Philip 2:15 - Klei Aê Diê Blŭ 2015

¹⁵ čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

Philip 2:15 Iomraidhean Croise

Klei Mmuñ Hđăp 122:5

Tinăn arăng mdơ̆ng leh jhưng mtao klei phat kđi, jing jhưng mtao sang Y-Đawit.

Klei Kbiă 34:35

Phung ƀuôn sang Israel ƀuh ƀô̆ mta Y-Môis, leh anăn klĭt ƀô̆ mta gơ̆ guh mngač, snăn Y-Môis lŏ guôm čhiăm ti ƀô̆ mta gơ̆ tơl gơ̆ mŭt čiăng blŭ hŏng Yêhôwa.

Klei Bi Hriêng 4:18

Ƀiădah êlan phung kpă ênô jing msĕ si klei mngač ang dar, klei mngač ñu jing ktang hĭn ƀrư̆ ƀrư̆ tơl truh yang hruê dơ̆ng.

Klei Bi Hriêng 8:8

Jih jang klei blŭ mơ̆ng ƀăng êgei kâo jing kpă ênô, amâo mâo klei wê amâodah čhuai ôh.

Y-Êsai 60:1

“Kgŭ bĕ, mtrang bĕ, kyuadah klei mngač ih truh leh, leh anăn klei guh kơang Yêhôwa mtrang leh ti dlông ih.

Y-Đaniel 6:4

Snăn phung khua prŏng leh anăn phung khua krĭng duah klei hŏng Y-Đaniel hlăm bruă kiă kriê ƀuôn ala mtao; ƀiădah diñu amâo dưi mâo klei kčŭt amâodah ƀuh klei wê hlăm ñu ôh, kyuadah ñu jing sĭt suôr.

Y-Mathiơ 10:16

“Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.

Y-Mathiơ 17:17

Yêsu lŏ wĭt lač, “Ơ găp djuê amâo mâo klei đăo leh anăn soh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih? Atăt ba bĕ gơ̆ kơ Kâo tinei.”

Y-Mathiơ 5:45

čiăng kơ diih dưi jing phung anak Ama diih hlăm adiê; kyuadah Ñu brei yang hruê ƀlĕ kơ phung ƀai wăt kơ phung jăk, leh anăn Ñu brei adiê hjan kơ phung kpă wăt kơ phung wê.

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Y-Luk 6:35

Ƀiădah khăp bĕ kơ phung roh diih. Ngă jăk leh anăn brei arăng čan, amâo lŏ čang hmăng kơ klei bi wĭt ôh. Snăn klei mưn diih srăng jing prŏng, leh anăn diih srăng jing phung anak Pô Ti Dlông Hĭn; kyuadah Ñu jing jăk kơ phung amâo thâo hdơr knga leh anăn kơ phung ƀai.

Y-Yôhan 5:35

Y-Yôhan jing pui kđen dôk trơ̆ng leh anăn mtrang mngač, leh anăn diih čiăng dôk mơak bhiâo hlăm klei mngač gơ̆.

Bruă Phung Khua Ƀĭng Kna 2:40

Leh anăn hŏng lu klei blŭ mkăn Y-Pêtrôs mtrŭt diñu, lač, “Đuĕ bĕ mơ̆ng găp djuê soh jhat anei čiăng mâo klei bi mtlaih.”

Bruă Phung Khua Ƀĭng Kna 20:30

Leh anăn mơ̆ng krah phung diih pô srăng mâo mnuih mtô klei luar, čiăng mplư phung ƀĭng kna tui hlue diñu.

Hră Y-Pôl Mơĭt kơ Phung Rôm 16:19

Kyuadah êjai jih jang mnuih thâo leh kơ klei diih gưt asăp, tơl kâo mơak kyua diih, kâo čiăng kơ diih thâo mĭn hlăm klei jing jăk, leh anăn êngeh hlăm klei jhat.

I Kôrantô 1:8

Ñu srăng bi kjăp diih tơl knhal tuč, amâo mâo klei dưi ƀuah ôh ti Hruê Khua Yang drei, Yêsu Krist.

