Philip 3:17 - Klei Aê Diê Blŭ 2015

¹⁷ Ơ phung ayŏng adei, brei diih jing phung tui ngă msĕ si kâo, leh anăn brei diih ksiêm dlăng kơ phung hdĭp msĕ si klei bi hmô diih ƀuh hlăm hmei.

Philip 3:17 Iomraidhean Croise

Klei Mmuñ Hđăp 37:37

Ksiêm bĕ kơ mnuih jăk leh anăn dlăng kơ mnuih kpă, kyuadah anak čô sa čô mnuih êđăp ênang srăng dôk nanao.

Hră Y-Pôl Mơĭt kơ Phung Rôm 16:17

Ơ phung ayŏng adei, kâo kwưh kơ diih, răng bĕ kơ phung ngă klei bi kah mbha leh anăn klei bi dleh, bi kdơ̆ng hŏng mta klei đăo diih hriăm leh. Ñăk bĕ bi kbưi hŏng diñu.

I Kôrantô 10:32

Đăm bi têč hnêč ôh kơ phung Yuđa, kơ phung Grĕk, amâodah kơ Phung Sang Aê Diê,

I Kôrantô 11:1

Brei diih jing phung tui kâo, msĕ si kâo jing pô tui Krist.

I Kôrantô 4:16

Snăn kâo mtrŭt diih brei diih jing phung tui kâo.

Philip 4:9

Ya klei diih hriăm leh, mă tŭ leh, hmư̆ leh, leh anăn ƀuh leh hlăm kâo, brei diih ngă msĕ mơh, leh anăn Aê Diê klei êđăp ênang srăng dôk mbĭt hŏng diih.

I Têsalônik 1:6

Leh anăn diih jing leh phung tui msĕ si hmei leh anăn Khua Yang. Kyuadah wăt tơdah diih tŭ klei knap mñai lu dưn, diih ăt mă tŭ klei blŭ hŏng klei hơ̆k mơak kbiă hriê mơ̆ng Yang Mngăt Jăk;

II Têsalônik 3:14

Tơdah mâo phung amâo gưt ôh kơ klei hmei čih hlăm hră anei, ksiêm diñu, leh anăn đăm bi mguôp hŏng diñu ôh, čiăng kơ diñu hêñ.

II Têsalônik 3:7

Kyuadah diih pô thâo leh jing djŏ diih tui hmei. Hmei amâo bi rŭng ôh êjai hmei dôk mbĭt hŏng diih.

II Têsalônik 3:9

Amâo djŏ ôh kyua hmei amâo mâo klei dưi, ƀiădah hmei čiăng dôk hdĭp hŏng klei bi hmô brei diih tui.

I Y-Timôthê 4:12

Đăm brei ôh arăng bi êmut kơ ih kyua ih jing hlăk ai, ƀiădah brei ih jing klei bi hmô kơ phung đăo hlăm klei blŭ, hlăm klei dôk dơ̆ng ƀơ̆ng huă, hlăm klei khăp, hlăm klei đăo, hlăm klei êngeh.

Hêbrơ 13:7

Hdơr bĕ kơ phung khua gĭt gai diih, phung mtô kơ diih klei Aê Diê blŭ. Ksiêm dlăng bĕ klei truh kơ diñu êjai diñu hdĭp, leh anăn tui klei diñu đăo.

I Y-Pêtrôs 5:3

amâo djŏ ôh kiă kriê hŏng klei ktư̆ juă phung Aê Diê jao leh kơ diih, ƀiădah brei diih jing klei bi hmô kơ phung biăp.