Philip 2:3 - Klei Aê Diê Blŭ 2015

³ Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

Philip 2:3 Iomraidhean Croise

Klei Bi Hriêng 13:10

Klei mgao knŏng bi truh klei bi mneh msao, ƀiădah klei thâo mĭn dôk mbĭt hŏng phung dôk hmư̆ klei kčĕ.

Y-Luk 18:14

Kâo hưn kơ diih, pô rĭng jia anei wĭt kơ sang mâo leh klei yap kpă; bi êkei Pharisi anăn, amâo mâo ôh. Kyuadah grăp čô hlei pô mpŭ kơ ñu pô, Aê Diê srăng bi mtrŭn ñu; ƀiădah hlei pô bi mtrŭn ñu pô, Aê Diê srăng mpŭ kơ ñu.”

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

Hră Y-Pôl Mơĭt kơ Phung Rôm 13:13

Brei drei dôk dơ̆ng ƀơ̆ng huă hŏng klei djŏ msĕ si êjai hruê; đăm ngă tă tăn amâodah kpiê ruă ôh. Đăm ngă klei čhŏ mrŏ amâodah tlĕ piu ôh; đăm bi mneh msao amâodah nač ôh.

Hră Y-Pôl Mơĭt kơ Phung Rôm 2:8

Ƀiădah Ñu srăng brei klei ngêñ leh anăn klei ăl kơ phung mĭn kơ pô, amâo gưt ôh kơ klei sĭt nik, ƀiădah gưt klei wê.

I Kôrantô 15:9

Kyuadah kâo jing khua ƀĭng kna điêt hĭn kơ jih jang, amâo năng ôh arăng pia kâo khua ƀĭng kna, kyuadah kâo ngă jhat leh kơ Phung Sang Aê Diê.

I Kôrantô 3:3

kyuadah diih ăt jing phung tui si kđeh. Kyuadah êjai mâo klei nač leh anăn klei bi mneh msao hdơ̆ng diih, amâo djŏ hĕ diih jing tui si kđeh, leh anăn dôk dơ̆ng ƀơ̆ng huă msĕ si mnuih kđeh?

II Kôrantô 12:20

Kyuadah kâo huĭ kâo srăng truh leh anăn ƀuh diih amâo djŏ tui si kâo čiăng ôh, leh anăn diih srăng ƀuh kâo amâo djŏ tui si diih čiăng ôh. Năng ai srăng mâo klei bi mneh msao, klei nač, klei ăl, klei klih, klei blŭ jhat, klei mčeh, klei mgao, leh anăn klei rŭng răng.

Galati 5:15

Ƀiădah tơdah diih bi kĕ bi lun hdơ̆ng diih, răng bĕ huĭdah diih bi rai hdơ̆ng diih.

Galati 5:26

Đăm duah klei hing ang amâo sĭt bi nač hdơ̆ng găp leh anăn đăm čôñ ăl hdơ̆ng găp ôh.

Êphêsô 4:2

hŏng jih klei luă gŭ, êdu êun, leh anăn klei gĭr, brei diih bi đru hdơ̆ng diih hŏng klei khăp,

Êphêsô 5:21

Brei diih bi gưt hdơ̆ng diih hlăm klei huĭ mpŭ kơ Krist.

Philip 2:14

Ngă bĕ jih jang bruă amâo blŭ dŭñ dŭñ amâodah kĭ kơ̆ ôh,

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

Kôlôs 3:8

Ƀiădah ară anei hwiê hĕ jih klei anei: klei ăl, klei ngêñ, klei măk ƀai, klei mčeh luar, klei blŭ čhŏ mrŏ mơ̆ng ƀăng êgei diih.

I Y-Timôthê 6:4

ñu bŏ hŏng klei mgao, leh anăn ñu amâo thâo sa mta klei ôh. Ñu mâo ai tiê khăp bi kdơ̆ng leh anăn bi tăng kyua boh blŭ. Klei anăn bi truh klei nač, klei bi mbha phung, klei mčeh, klei đing jhat,

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”