Philip 2:27 - Klei Aê Diê Blŭ 2015

²⁷ Sĭt nik ñu ruă leh, păt čiăng djiê. Ƀiădah Aê Diê pap kơ ñu, leh anăn amâo djŏ knŏng kơ ñu ôh ƀiădah wăt kơ kâo msĕ mơh, huĭdah lŏ thiăm klei ênguôt kơ klei ênguôt kâo mâo leh.

Philip 2:27 Iomraidhean Croise

II Bruă Mtao 20:1

Hlăm ênuk anăn Y-Hêsêkia ruă giăm djiê leh. Y-Êsai khua pô hưn êlâo anak êkei Y-Amôt nao kơ ñu leh anăn lač, “Snei Yêhôwa lač, ‘Mkra bruă sang ih, kyuadah ih srăng djiê, ih amâo srăng hlao ôh.’ ”

Y-Yôp 5:19

Ñu srăng bi mtlaih ih mơ̆ng năm mta klei rŭng răng; wăt kjuh mta dưn mơh, klei ƀai amâo srăng ngă kơ ih ôh.

Klei Mmuñ Hđăp 34:19

Pô kpă mâo lu klei knap mñai; ƀiădah Yêhôwa bi mtlaih gơ̆ mơ̆ng jih jang klei anăn.

Y-Êsai 27:8

Hŏng klei mkă hnơ̆ng yơh Yêhôwa bi kmhal leh digơ̆ hŏng klei suôt digơ̆ mơ̆ng čar; Yêhôwa suôt digơ̆ hŏng klei Ñu kpuh ktang hlăm hruê mâo angĭn mơ̆ng ngŏ.

Y-Êsai 38:17

Nĕ anei, kâo mâo leh klei ênguôt čiăng bi truh klei jăk kơ kâo; klei khăp Ih mgang klei hdĭp kâo mơ̆ng ƀăng klei bi rai, kyuadah Ih dlăm leh jih jang klei soh kâo ti tluôn Ih.

Y-Êsai 43:2

Tơdah diih găn êa, Kâo srăng dôk mbĭt hŏng diih; leh anăn tơdah diih găn êa krông, diñu amâo srăng bi kngăm diih ôh. Tơdah diih êbat hlăm pui, ñu amâo srăng čuh diih ôh, kăn êlah pui srăng ƀơ̆ng diih rei.

Y-Yêrêmi 10:24

Mkra kâo bĕ, Ơ Yêhôwa, ƀiădah knŏng tui si klei djŏ, amâo djŏ ôh hŏng klei Ih ăl, huĭdah Ih bi rai hĕ kâo.

Y-Yêrêmi 45:3

Ih lač leh, ‘Knap mñai yơh kơ kâo! kyuadah Yêhôwa thiăm leh klei ênguôt kơ klei ruă kâo; kâo êmăn hŏng klei krao ênguôt, leh anăn amâo mâo klei mdei ôh.’ ”

Y-Yêrêmi 8:18

Klei kâo ênguôt amâo dưi hlao ôh, tiê boh kâo djiê hwăt hlăm lam kâo.

Y-Haƀakuk 3:2

Ơ Yêhôwa, kâo hmư̆ leh klei arăng yăl dliê kơ Ih, leh anăn kâo huĭ kơ bruă Ih, Ơ Yêhôwa. Hlăm ênuk anei lŏ bi mrâo bĕ bruă Ih, leh anăn ênuk anei brei arăng ƀuh klei anăn; hlăm klei Ih ngêñ brei Ih hdơr kơ klei pap.

Bruă Phung Khua Ƀĭng Kna 9:37

Hlăk anăn gơ̆ ruă leh anăn djiê. Arăng rao asei mlei gơ̆ leh anăn mđih gơ̆ hlăm adŭ tal dlông.

I Kôrantô 10:13

Amâo mâo ôh sa mta klei mplư truh kơ diih mdê hŏng klei truh kơ phung mkăn. Aê Diê jing sĭt suôr, leh anăn Ñu amâo brei ôh klei mplư truh kơ diih êgao hĭn kơ ai ktang diih, ƀiădah mbĭt hŏng klei mplư anăn Ñu srăng mkra mơh êlan diih dưi tlaih, čiăng kơ diih dưi gĭr tŭ klei anăn.

II Kôrantô 2:7

Snăn jing djŏ diih pap brei leh anăn bi juh ñu, huĭdah ñu srăng ênguôt đei tơl amâo dưi tŭ ôh.

Philip 2:26

Kyuadah ñu hnĭng kơ jih jang diih, leh anăn ñu mâo klei rŭng răng kyua diih hmư̆ leh klei ñu ruă.

Philip 2:28

Kyuanăn kâo čiăng hĭn tiŏ nao ñu, čiăng kơ diih mâo klei mơak lŏ ƀuh ñu, leh anăn čiăng kơ kâo amâo lŏ mâo klei ênguôt đei ôh.

Philip 2:30

kyua bruă Krist ñu păt čiăng djiê. Ñu săn asei mlei čiăng bi leh bruă diih đru kâo.