Philip 2:25 - Klei Aê Diê Blŭ 2015

²⁵ Kâo mĭn yuôm tiŏ wĭt Y-Êpaphôdit kơ diih, adei kâo, pô mă bruă leh anăn bi blah mbĭt hŏng kâo, pô diih tiŏ hriê leh đru mă bruă kơ kâo.

Philip 2:25 Iomraidhean Croise

Klei Bi Hriêng 25:13

Pô arăng tiŏ nao sĭt suôr hŏng pô tiŏ nao ñu, jing msĕ si klei êđăp mơ̆ng pliêr hlăm hruê yan puôt, kyuadah ñu bi mơak mngăt khua ñu.

Y-Yôhan 13:16

Kâo lač kơ diih klei sĭt nik, sa čô dĭng buăl amâo jing prŏng hĭn kơ khua ñu ôh; leh anăn pô arăng tiŏ nao amâo jing prŏng hĭn kơ pô tiŏ nao ñu ôh.

Y-Yôhan 17:18

Msĕ si Ih tiŏ hriê leh Kâo hlăm lăn ala, msĕ snăn mơh Kâo tiŏ nao leh diñu hlăm lăn ala.

Hră Y-Pôl Mơĭt kơ Phung Rôm 16:3

Kâo kkuh čhưn hŏng H'Prisil leh anăn Y-Akilas, phung găp mă bruă mbĭt hŏng kâo hlăm Krist Yêsu.

Hră Y-Pôl Mơĭt kơ Phung Rôm 16:9

Kâo kkuh čhưn hŏng Y-Urban, pô mă bruă mbĭt hŏng kâo hlăm Krist, leh anăn Y-Stakis, pô kâo khăp.

I Kôrantô 3:9

Kyuadah hmei jing phung mă bruă mbĭt kơ Aê Diê. Diih jing hma Aê Diê; diih jing sang Aê Diê.

II Kôrantô 2:13

ƀiădah ai mĭn kâo amâo dưi dôk mdei ôh, kyuadah kâo amâo ƀuh ôh adei kâo Y-Tit tinăn. Snăn kâo kkuh kơ diñu leh anăn đuĕ nao kơ čar Masêdôn.

Philip 2:26

Kyuadah ñu hnĭng kơ jih jang diih, leh anăn ñu mâo klei rŭng răng kyua diih hmư̆ leh klei ñu ruă.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.

Philip 4:3

Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.

Kôlôs 1:7

tui si diih hriăm leh mơ̆ng Y-Êpapras, pô hmei khăp mă bruă mbĭt hŏng hmei. Ñu jing dĭng buăl sĭt suôr kơ Krist bi ala hmei,

Kôlôs 4:11

wăt Y-Yêsu arăng lŏ bi anăn Y-Yustus mơĭt klei čhưn kơ diih. Hlăm phung khăt klĭt knŏng diñu mă bruă mbĭt hŏng kâo kơ ƀuôn ala mtao Aê Diê, leh anăn diñu jing phung bi juh kâo.

I Têsalônik 3:2

leh anăn hmei tiŏ nao Y-Timôthê adei hmei, pô mă bruă mbĭt hŏng hmei kơ Aê Diê hlăm klei mrâo mrang jăk Krist, čiăng bi kjăp leh anăn mđĭ ai diih hlăm klei diih đăo,

Y-Philêmôn 1:24

leh anăn Y-Markôs, Y-Aristark, Y-Dêmas, leh anăn Y-Luk, phung mă bruă mbĭt hŏng kâo, mơĭt klei čhưn msĕ mơh.

Hêbrơ 3:1

Snăn Ơ phung ayŏng adei doh jăk, phung mâo leh klei iêô kơ adiê, brei diih mĭn kơ Yêsu, Pô jing khua ƀĭng kna leh anăn khua ngă yang prŏng kơ klei đăo drei hưn.