II Kôrantô 6:17

Kyuanăn kbiă bĕ diih mơ̆ng krah diñu, leh anăn bi ktlah bĕ mơ̆ng diñu, Khua Yang lač, leh anăn đăm ruêh ôh mnơ̆ng čhŏ, snăn Kâo srăng jum diih;

Êphêsô 5:27

čiăng bi êdah ti anăp Ñu Phung Sang Aê Diê anei bŏ hŏng klei guh kơang, amâo mâo anôk čhŏ, amâo mâo anôk kčŭng, amâo mâo mnơ̆ng msĕ snăn ôh, čiăng kơ gơ̆ dưi jing doh jăk amâo mâo anôk jhat ôh.

Klei Mtô Mñă Klei Bhiăn 32:5

Diñu ngă hŏng Gơ̆ klei soh jhat êdi, diñu amâo lŏ jing phung anak Gơ̆ ôh kyua klei hêñ diñu; diñu jing phung găp djuê soh leh anăn wê.

Philip 1:10

čiăng kơ diih thâo sĭt ya jing jăk hĭn, tơl dưi jing êngeh leh anăn amâo mâo klei ƀuah ôh ti Hruê Krist,

Philip 3:6

bi kơ klei hur har, kâo ngă jhat kơ Phung Sang Aê Diê; bi kơ klei kpă ênô tui si klei bhiăn, kâo amâo mâo klei arăng dưi ƀuah ôh.

I Têsalônik 5:23

Akâo kơ Aê Diê pô jing akŏ kơ klei êđăp ênang bi doh jăk diih kluôm ênŭm; leh anăn akâo kơ Ñu mgang pioh mngăt, ai mĭn, leh anăn asei mlei diih amâo mâo klei ƀuah ôh ti hruê Khua Yang drei Yêsu Krist srăng lŏ hriê.

I Y-Timôthê 3:10

Msĕ mơh brei arăng lông dlăng diñu êlâo; tơdah diñu bi êdah diñu pô amâo mâo klei arăng dưi ƀuah ôh, brei diñu djă bruă khua sang yang.

I Y-Timôthê 3:2

Brei khua pô mtô jing sa čô amâo mâo klei arăng dưi ƀuah ôh, dôk knŏng sa čô mô̆, thâo dôk djŏ hnơ̆ng, thâo piăt, mâo klei arăng mpŭ, thâo jum mnuih, thâo mtô,

I Y-Timôthê 5:14

Snăn kâo čiăng kơ phung mniê djiê ung hlăk ai lŏ dôk ung, mâo anak, thâo kiă kriê sang diñu pô, leh anăn amâo brei ôh kơ pô roh klei dưi blŭ jhat kơ drei.

I Y-Timôthê 5:20

Bi kơ phung khăng ngă soh, brei ih ƀuah diñu ti anăp jih jang, čiăng kơ phung mkăn mâo klei huĭ.

I Y-Timôthê 5:7

Mtă bĕ jih klei anăn, čiăng kơ diñu amâo mâo klei arăng dưi ƀuah ôh.

Y-Tit 1:6

Brei ih mdưm sa čô êkei mduôn amâo mâo klei arăng dưi ƀuah ôh, dôk knŏng sa čô mô̆, mâo phung anak đăo leh arăng amâo dưi kčŭt kơ klei êgao hnơ̆ng amâodah kơ klei amâo gưt asăp ôh.

Y-Tit 2:10

amâo tlĕ ôh, ƀiădah mă bruă hŏng klei sĭt suôr klă, čiăng kơ hlăm djăp mta klei, diñu dưi bi guh kơang mta klei đăo kơ Aê Diê, Pô Bi Mtlaih drei.

Y-Tit 2:15

Mtô bĕ klei anăn; mđĭ ai leh anăn ƀuah hŏng jih klei kơhưm. Đăm brei ôh arăng bi êmut kơ ih.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

II Y-Pêtrôs 3:14

Snăn, Ơ phung kâo khăp, kyuadah diih dôk guôn klei anăn, brei diih hur har čiăng kơ Ñu ƀuh diih dôk êđăp ênang, amâo mâo klei čhŏ amâodah klei dưi ƀuah diih ôh.

Klei Bi Êdah 2:5

Snăn hdơr bĕ mơ̆ng anôk ih lĕ buh leh, kmhal bĕ, leh anăn lŏ ngă bruă ih ngă tal êlâo. Tơdah ih amâo ngă snăn ôh, Kâo srăng hriê kơ ih leh anăn tơdah ih amâo kmhal ôh Kâo srăng mă hĕ jơ̆ng diăn ih mơ̆ng anôk gơ̆.

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.