Philip 3:12 - Klei Aê Diê Blŭ 2015

¹² Amâo djŏ ôh kâo mă tŭ leh klei mưn, amâodah truh leh kơ klei jăk klă, ƀiădah kâo hung phă anăp čiăng mă klei anăn kơ kâo pô, kyua kơ klei anăn Krist Yêsu mă leh kâo kơ Ñu pô.

Philip 3:12 Iomraidhean Croise

Y-Yôp 17:9

Ƀiădah pô kpă ăt êbat tui si êlan ñu, leh anăn pô mâo kngan doh srăng jing ktang hĭn êjai.

Klei Mmuñ Hđăp 119:5

Kâo čiăng kơ êlan kâo jing kjăp, êjai gưt klei bhiăn Ih!

Klei Mmuñ Hđăp 138:8

Yêhôwa srăng bi sĭt jih klei Ñu čuăn kơ kâo; Ơ Yêhôwa, klei khăp Ih dôk nanao hlŏng lar. Đăm lui hĕ ôh bruă kngan Ih pô ngă leh.

Klei Mmuñ Hđăp 42:1

Msĕ si sa drei hlô rang ana ƀhŭp ƀhăp mhao kơ êa hnoh, snăn mơh mngăt kâo mhao kơ ih, Ơ Aê Diê ah.

Klei Mmuñ Hđăp 63:8

Ai tiê kâo dôk giăm Ih; kngan hnuă Ih krơ̆ng kâo.

Klei Mmuñ Hđăp 84:2

Mngăt kâo hnĭng snăk păt čiăng djiê hwăt kyua čiăng nao kơ wăl sang Yêhôwa; hŏng jih ai tiê kâo mmuñ hŏng klei hơ̆k kơ Aê Diê hdĭp.

Klei Mmuñ Hđăp 94:15

Kyuadah arăng srăng lŏ brei klei phat kđi kpă kơ phung kpă ênô; leh anăn jih jang phung mâo ai tiê kpă srăng tui hlue klei anăn.

Klei Bi Hriêng 4:18

Ƀiădah êlan phung kpă ênô jing msĕ si klei mngač ang dar, klei mngač ñu jing ktang hĭn ƀrư̆ ƀrư̆ tơl truh yang hruê dơ̆ng.

Y-Êsai 51:1

“Dôk hmư̆ bĕ kâo, Ơ diih phung duah klei kpă ênô, phung duah Yêhôwa. Brei diih dlăng kơ boh tâo anôk arăng krah diih leh, kơ ƀăng êlam anôk arăng ktŭng mă diih leh.

Y-Ôsê 6:3

Brei drei thâo, brei drei hung kơ klei thâo kral Yêhôwa; klei Ñu hriê jing sĭt nik msĕ si ang dar. Ñu srăng hriê kơ drei msĕ si êa hjan, msĕ si êa hjan yan mnga krih lăn.”

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Bruă Phung Khua Ƀĭng Kna 9:15

Ƀiădah Khua Yang lač kơ ñu, “Nao bĕ, kyuadah gơ̆ jing pô Kâo ruah leh brei hưn anăn Kâo ti anăp phung tue, phung mtao, leh anăn phung anak Israel.

Hră Y-Pôl Mơĭt kơ Phung Rôm 8:39

boh dlông, boh êlam, amâodah ya mnơ̆ng mkăn hlăm jih jang mnơ̆ng hrih leh, amâo srăng dưi bi ktlah drei ôh mơ̆ng klei Aê Diê khăp bi êdah leh hlăm Krist Yêsu Khua Yang drei.

I Kôrantô 13:10

Ƀiădah tơdah klei klă ênŭm truh, klei amâo klă ênŭm srăng êgao tuč.

I Kôrantô 13:12

Kyuadah ară anei drei ƀuh amâo mngač ôh msĕ si hlăm ală kĭng; hlăk anăn drei srăng ƀuh klă ti anăp. Ară anei kâo thâo săng sa kdrêč; hlăk anăn kâo srăng thâo săng jih, msĕ si Aê Diê thâo kral kâo leh.

I Kôrantô 9:24

Diih amâo thâo hĕ hlăm anôk hlăp jih jang phung êran čiăng kơ dưi sơăi, ƀiădah knŏng sa čô mâo klei mưn? Snăn êran bĕ, čiăng kơ diih dưi mâo klei mưn.

