Philip 2:5 - Klei Aê Diê Blŭ 2015

⁵ Brei diih mâo klei mĭn msĕ si Krist Yêsu mâo leh.

Philip 2:5 Iomraidhean Croise

Y-Mathiơ 11:29

Brei diih đua knông Kâo leh anăn hriăm mơ̆ng Kâo, kyuadah Kâo jing ênang leh anăn mâo ai tiê luă gŭ; leh anăn mngăt diih srăng mdei.

Y-Luk 22:27

Kyuadah hlei pô jing prŏng hĭn, pô dôk gŭ huă ƀơ̆ng, amâodah pô mdơ̆ng mnơ̆ng ƀơ̆ng huă? Amâo djŏ hĕ jing pô dôk gŭ huă ƀơ̆ng? Ƀiădah Kâo dôk ti krah diih msĕ si sa čô dĭng buăl mdơ̆ng mnơ̆ng ƀơ̆ng huă.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Bruă Phung Khua Ƀĭng Kna 20:35

Hlăm jih klei anei kâo bi êdah leh kơ diih hŏng klei mă bruă srăng đru phung awăt, êjai hdơr klei Khua Yang Yêsu blŭ leh, lač, ‘Brei kơ arăng jing jăk mơak hĭn kơ mă tŭ.’ ”

Hră Y-Pôl Mơĭt kơ Phung Rôm 14:15

Tơdah mnơ̆ng ih ƀơ̆ng bi ênguôt kơ ayŏng adei ih, ih amâo lŏ êbat hlăm klei khăp ôh. Đăm brei ôh mnơ̆ng ih ƀơ̆ng mjing klei bi luč sa čô mnuih Krist djiê leh čiăng bi mtlaih.

Hră Y-Pôl Mơĭt kơ Phung Rôm 15:3

Kyuadah wăt Krist amâo tuôm bi mơak kơ Ñu pô ôh; ƀiădah tui si Klei Aê Diê Blŭ čih leh, “Klei arăng dlao wač kơ Ih lĕ leh ti kâo.”

Hră Y-Pôl Mơĭt kơ Phung Rôm 15:5

Akâo kơ Aê Diê, Pô jing klei gĭr leh anăn klei bi juh, brei diih dôk sa ai hdơ̆ng diih, tui si Krist Yêsu,

I Kôrantô 10:33

msĕ si kâo duah bi mơak kơ jih jang mnuih hlăm djăp mta klei kâo ngă, amâo duah klei jăk kơ kâo pô ôh, ƀiădah klei jăk kơ lu mnuih, čiăng kơ diñu dưi tlaih.

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

I Y-Pêtrôs 2:21

Kyua kơ klei anăn Aê Diê iêô leh diih, kyuadah Krist msĕ mơh tŭ leh klei knap mñai kyua diih, čiăng brei kơ diih klei bi hmô, čiăng kơ diih tui hlue kru Ñu.

I Y-Pêtrôs 4:1

Snăn kyuadah Krist tŭ leh klei knap mñai hlăm kđeh, brei diih mprăp diih pô hŏng klei mĭn msĕ snăn, kyuadah hlei pô tŭ leh klei knap hlăm kđeh amâo lŏ ngă soh ôh,

I Y-Yôhan 2:6

hlei pô lač ñu dôk hlăm Yêsu, brei ñu êbat msĕ si Yêsu pô êbat leh.