadah phung biăp Yêhôwa arăng srăng mă mjing mnă.

Y-Yêrêmi 9:1

Ơ, čiăng kơ boh kŏ kâo jing kbăng êa, leh anăn ală kâo jing akŏ êa ală, snăn kâo dưi hia hruê mlam kyua phung anak mniê phung ƀuôn sang kâo djiê leh!

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Bruă Lêwi 11:16

ôtrus, mkao, čĭm trô wêč, tlang pah pum tui si djuê ñu;

Bruă Lêwi 13:8

leh anăn khua ngă yang srăng ksiêm ñu. Tơdah anôk bi ƀlĕ jing lar hlăm klĭt, khua ngă yang srăng hưn kơ ñu jing čhŏ; anăn jing phŭng.

Y-Luk 19:41

Tơdah Yêsu giăm truh leh anăn ƀuh ƀuôn Yêrusalem, Ñu hia kyua ƀuôn anăn, lač,

Bruă Phung Khua Ƀĭng Kna 20:19

Kâo mă bruă kơ Khua Yang hŏng jih klei luă gŭ, hŏng klei hia, êjai lu klei lông dlăng truh kơ kâo mơ̆ng klei phung Yuđa trông čhai čiăng ngă jhat kơ kâo.

Hră Y-Pôl Mơĭt kơ Phung Rôm 9:2

kơ ai tiê kâo ênguôt êdimi leh anăn rŭng răng nanao.

I Kôrantô 1:18

Kyuadah klei mtô kơ kyâo bi kal jing klei khŏ kơ phung dôk rai luč, ƀiădah ñu jing klei myang Aê Diê kơ phung drei Aê Diê dôk bi mtlaih.

I Kôrantô 6:9

Diih amâo thâo hĕ phung wê amâo srăng dưn ƀuôn ala mtao Aê Diê ôh? Đăm mplư diih pô ôh; phung knhông, phung kkuh rup yang, phung tlĕ piu, phung êkei ngă soh hdơ̆ng êkei leh anăn phung mniê ngă soh hdơ̆ng mniê,

II Kôrantô 11:13

Kyuadah phung anăn jing phung khua ƀĭng kna soh, phung mă bruă mplư, mgưt diñu pô jing msĕ si phung khua ƀĭng kna Krist.

II Kôrantô 11:29

Tơdah mâo pô jing awăt, amâo djŏ hĕ kâo pô awăt msĕ? Tơdah mâo pô lĕ hlăm klei soh, leh anăn kâo amâo ruă ai ênguôt kơ klei anăn?

II Kôrantô 2:4

Kyuadah kâo čih kơ diih leh hŏng ai tiê rŭng răng, ênguôt snăk, leh anăn hŏng lu êa ală, amâo djŏ čiăng bi ênguôt diih ôh, ƀiădah čiăng kơ diih thâo klei kâo khăp êdimima kơ diih.

Galati 1:7

amâo djŏ ôh mâo klei mrâo mrang jăk mkăn, ƀiădah mâo đa đa mnuih bi rŭng klei mĭn diih leh anăn čiăng bi msoh klei mrâo mrang jăk Krist.

Galati 2:14

Ƀiădah tơdah kâo ƀuh diñu amâo ngă kpă ôh tui si klei sĭt nik mơ̆ng klei mrâo mrang jăk, kâo lač kơ Y-Sêphas ti anăp jih jang diñu, “Tơdah ih, sa čô Yuđa dôk dơ̆ng ƀơ̆ng huă msĕ si sa čô tue, amâo djŏ msĕ si sa čô Yuđa ôh, si ih dưi mgô̆ phung tue dôk dơ̆ng ƀơ̆ng huă msĕ si phung Yuđa lĕ?”

Galati 2:21

Kâo amâo yap ôh klei Aê Diê pap jing hơăi mang; kyuadah tơdah arăng dưi mâo klei yap kpă hŏng klei bhiăn, snăn klei Krist djiê jing hơăi mang yơh.

Galati 5:21

klei tluh, klei kpiê ruă, klei ră huă mnăm, leh anăn jih jang klei msĕ snăn. Kâo brei diih răng msĕ si kâo hưn leh kơ diih êlâo, hlei pô ngă soh msĕ snăn amâo srăng dưn ƀuôn ala mtao Aê Diê ôh.

Galati 6:12

Phung čiăng bi êdah bruă jăk hlăm kđeh čiăng mgô̆ diih tŭ klei khăt klĭt, knŏng čiăng kơ arăng amâo ngă jhat ôh kơ diñu kyua kyâo bi kal Krist.

Galati 6:14

Bi kơ kâo, kâo amâo srăng bi mni kơ kâo pô ôh, knŏng hlăm kyâo bi kal Khua Yang drei Yêsu Krist. Hŏng kyâo bi kal lăn ala djiê leh kơ kâo, leh anăn kâo djiê leh kơ lăn ala.

Êphêsô 4:17

Snei klei kâo hưn bi sĭt hlăm anăn Khua Yang, đăm brei diih lŏ dôk hdĭp msĕ si phung tue ôh, phung tui hlue klei mĭn hơăi mang diñu pô.

Philip 1:4

leh anăn grăp blư̆ kâo wah lač kơ jih jang diih kâo wah lač hŏng klei hơ̆k mơak,

I Têsalônik 4:6

Đăm brei mâo ôh mnuih gao klei bhiăn leh anăn bi msoh kơ ayŏng adei ñu hlăm klei anăn, kyuadah Khua Yang jing Pô rŭ ênua kơ jih klei anăn, msĕ si hmei hưn leh brei diih răng.

II Têsalônik 3:11

Kyuadah hmei hmư̆ leh mâo đa đa hlăm phung diih bi rŭng, amâo mă bruă ôh, ƀiădah hiu yăl dliê hơăi mang kơ bruă arăng.

II Y-Pêtrôs 2:10

boh nik nak kơ phung tui klei kđeh čiăng čhŏ mrŏ, leh anăn bi êmut kơ klei phung khua kiă kriê. Phung anăn jhŏng leh anăn mgao, amâo huĭ ôh dlao wač kơ phung guh kơang,

Y-Yut 1:13

Diñu jing êlah êa ksĭ poh yă ktang bi kbiă kbhoh klei hêñ diñu pô; jing mtŭ hiu rưng, Aê Diê pioh kơ diñu klei mmăt hlŏng lar.