Philip 2:19 - Klei Aê Diê Blŭ 2015

¹⁹ Tơdah Khua Yang Yêsu čiăng kâo čang hmăng amâo sui ôh srăng tiŏ nao Y-Timôthê kơ diih, čiăng kơ kâo dưi mâo klei bi mđĭ ai êjai hmư̆ klei mrâo mrang mơ̆ng diih.

Philip 2:19 Iomraidhean Croise

Y-Yêrêmi 17:5

Snei Yêhôwa lač: “Tăm pah hĕ pô knang kơ mnuih, leh anăn knang kơ klei ktang mơ̆ng kđeh, ai tiê ñu klah đuĕ leh mơ̆ng Yêhôwa.

Y-Mathiơ 12:21

Leh anăn jih jang phung tue srăng čang hmăng hlăm anăn Ñu.”

Bruă Phung Khua Ƀĭng Kna 16:1

Y-Pôl nao truh ti ƀuôn Derbơ leh anăn ti ƀuôn Listrơ. Tinăn mâo sa čô ƀĭng kna bi anăn Y-Timôthê, anak êkei sa čô mniê Yuđa đăo, ƀiădah ama gơ̆ jing sa čô Grĕk.

Hră Y-Pôl Mơĭt kơ Phung Rôm 15:12

leh anăn Y-Êsai lŏ lač, “Kƀiêng Y-Yêsê srăng kbiă hriê, jing Pô srăng đĭ kiă kriê phung tue; hlăm Ñu phung tue srăng mâo klei čang hmăng.”

Hră Y-Pôl Mơĭt kơ Phung Rôm 16:21

Y-Timôthê, pô mă bruă mbĭt hŏng kâo, kkuh čhưn hŏng diih. Y-Lusius, Y-Jasôn, leh anăn Y-Sôsipater, phung găp djuê kâo, kkuh čhưn hŏng diih msĕ mơh.

I Kôrantô 4:17

Kyuanăn kâo tiŏ nao Y-Timôthê kơ diih. Ñu jing anak kâo khăp leh anăn sĭt suôr hlăm Khua Yang. Kâo čiăng kơ ñu bi hdơr kơ diih si klei kâo dôk dơ̆ng ƀơ̆ng huă hlăm Krist, tui si kâo bi hriăm klei anăn tar ƀar hlăm grăp Phung Sang Aê Diê.

Êphêsô 1:13

Hlăm Krist diih msĕ mơh, tơdah hmư̆ leh klei blŭ klei sĭt nik, jing klei mrâo mrang jăk kơ klei bi mtlaih diih, đăo leh kơ Ñu, leh anăn Aê Diê kđăm leh diih hŏng Yang Mngăt Jăk Ñu ƀuăn leh.

Philip 1:1

Y-Pôl leh anăn Y-Timôthê, phung dĭng buăl Krist Yêsu, čih mơĭt kơ jih jang phung doh jăk hlăm Krist Yêsu dôk ti ƀuôn Philip mbĭt hŏng phung khua kiă kriê Phung Sang Aê Diê leh anăn phung khua sang yang.

Philip 2:18

Msĕ mơh brei diih hơ̆k leh anăn mơak mbĭt hŏng kâo.

Philip 2:28

Kyuanăn kâo čiăng hĭn tiŏ nao ñu, čiăng kơ diih mâo klei mơak lŏ ƀuh ñu, leh anăn čiăng kơ kâo amâo lŏ mâo klei ênguôt đei ôh.

I Têsalônik 3:2

leh anăn hmei tiŏ nao Y-Timôthê adei hmei, pô mă bruă mbĭt hŏng hmei kơ Aê Diê hlăm klei mrâo mrang jăk Krist, čiăng bi kjăp leh anăn mđĭ ai diih hlăm klei diih đăo,

I Têsalônik 3:5

Kyuanăn, tơdah kâo amâo dưi lŏ gĭr sui ôh, kâo tiŏ nao Y-Timôthê čiăng bi thâo si klei đăo diih, huĭdah pô mplư mplư diih leh, leh anăn bruă hmei ngă leh srăng jing hơăi mang.

II Têsalônik 1:3

Ơ phung ayŏng adei, jing klei djŏ yơh hmei čiăng bi mni kơ Aê Diê nanao kyua diih, kyuadah klei diih đăo hriê kơ prŏng nanao, leh anăn klei grăp čô diih bi khăp hdơ̆ng diih pô hriê kơ prŏng hĭn.

II Y-Timôthê 1:12

Kyua klei anăn yơh kâo tŭ klei knap anei; ƀiădah kâo amâo hêñ ôh, kyuadah kâo thâo kral hlei pô kâo đăo leh, leh anăn kâo thâo sĭt kơ Ñu mâo klei myang dưi kiă kriê tơl truh hruê anăn klei Ñu jao leh kơ kâo.

Y-Yakơ 4:15

Djŏ hĭn diih lač, “Tơdah Khua Yang čiăng, hmei srăng dôk hdĭp leh anăn hmei srăng ngă snei snăn.”

I Y-Pêtrôs 1:21

Hlăm Krist anăn diih mâo leh klei knang kơ Aê Diê, Pô bi kbiă lŏ hdĭp Ñu mơ̆ng phung djiê leh anăn brei kơ Ñu klei guh kơang, čiăng kơ diih đăo leh anăn čang hmăng kơ Aê Diê.