II Kôrantô 13:9

Kyuadah hmei mơak tơdah hmei jing awăt leh anăn diih jing ktang. Klei hmei wah lač čiăng kơ diih jing jăk klă.

II Kôrantô 7:1

Ơ phung kâo khăp ơi, kyuadah drei mâo klei ƀuăn anăn, brei drei bi doh hĕ drei pô mơ̆ng jih klei čhŏ mrŏ hlăm kđeh leh anăn mngăt, leh anăn bi klă klei doh jăk drei hlăm klei huĭ mpŭ kơ Aê Diê.

Galati 5:17

Kyuadah klei kđeh čiăng bi kdơ̆ng hŏng Yang Mngăt Jăk, leh anăn klei Yang Mngăt Jăk čiăng bi kdơ̆ng hŏng klei kđeh čiăng. Kyuadah dua anăn bi kdơ̆ng hdơ̆ng diñu, čiăng ghă diih ngă tui si diih čiăng.

Êphêsô 1:4

Ñu ruah leh drei hlăm Krist êlâo kơ klei hrih lăn ala, čiăng kơ drei jing doh jăk leh anăn amâo mâo klei ƀuah ôh ti anăp Ñu.

Êphêsô 4:12

čiăng mprăp phung doh jăk mâo klei dưi mă bruă kơ Aê Diê, čiăng đru asei mlei Krist hriê kơ prŏng,

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

Philip 3:16

Knŏng ti anôk drei truh leh brei drei ăt êbat mđrăm.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Philip 3:8

Sĭt nik kâo yap jih jang mnơ̆ng msĕ si luč leh kyua klei thâo kral Krist Yêsu Khua Yang kâo jing yuôm êgao hĭn. Kyua Ñu kâo luč leh jih jang mnơ̆ng, leh anăn kâo yap mnơ̆ng anăn msĕ si djah, čiăng kơ kâo dưi mâo Krist,

I Têsalônik 5:15

Răng bĕ, đăm brei sa čô hlăm phung diih bi wĭt klei jhat kơ klei jhat arăng, ƀiădah tui duah nanao čiăng ngă klei jăk hdơ̆ng diih leh anăn kơ jih jang mnuih.

II Têsalônik 2:13

Ƀiădah Ơ phung ayŏng adei Khua Yang khăp, hmei čiăng bi mni kơ Aê Diê nanao kyua diih, kyuadah Aê Diê ruah leh diih mơ̆ng mphŭn pioh kơ klei bi mtlaih hŏng klei Yang Mngăt Jăk bi doh jăk leh anăn hŏng klei đăo kơ klei sĭt nik.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

I Y-Timôthê 6:19

Snăn diñu mkăm kơ diñu pô atur jăk leh anăn kjăp kơ ênuk êdei, čiăng kơ diñu dưi djă păn klei hdĭp sĭt nik.

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.

Hêbrơ 12:23

Diih nao leh kơ Phung Sang Aê Diê phung Aê Diê kkiêng tal êlâo mâo anăn čih leh hlăm phung adiê. Diih nao leh kơ sa čô khua phat kđi jing Aê Diê kơ jih jang, kơ mngăt phung mnuih kpă mâo leh klei jăk klă.

Hêbrơ 13:21

brei kơ diih klei dưi ngă djăp mta bruă jăk, čiăng kơ diih dưi ngă klei Ñu čiăng, êjai Ñu mă bruă hlăm diih klei bi mơak kơ Ñu hlăm Yêsu Krist. Kơ Ñu yơh brei mâo klei guh kơang hlăm jih jang ênuk. Amen.

Y-Yakơ 3:2

Kyuadah jih jang drei têč hnêč hlăm lu mta klei. Tơdah sa čô amâo têč hnêč ôh hlăm klei ñu blŭ, ñu jing mnuih jăk klă, dưi kiă kriê jih asei mlei ñu.

I Y-Pêtrôs 5:10

Leh diih tŭ klei knap mñai bhiâo, Aê Diê kơ jih klei pap, Pô iêô leh diih kơ klei guh kơang Ñu hlŏng lar hlăm Krist, srăng mjing diih jăk klă, bi kjăp, bi ktang diih leh anăn mdơ̆ng diih hơĭt.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.