Philip 2:26 - Klei Aê Diê Blŭ 2015

²⁶ Kyuadah ñu hnĭng kơ jih jang diih, leh anăn ñu mâo klei rŭng răng kyua diih hmư̆ leh klei ñu ruă.

Philip 2:26 Iomraidhean Croise

II Y-Samuel 13:39

Mtao Đawit hnĭng čiăng nao bi tuôm hŏng Y-Apsalôm; kyuadah ñu mâo klei bi juh leh kơ Y-Amnôn kyuadah gơ̆ djiê leh.

II Y-Samuel 24:17

Leh anăn Y-Đawit blŭ kơ Yêhôwa tơdah ñu ƀuh dĭng buăl jăk pô dôk ngă kơ phung ƀuôn sang, leh anăn lač, “Nĕ anei, kâo ngă soh leh, leh anăn kâo ngă leh hŏng klei ƀai. Ƀiădah phung biăp anei, ya klei digơ̆ tuôm ngă lĕ? Kâo kwưh kơ Ih, brei kngan Ih ngă kơ kâo leh anăn kơ sang ama kâo.”

Y-Yôp 9:27

Tơdah kâo lač, ‘Kâo srăng lui hĕ klei kâo krao, kâo srăng bi êdah ƀô̆ mta mơak leh anăn tlao ƀuñ,’

Klei Mmuñ Hđăp 69:20

Klei arăng dlao wač bi mčah leh ai tiê kâo; snăn kâo êdu ai. Kâo duah klei pap, ƀiădah amâo mâo ôh; kâo duah phung bi juh, ƀiădah kâo amâo ƀuh sa čô ôh.

Klei Bi Hriêng 12:25

Klei ênguôt ai tiê mnuih bi ktrŏ gơ̆, ƀiădah klei blŭ jăk bi mơak kơ gơ̆.

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Mathiơ 11:28

Hriê bĕ kơ Kâo, Ơ jih jang mnuih êmăn leh anăn gui ktrŏ, leh anăn Kâo srăng brei diih mdei.

Y-Mathiơ 26:37

Ñu jak ba mbĭt hŏng Ñu Y-Pêtrôs leh anăn dua čô anak êkei Y-Sêbêdê. Ñu dơ̆ng ênguôt leh anăn rŭng răng.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

Hră Y-Pôl Mơĭt kơ Phung Rôm 1:11

Kyuadah kâo čiăng snăk nao čhưn kơ diih, čiăng kơ kâo dưi bi mbha kơ diih klei brei mơ̆ng Yang Mngăt Jăk, čiăng bi kjăp diih;

Hră Y-Pôl Mơĭt kơ Phung Rôm 12:15

Hơ̆k mơak bĕ hŏng phung mâo klei mơak, hia mbĭt hŏng phung hia.

Hră Y-Pôl Mơĭt kơ Phung Rôm 9:2

kơ ai tiê kâo ênguôt êdimi leh anăn rŭng răng nanao.

I Kôrantô 12:26

Tơdah sa kdrêč mâo klei knap mñai, jih jang kdrêč mâo klei knap mbĭt; tơdah sa kdrêč mâo klei mpŭ, jih jang kdrêč hơ̆k mơak mbĭt.

II Kôrantô 9:14

diñu khăp hơiêng leh anăn wah lač kơ diih, kyuadah klei Aê Diê pap êbeh dlai dôk hlăm diih.

Galati 6:2

Đru bi gui klei ktrŏ hdơ̆ng diih, snăn bi sĭt klei bhiăn Krist.

Êphêsô 3:13

Snăn kâo kwưh kơ diih, đăm êdu ai ôh kyua klei knap kâo tŭ kyua diih. Klei anăn jing klei guh kơang kơ diih.

Philip 1:3

Kâo bi mni kơ Aê Diê kâo grăp blư̆ kâo hdơr kơ diih,

Philip 1:8

Kyuadah Aê Diê jing Pô hưn bi sĭt kơ kâo hlăm klei kâo khăp hơiêng kơ jih jang diih hŏng klei khăp mơ̆ng Krist Yêsu.

Philip 2:25

Kâo mĭn yuôm tiŏ wĭt Y-Êpaphôdit kơ diih, adei kâo, pô mă bruă leh anăn bi blah mbĭt hŏng kâo, pô diih tiŏ hriê leh đru mă bruă kơ kâo.

Philip 2:27

Sĭt nik ñu ruă leh, păt čiăng djiê. Ƀiădah Aê Diê pap kơ ñu, leh anăn amâo djŏ knŏng kơ ñu ôh ƀiădah wăt kơ kâo msĕ mơh, huĭdah lŏ thiăm klei ênguôt kơ klei ênguôt kâo mâo leh.

Philip 4:1

Kyuanăn Ơ phung ayŏng adei, phung kâo khăp leh anăn hnĭng, phung jing klei hơ̆k mơak leh anăn đuôn mtao kơ kâo, dôk kjăp bĕ hlăm Khua Yang, Ơ phung kâo khăp.

I Y-Pêtrôs 1:6

Hlăm klei anăn diih hơ̆k mơak, wăt tơdah ară anei năng ai diih srăng tŭ bhiâo klei lông dlăng lu mta dưn,