Philip 3:14 - Klei Aê Diê Blŭ 2015

¹⁴ Kâo hung čiăng truh kơ anôk bi kčah, čiăng mă klei mưn jing klei Aê Diê iêô hlăm Krist Yêsu kơ klei hdĭp ti dlông.

Philip 3:14 Iomraidhean Croise

Y-Luk 16:16

Klei bhiăn leh anăn phung khua pô hưn êlâo ăt dôk truh ti ênuk Y-Yôhan; dơ̆ng mơ̆ng ênuk anăn arăng mtô klei mrâo mrang jăk kơ ƀuôn ala mtao Aê Diê, leh anăn grăp čô mmiă mŭt tinăn.

Hră Y-Pôl Mơĭt kơ Phung Rôm 11:29

Kyuadah amâo dưi bi mlih ôh klei Aê Diê brei leh anăn klei Ñu iêô.

I Kôrantô 9:24

Diih amâo thâo hĕ hlăm anôk hlăp jih jang phung êran čiăng kơ dưi sơăi, ƀiădah knŏng sa čô mâo klei mưn? Snăn êran bĕ, čiăng kơ diih dưi mâo klei mưn.

II Kôrantô 4:17

Kyuadah klei knap mñai hdjul bhiâo anei mjing kơ hmei klei guh kơang prŏng hĭn hlŏng lar êgao kơ arăng dưi mkă.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Kôlôs 2:18

Đăm brei arăng mplư diih hŏng klei mgưt luă gŭ diñu pô, leh anăn hŏng klei kkuh mpŭ kơ phung dĭng buăl jăk Aê Diê. Pô anăn knang kơ klei ñu pô bi ƀuh, jing mgao amâo mâo klei ôh, ƀiădah knŏng mĭn tui si kđeh ñu tluh.

I Têsalônik 2:12

Hmei mtô, mtrŭt, leh anăn mtă kơ grăp čô diih brei dôk hdĭp năng kơ Aê Diê, Pô iêô diih kơ ƀuôn ala mtao leh anăn klei guh kơang Ñu pô.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Hêbrơ 3:1

Snăn Ơ phung ayŏng adei doh jăk, phung mâo leh klei iêô kơ adiê, brei diih mĭn kơ Yêsu, Pô jing khua ƀĭng kna leh anăn khua ngă yang prŏng kơ klei đăo drei hưn.

Hêbrơ 6:1

Kyuanăn brei drei lui mta klei hriăm kơ Krist tal êlâo ênưih thâo săng leh anăn ktưn kơ klei klă, đăm lŏ bi hriăm ôh klei mtô kơ klei kmhal kơ bruă atăt kơ klei djiê, leh anăn kơ klei đăo kơ Aê Diê,

I Y-Pêtrôs 1:13

Kyuanăn bi kjăp bĕ klei mĭn diih, dôk djŏ hnơ̆ng, čang hmăng sĭt kơ klei pap srăng truh kơ diih ti hruê Yêsu Krist srăng bi êdah.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

II Y-Pêtrôs 1:3

Klei myang Aê Diê brei leh kơ drei jih jang klei djŏ kơ klei hdĭp leh anăn kơ klei thâo mpŭ kơ Aê Diê, hlăm klei thâo kral Pô iêô leh drei kơ klei guh kơang leh anăn klei jăk Ñu pô.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.