Philip 2:9 - Klei Aê Diê Blŭ 2015

⁹ Kyuanăn Aê Diê mpŭ kơ Ñu ti dlông snăk, leh anăn brei kơ Ñu anăn ti dlông hĭn kơ jih jang anăn,

Philip 2:9 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Klei Mmuñ Hđăp 110:1

Yêhôwa blŭ kơ Khua Yang kâo: “Dôk gŭ bĕ tĭng hnuă Kâo, tơl Kâo brei phung roh Ih jing mdhô̆ Ih trông jơ̆ng.”

Klei Mmuñ Hđăp 110:5

Khua Yang dôk tĭng hnuă Ih; Ñu srăng bi rai phung mtao ti hruê Ñu ngêñ.

Klei Mmuñ Hđăp 89:27

Leh anăn Kâo srăng brei ñu jing anak êkei Kâo kkiêng tal êlâo, mtao prŏng hĭn kơ phung mtao ti lăn ala.

Klei Mmuñ Hđăp 91:14

Aê Diê lač, “Kyuadah hlei pô khăp kơ Kâo, Kâo srăng bi mtlaih ñu; Kâo srăng mgang ñu, kyuadah ñu thâo kral anăn Kâo.

Y-Êsai 52:13

Nĕ anei, dĭng buăl Kâo srăng đĭ kyar, arăng srăng mpŭ kơ Ñu leh anăn bi mđĭ Ñu, Ñu srăng dôk ti anôk dlông snăk.

Y-Êsai 53:12

Kyuanăn Kâo srăng bi mbha kơ Ñu sa kdrêč mbĭt hŏng phung prŏng, leh anăn Gơ̆ srăng bi mbha dŏ plah mă mbĭt hŏng phung ktang, kyuadah Gơ̆ jao klei hdĭp Gơ̆ tơl djiê, leh anăn arăng yap Gơ̆ mbĭt hŏng phung gao klei bhiăn. Ƀiădah Gơ̆ klam leh klei soh lu mnuih, leh anăn wah lač brei kơ phung gao klei bhiăn.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Luk 10:22

Jih jang mnơ̆ng Ama Kâo jao leh kơ Kâo. Amâo mâo pô thâo kral Anak ôh, knŏng hjăn Ama thâo; kăn mâo pô thâo kral Ama rei, knŏng hjăn Anak thâo, leh anăn kơ hlei pô Anak čiăng bi êdah Ama kơ ñu.”

Y-Yôhan 13:3

Yêsu thâo kơ Ama jao leh jih jang mnơ̆ng hlăm kngan Ñu, kơ Ñu hriê leh mơ̆ng Aê Diê, leh anăn srăng lŏ wĭt kơ Aê Diê,

Y-Yôhan 17:11

Ară anei Kâo amâo lŏ dôk hlăm lăn ala ôh, ƀiădah diñu dôk hlăm lăn ala, leh anăn Kâo wĭt kơ Ih. Ơ Ama Doh Jăk, răng kriê diñu hlăm anăn Ih, anăn Ih brei leh kơ Kâo, čiăng kơ diñu jing sa, msĕ si Drei jing sa.

Y-Yôhan 17:12

Êjai Kâo dôk mbĭt hŏng diñu, Kâo răng kriê diñu hlăm anăn Ih, anăn Ih brei leh kơ Kâo. Kâo kiă kriê diñu leh, leh anăn amâo mâo sa čô hlăm phung diñu luč ôh, knŏng anak kơ klei luč, čiăng bi sĭt Klei Aê Diê Blŭ čih leh.

Y-Yôhan 17:5

Ară anei, Ơ Ama, bi guh kơang Kâo ti anăp Ih hŏng klei guh kơang Kâo mâo leh mbĭt hŏng Ih êlâo kơ klei hrih lăn ala.

Bruă Phung Khua Ƀĭng Kna 5:31

Aê Diê mđĭ brei Pô anăn dôk leh tĭng hnuă Ñu jing Khua Mil Čhil leh anăn Pô Bi Mtlaih, čiăng brei phung Israel kmhal leh anăn mâo klei pap brei kơ klei soh.

Êphêsô 1:10

čiăng bi truh hlăm ênuk Ñu bi kčah leh bi mguôp mbĭt jih jang mnơ̆ng kơ sa čô khua, jing Krist, mnơ̆ng hlăm adiê wăt mnơ̆ng hlăm lăn ala.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

II Têsalônik 1:12

čiăng kơ anăn Khua Yang drei Yêsu dưi mâo klei guh kơang hlăm diih, leh anăn diih mâo klei guh kơang hlăm Ñu, tui si klei pap mơ̆ng Aê Diê drei leh anăn Khua Yang Yêsu Krist.

Hêbrơ 1:4

Aê Diê brei Gơ̆ jing prŏng hĭn kơ phung dĭng buăl jăk, msĕ si anăn Gơ̆ mâo leh jing prŏng hĭn kơ anăn phung dĭng buăl jăk.

Hêbrơ 1:9

Ih khăp leh kơ klei kpă ênô, leh anăn bi êmut leh kơ klei soh. Kyuanăn Aê Diê, Aê Diê Ih, trôč leh êa ƀâo mngưi klei hơ̆k mơak kơ Ih kdlưn hĭn kơ phung ƀĭng găp Ih.”

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Hêbrơ 2:9

Ƀiădah drei ƀuh Yêsu, Pô Aê Diê bi luă gŭ bhiâo ti gŭ phung dĭng buăl jăk, Pô Aê Diê mđua leh đuôn mtao klei guh kơang leh anăn klei mpŭ kyua klei djiê Ñu tŭ leh, čiăng kơ hŏng klei Aê Diê pap Ñu dưi tŭ klei djiê hrô kơ jih jang mnuih.

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

II Y-Pêtrôs 1:17

Kyuadah tơdah Ñu mă tŭ leh klei mpŭ leh anăn klei guh kơang mơ̆ng Aê Diê Ama hlăk anăn asăp mơ̆ng Pô Guh Kơang Hĭn lač, “Pô anei jing Anak Kâo khăp êdimi; hlăm Ñu Kâo mâo klei mơak snăk,”

III Y-Yôhan 1:7

Kyuadah diñu hiu kyua anăn Krist, leh anăn amâo tuôm mă tŭ ôh sa mta mnơ̆ng mơ̆ng phung amâo đăo.

Klei Bi Êdah 1:5

leh anăn mơ̆ng Yêsu Krist, Pô hưn sĭt suôr, Pô kbiă lŏ hdĭp tal êlâo mơ̆ng phung djiê, leh anăn Khua kơ phung mtao ti lăn ala. Kơ Pô khăp kơ drei leh anăn bi êngiê leh drei mơ̆ng klei soh drei hŏng êrah Ñu pô,

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.

Klei Bi Êdah 5:12

Diñu mmuñ hŏng asăp kraih, “Êđai Biăp arăng bi mdjiê leh mâo klei năng mă tŭ klei myang, klei mdrŏng, klei thâo mĭn, klei ktang, klei mpŭ, klei guh kơang, leh anăn klei arăng mpŭ mni!”