Philip 3:1 - Klei Aê Diê Blŭ 2015

¹ Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

Philip 3:1 Iomraidhean Croise

I Klei Yăl Dliê 15:28

Snăn jih jang phung Israel atăt ba hip klei bi mguôp Yêhôwa hŏng klei ur driâo, hŏng asăp ki, dang, leh anăn asăp ênai kraih ktang mơ̆ng brô̆ leh anăn đĭng kliă.

I Klei Yăl Dliê 16:10

Bi mni bĕ kơ diih pô hlăm anăn doh jăk ñu; brei ai tiê phung duah Yêhôwa mâo klei hơ̆k mơak!

I Klei Yăl Dliê 29:22

leh anăn diñu huă mnăm ti anăp Yêhôwa hruê anăn hŏng klei hơ̆k mơak snăk. Diñu lŏ ngă tal dua klei brei Y-Salômôn anak êkei Y-Đawit jing mtao, leh anăn diñu trôč gơ̆ êa ƀâo mngưi jing khua bi ala kơ Yêhôwa, leh anăn brei Y-Sadôk jing khua ngă yang.

Y-Nêhêmi 8:10

Leh anăn Y-Êsra lač kơ digơ̆, “Nao bĕ diih ƀơ̆ng mnơ̆ng prăi êmă, leh anăn mnăm êa kpiê mmih, leh anăn mơĭt sa kdrêč mnơ̆ng anăn kơ pô amâo mkra ôh; kyuadah hruê anei jing doh jăk kơ Yêhôwa drei. Leh anăn đăm ênguôt ôh, kyuadah klei hơ̆k mơak Yêhôwa jing klei ktang diih.”

Y-Yôp 22:26

snăn ih srăng mâo klei mơak hlăm Pô Mâo Jih Klei Myang, leh anăn kngưr ƀô̆ mta ih phă Aê Diê.

Klei Mmuñ Hđăp 149:2

Brei phung Israel hơ̆k mơak hŏng Pô Hrih diñu leh; brei phung anak ƀuôn Siôn hơ̆k mơak hŏng Mtao diñu.

Klei Mmuñ Hđăp 32:11

Ơ phung kpă, hơ̆k mơak bĕ diih hlăm Yêhôwa, ur hơ̆k bĕ, Ơ jih jang diih mâo ai tiê kpă.

Klei Mmuñ Hđăp 33:1

Ơ phung kpă, mmuñ mơak bĕ diih kơ Yêhôwa! Jing djŏ phung kpă blŭ klei hơêč hmưi.

Klei Mmuñ Hđăp 37:4

Mơak bĕ hlăm Yêhôwa, leh anăn Ñu srăng brei kơ ih klei ai tiê ih čiăng.

Klei Mmuñ Hđăp 42:4

Êjai kâo ur krao ênguôt, kâo hdơr klei anei: klei kâo nao leh mbĭt hŏng phung lu, leh anăn atăt diñu kơ sang Aê Diê, hŏng klei driâo hơ̆k leh anăn klei mmuñ bi mni, sa phung lu ngă klei huă mnăm.

Klei Mmuñ Hđăp 5:11

Ƀiădah brei jih jang phung kđap hlăm Ih dôk mơak; brei diñu mmuñ hŏng klei hơ̆k nanao; leh anăn brei Ih mgang diñu, čiăng kơ phung khăp kơ anăn Ih dưi mâo klei hơ̆k mơak hlăm Ih.

Klei Mmuñ Hđăp 97:1

Yêhôwa kiă kriê, brei lăn ala mâo klei hơ̆k mơak; brei phung čar ti hang êa ksĭ mâo klei mơak.

Y-Êsai 41:16

Diih srăng hdei diñu leh anăn angĭn đrŭng srăng kpuh diñu, angĭn êbŭ srăng mđung diñu. Ƀiădah diih srăng mơak hlăm Yêhôwa, diih srăng bi mni kơ Pô Doh Jăk phung Israel.

Y-Êsai 61:10

Kâo srăng hơ̆k mơak snăk hlăm Yêhôwa; mngăt kâo srăng bŏ hŏng klei hơ̆k kdơ̆k hlăm Aê Diê kâo. Kyuadah ñu bi hơô leh kâo hŏng čhiăm ao klei bi mtlaih, ñu guôm leh kâo hŏng ao jhung klei kpă ênô, msĕ si êkei dôk mô̆ mprăp ñu pô hŏng kwang mnga, msĕ si sa čô mniê dôk ung mprăp ñu pô hŏng boh tâo yuôm ñu.

Y-Êsai 65:14

Nĕ anei, phung dĭng buăl Kâo srăng mmuñ kyua ai tiê hơ̆k ƀiădah diih srăng ur krao kyua ruă ai tiê, leh anăn srăng čŏk hia kyua klei ênguôt ktrŏ.

Y-Yôel 2:23

Mơak bĕ, Ơ phung ƀuôn sang ƀuôn Siôn, leh anăn hơ̆k bĕ hlăm Yêhôwa Aê Diê diih; kyuadah Ñu brei leh kơ diih hjan hnưm kyua klei kpă ênô diih, Ñu tuh leh kơ diih hjan lu êbeh, hjan hnưm leh anăn knhal tuč, msĕ si êlâo.

Y-Sôphôni 3:14

Mmuñ kraih bĕ, Ơ anak mniê Siôn; ur bĕ, Ơ Israel! Hơ̆k leh anăn mơak bĕ hŏng jih ai tiê ih, Ơ anak mniê Yêrusalem!

