Philip 2:17 - Klei Aê Diê Blŭ 2015

¹⁷ Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Philip 2:17 Iomraidhean Croise

Klei Yap 28:6

Anăn jing mnơ̆ng myơr čuh ngă nanao, arăng mtă leh ti čư̆ Sinai jing mnâo ƀâo mngưi, mnơ̆ng myơr brei pui ƀơ̆ng kơ Yêhôwa.

Klei Yap 28:7

Mnơ̆ng myơr mnăm mbĭt srăng jing sa kdrêč hlăm pă hin kơ grăp êđai biăp; hlăm anôk doh jăk brei ih tuh mnơ̆ng myơr mnăm êa kpiê kơ Yêhôwa.

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 15:16

čiăng mjing kâo dĭng buăl Krist Yêsu kơ phung tue, jing khua ngă yang hlăm bruă hưn klei mrâo mrang jăk Aê Diê, čiăng kơ phung tue jing sa mnơ̆ng myơr Aê Diê tŭ, leh Yang Mngăt Jăk bi doh jăk diñu.

II Kôrantô 12:15

Kâo mơak snăk bi liê ya mnơ̆ng kâo mâo, wăt klei hdĭp kâo pô kyua diih. Tơdah kâo khăp kơ diih lu hĭn, diih srăng khăp kơ kâo ƀiă hĭn mơ̆?

II Kôrantô 4:12

Snăn klei djiê dôk mă bruă hlăm hmei, ƀiădah klei hdĭp dôk mă bruă hlăm diih.

II Kôrantô 6:10

msĕ si ênguôt, ƀiădah hmei hơ̆k mơak nanao, msĕ si ƀun ƀin, ƀiădah hmei bi mdrŏng lu mnuih, msĕ si amâo mâo mnơ̆ng ôh, ƀiădah hmei mâo djăp mta mnơ̆ng.

II Kôrantô 7:4

Kâo mâo klei knang snăk kơ diih; kâo bi mni kơ kâo pô lu snăk kyua diih; kâo bŏ hŏng klei bi juh. Kâo bŏ hŏng klei hơ̆k mơak ti krah klei knap mñai hmei.

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Philip 2:18

Msĕ mơh brei diih hơ̆k leh anăn mơak mbĭt hŏng kâo.

Philip 2:30

kyua bruă Krist ñu păt čiăng djiê. Ñu săn asei mlei čiăng bi leh bruă diih đru kâo.

Philip 4:18

Kâo mă tŭ ênŭm leh, wăt êbeh hĭn mơh; kâo mâo lu leh, kyuadah kâo mă tŭ leh mơ̆ng Y-Êpaphôdit mnơ̆ng diih mơĭt kơ kâo, jing sa mnơ̆ng myơr ƀâo mngưi, mnơ̆ng ngă yang Aê Diê tŭ leh anăn bi mơak kơ Ñu.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

I Têsalônik 2:8

Snăn hŏng klei hmei khăp snăk kơ diih, hmei čiăng bi mbha kơ diih, amâo djŏ knŏng klei mrâo mrang jăk Aê Diê ôh, ƀiădah wăt klei hdĭp hmei pô mơh, kyuadah diih jing leh yuôm snăk kơ hmei.

II Y-Timôthê 4:6

Kyuadah kâo dơ̆ng giăm jing mnơ̆ng arăng ngă yang tuh; giăm truh leh hruê kâo djiê.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

I Y-Yôhan 3:16

Hŏng klei anei drei thâo kral klei khăp: Ñu săn asei mlei leh kyua drei; leh anăn jing djŏ kơ drei msĕ mơh săn asei mlei kyua phung ayŏng adei.