Philip 2:7 - Klei Aê Diê Blŭ 2015

⁷ ƀiădah Ñu toh hĕ klei anăn, leh anăn tŭ klei jing sa čô dĭng buăl, brei arăng kkiêng kơ Ñu jing mnuih.

Philip 2:7 Iomraidhean Croise

Klei Mmuñ Hđăp 22:6

Ƀiădah kâo jing sa drei hluăt, leh anăn amâo djŏ sa čô mnuih ôh; kâo jing pô phung mnuih bi hêñ, leh anăn pô phung ƀuôn sang bi êmut.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 49:3

Ñu lač kơ kâo, “Ơ Israel, Ih jing dĭng buăl Kâo, hlăm ih Kâo srăng bi êdah klei guh kơang Kâo.”

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Đaniel 9:26

Leh tloh năm pluh dua hruê kăm anăn, arăng srăng bi mdjiê hĕ Pô arăng trôč êa ƀâo mngưi, leh anăn gơ̆ amâo srăng mâo mnơ̆ng ôh. Leh anăn phung ƀuôn sang khua srăng truh êdei srăng bi rai hĕ ƀuôn leh anăn adŭ doh jăk. Ti knhal tuč êa lip srăng bi rai ñu, leh anăn srăng mâo klei bi blah tơl knhal tuč; Aê Diê čuăn leh klei ênguôl srăng truh.

Y-Sakari 3:8

Snăn dôk hmư̆ bĕ, Ơ Y-Yôsuê khua ngă yang prŏng, ih leh anăn phung ƀĭng găp ih dôk gŭ ti anăp ih, kyuadah diih jing phung bi hmô kơ klei srăng truh: Kâo srăng atăt ba Kƀiêng, dĭng buăl Kâo.

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Mathiơ 12:18

“Nĕ anei dĭng buăl Kâo ruah leh, Pô Kâo khăp, hlăm Ñu Kâo mâo klei mơak snăk. Kâo srăng dưm Mngăt Myang Kâo ti Ñu, leh anăn Ñu srăng hưn klei Kâo phat kđi kơ phung tue.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

Y-Markôs 9:12

Yêsu lač kơ digơ̆, “Sĭt nik Y-Êli srăng hriê êlâo čiăng lŏ mkra jih jang klei. Ƀiădah si ngă Klei Aê Diê Blŭ čih leh djŏ kơ Anak Mnuih srăng tŭ lu klei knap mñai leh anăn arăng srăng hngah Ñu?

Y-Luk 22:27

Kyuadah hlei pô jing prŏng hĭn, pô dôk gŭ huă ƀơ̆ng, amâodah pô mdơ̆ng mnơ̆ng ƀơ̆ng huă? Amâo djŏ hĕ jing pô dôk gŭ huă ƀơ̆ng? Ƀiădah Kâo dôk ti krah diih msĕ si sa čô dĭng buăl mdơ̆ng mnơ̆ng ƀơ̆ng huă.

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Hră Y-Pôl Mơĭt kơ Phung Rôm 1:3

Klei mrâo mrang jăk anăn djŏ kơ Anak Ñu, Yêsu Krist Khua Yang drei, tui si hlăm kđeh Gơ̆ jing anak čô Y-Đawit,

Hră Y-Pôl Mơĭt kơ Phung Rôm 15:3

Kyuadah wăt Krist amâo tuôm bi mơak kơ Ñu pô ôh; ƀiădah tui si Klei Aê Diê Blŭ čih leh, “Klei arăng dlao wač kơ Ih lĕ leh ti kâo.”

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,

Hră Y-Pôl Mơĭt kơ Phung Rôm 8:3

Kyuadah ya klei bhiăn amâo dưi ngă ôh, kyua kđeh bi awăt klei bhiăn, Aê Diê ngă leh. Klei Ñu ngă snei: Ñu tiŏ hriê Anak Ñu pô brei Gơ̆ jing mnuih msĕ si mnuih mâo kđeh drei, leh anăn jing mnơ̆ng ngă yang kơ klei soh; snăn Ñu phat kđi klei soh hlăm kđeh,

II Kôrantô 13:4

Arăng pơ̆ng Ñu ti kyâo bi kal hlăm klei Ñu awăt, ƀiădah Ñu hdĭp hŏng klei myang Aê Diê. Kyuadah hmei jing awăt hlăm Ñu, ƀiădah hlăm klei hmei bi mguôp hŏng diih, hmei srăng dôk hdĭp mbĭt hŏng Ñu hŏng klei myang Aê Diê.

II Kôrantô 8:9

Kyuadah diih thâo leh klei pap Khua Yang drei Yêsu Krist: wăt tơdah Ñu jing mdrŏng, ăt Ñu bi ƀun Ñu pô kyua diih, čiăng kơ hŏng klei Ñu ƀun ƀin, diih dưi jing mdrŏng.

Galati 4:4

Ƀiădah tơdah hruê bi kčah truh leh, Aê Diê tiŏ hriê Anak Ñu, brei sa čô mniê kkiêng, čiăng kơ Ñu dôk hdĭp ti gŭ klei bhiăn

Philip 2:6

Wăt tơdah Ñu mâo klei jing Aê Diê, Ñu amâo yap yuôm ôh klei Ñu mđơr hŏng Aê Diê jing klei Ñu djă pioh,

Hêbrơ 12:2

êjai dlăng kơ Yêsu, Pô khua leh anăn Pô bi klă klei đăo drei. Kyua klei mơak pioh leh ti anăp Ñu, Ñu tŭ klei knap mñai ti kyâo bi kal, amâo uêñ ôh tŭ klei hêñ, leh anăn dôk gŭ leh tĭng hnuă kơ jhưng mtao Aê Diê.

Hêbrơ 13:3

Hdơr bĕ kơ phung arăng krư̆, msĕ si diih pô arăng krư̆ mbĭt hŏng diñu; leh anăn hdơr bĕ kơ phung arăng ngă jhat, msĕ si arăng ngă jhat leh kơ diih mơh.

Hêbrơ 4:15

Khua ngă yang prŏng drei amâo djŏ jing sa čô amâo dưi pap klei awăt drei, ƀiădah Ñu pô tuôm leh hŏng djăp mta klei mplư msĕ si drei, ƀiădah Ñu amâo ngă soh ôh.