Y-Sôphôni 3:17

Yêhôwa Aê Diê ih dôk ti krah ih, Ñu jing Pô mâo klei myang dưi bi mtlaih ih; Ñu srăng hơ̆k êdi kyua ih, Ñu srăng lŏ bi êdah kơ ih klei Ñu khăp. Ñu srăng hơ̆k kyua ih hŏng klei mmuñ kraih.”

Y-Sakari 10:7

Hlăk anăn Êphraim srăng jing mnuih jhŏng knêñ, ai tiê diñu srăng hơ̆k kdơ̆k msĕ si hŏng kpiê. Phung anak diñu srăng ƀuh klei anăn leh anăn hơ̆k mơak, ai tiê diñu srăng mơak hlăm Yêhôwa.

Y-Mathiơ 5:12

Hơ̆k mơak bĕ, kyuadah klei mưn diih jing prŏng hlăm adiê, kyuadah arăng ngă jhat msĕ mơh kơ phung khua pô hưn êlâo, êlâo kơ diih.”

Y-Luk 1:47

ai mĭn kâo mâo klei mơak hlăm Aê Diê Pô Bi Mtlaih kâo.

Hră Y-Pôl Mơĭt kơ Phung Rôm 5:11

Amâo djŏ dŭm anăn ôh, ƀiădah msĕ mơh drei hơ̆k mơak hlăm Aê Diê kyua Khua Yang drei Yêsu Krist. Hlăm Gơ̆ yơh drei mâo leh klei bi grăng hŏng Aê Diê.

II Kôrantô 13:11

Snăn Ơ phung ayŏng adei, brei diih dôk mơak. Mkra bĕ klei hdĭp diih, gưt klei kâo kwưh, brei diih mâo sa ai hdơ̆ng diih. Brei diih dôk êđăp ênang, leh anăn Aê Diê klei khăp leh anăn klei êđăp ênang srăng dôk mbĭt hŏng diih.

Êphêsô 6:10

Ti knhal tuč hră anei, kâo mtă kơ diih brei diih jing ktang hlăm Khua Yang hŏng klei ktang myang Ñu.

Klei Mtô Mñă Klei Bhiăn 12:18

ƀiădah ih srăng ƀơ̆ng huă mnơ̆ng anăn ti anăp Yêhôwa Aê Diê ih hlăm anôk Yêhôwa srăng ruah, ih, anak êkei ih, anak mniê ih, dĭng buăl êkei leh anăn dĭng buăl mniê ih, leh anăn phung Lêwi dôk hlăm ƀuôn ih; leh anăn ih srăng hơ̆k mơak ti anăp Yêhôwa Aê Diê ih hlăm jih jang bruă ih ngă.

Klei Mtô Mñă Klei Bhiăn 16:11

Leh anăn diih srăng hơ̆k mơak ti anăp Yêhôwa Aê Diê diih, diih, anak êkei leh anăn anak mniê diih, dĭng buăl êkei mniê diih, phung Lêwi dôk hlăm ƀuôn diih, pô dôk jưh bhiâo, anak êrĭt, leh anăn mniê djiê ung ti krah diih, ti anôk Yêhôwa Aê Diê diih srăng ruah čiăng brei anăn Ñu dôk tinăn.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Philip 4:4

Mơak bĕ nanao hlăm Khua Yang. Kâo lŏ mñă mơh, mơak bĕ.

Philip 4:8

Ti knhal tuč hră anei, kâo mtă kơ diih, Ơ phung ayŏng adei, ya klei jing sĭt nik, ya klei jing năng mpŭ, ya klei jing kpă, ya klei jing êngeh, ya klei jing năng khăp, ya klei mâo hing ang jăk, tơdah mâo klei jăk hĭn, leh anăn tơdah mâo klei năng bi mni, brei diih dôk mĭn kơ klei anăn.

I Têsalônik 4:1

Ơ phung ayŏng adei, ti knhal tuč hră anei, hmei kwưh leh anăn mtrŭt diih hlăm Khua Yang Yêsu, msĕ si diih hriăm leh mơ̆ng hmei si klei djŏ diih dôk hdĭp leh anăn bi mơak kơ Aê Diê, msĕ si diih dôk ngă, brei diih ngă snăn kdlưn hĭn.

I Têsalônik 5:16

Dôk hơ̆k mơak nanao bĕ.

Y-Yakơ 1:2

Ơ phung ayŏng amai adei, tơdah diih tuôm hŏng klei lông dlăng lu mta, brei diih yap klei anăn jing klei hơ̆k mơak sơăi.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

I Y-Pêtrôs 4:13

Ƀiădah hơ̆k mơak bĕ kyuadah diih tŭ mbĭt klei knap mñai Krist, čiăng kơ diih dưi dôk hơ̆k mơak msĕ mơh ti hruê klei guh kơang Ñu srăng bi êdah.

II Y-Pêtrôs 3:1

Ơ phung kâo khăp, nĕ anei hră tal dua kâo čih leh kơ diih, leh anăn hlăm jih dua pŏk hră anăn kâo bi êrâo klei mĭn ênuah ênô diih, čiăng brei diih hdơr

I Y-Samuel 2:1

H'An wah lač leh anăn lač, “Ai tiê kâo hơ̆k mơak hlăm Yêhôwa; Yêhôwa lŏ bi kơrŭ leh ai ktang kâo. Ƀăng kƀông kâo blŭ klei djik djak kơ phung roh kâo, kyuadah kâo hơ̆k mơak hlăm klei Ih bi mtlaih.