Philip 2:14 - Klei Aê Diê Blŭ 2015

¹⁴ Ngă bĕ jih jang bruă amâo blŭ dŭñ dŭñ amâodah kĭ kơ̆ ôh,

Philip 2:14 Iomraidhean Croise

Klei Mmuñ Hđăp 106:25

Diñu blŭ dŭñ dŭñ hlăm sang čhiăm diñu, leh anăn amâo gưt asăp Yêhôwa ôh.

Klei Bi Hriêng 13:10

Klei mgao knŏng bi truh klei bi mneh msao, ƀiădah klei thâo mĭn dôk mbĭt hŏng phung dôk hmư̆ klei kčĕ.

Klei Yap 14:27

“Dŭm boh sui phung bi kƀĭn jhŏng ƀai anei srăng blŭ dŭñ dŭñ bi kdơ̆ng hŏng Kâo? Kâo hmư̆ leh klei phung ƀuôn sang Israel blŭ dŭñ dŭñ, klei diñu blŭ dŭñ dŭñ bi kdơ̆ng hŏng Kâo.

Y-Mathiơ 20:11

Leh digơ̆ mă sa đơniê anăn digơ̆ blŭ dŭñ dŭñ kơ khua sang,

Y-Markôs 14:5

Arăng dưi čhĭ êa ƀâo mngưi anei êbeh kơ tlâo êtuh đơniê leh anăn bi mbha kơ phung ƀun ƀin.” Leh anăn diñu ƀuah mniê anăn.

Y-Markôs 9:14

Tơdah digơ̆ truh kơ phung ƀĭng kna, digơ̆ ƀuh sa phung lu snăk dôk jŭm diñu, leh anăn mâo phung khua čih hră bi tăng hŏng diñu.

Y-Luk 5:30

Phung Pharisi leh anăn phung khua čih hră blŭ dŭñ dŭñ hŏng phung ƀĭng kna Yêsu, lač, “Si ngă diih dôk huă ƀơ̆ng leh anăn mnăm mbĭt hŏng phung rĭng jia leh anăn phung soh?”

Bruă Phung Khua Ƀĭng Kna 15:2

Leh Y-Pôl leh anăn Y-Barnabas mâo klei bi tăng leh anăn klei bi mgăl ktang hŏng phung anăn, phung sang Aê Diê ruah Y-Pôl leh anăn Y-Barnabas mbĭt hŏng đa đa phung mkăn nao kơ phung khua ƀĭng kna leh anăn phung khua mduôn ti ƀuôn Yêrusalem, čiăng ksiêm êmuh kơ klei anăn.

Bruă Phung Khua Ƀĭng Kna 15:39

Diñu bi mgăl ktang snăk, tơl diñu bi ktlah. Y-Barnabas jak ba Y-Markôs mbĭt hŏng ñu leh anăn đĭ kŭmpăn nao kơ plao êa Čiprơ.

Bruă Phung Khua Ƀĭng Kna 15:7

Leh mâo klei trông čhai lu, Y-Pêtrôs kgŭ dơ̆ng leh anăn lač kơ diñu, “Ơ phung ayŏng adei, diih thâo leh hlăk êlâo Aê Diê ruah kâo mơ̆ng phung diih, čiăng kơ hŏng klei kâo mtô klei mrâo mrang jăk, phung tue dưi hmư̆ leh anăn đăo.

Bruă Phung Khua Ƀĭng Kna 6:1

Hlăk anăn tơdah phung ƀĭng kna lŏ thiăm lu hĭn êjai, phung Hêlênist blŭ dŭñ dŭñ kơ phung Hêbrơ, kyuadah diñu amâo hdơr ôh kơ phung mniê djiê ung Hêlênist tơdah diñu bi mbha mnơ̆ng grăp hruê.

Hră Y-Pôl Mơĭt kơ Phung Rôm 12:18

Tơdah dưi, gĭr bĕ, dôk êđăp ênang hŏng jih jang mnuih.

Hră Y-Pôl Mơĭt kơ Phung Rôm 14:1

Bi kơ phung awăt hlăm klei đăo, jum bĕ digơ̆, ƀiădah đăm bi tăng ôh kyua klei mĭn mdê mdê.

Hră Y-Pôl Mơĭt kơ Phung Rôm 16:17

Ơ phung ayŏng adei, kâo kwưh kơ diih, răng bĕ kơ phung ngă klei bi kah mbha leh anăn klei bi dleh, bi kdơ̆ng hŏng mta klei đăo diih hriăm leh. Ñăk bĕ bi kbưi hŏng diñu.

I Kôrantô 10:10

Đăm blŭ dŭñ dŭñ ôh msĕ si đa đa diñu, leh anăn Pô Bi Rai bi mdjiê diñu.

II Kôrantô 12:20

Kyuadah kâo huĭ kâo srăng truh leh anăn ƀuh diih amâo djŏ tui si kâo čiăng ôh, leh anăn diih srăng ƀuh kâo amâo djŏ tui si diih čiăng ôh. Năng ai srăng mâo klei bi mneh msao, klei nač, klei ăl, klei klih, klei blŭ jhat, klei mčeh, klei mgao, leh anăn klei rŭng răng.

Galati 5:15

Ƀiădah tơdah diih bi kĕ bi lun hdơ̆ng diih, răng bĕ huĭdah diih bi rai hdơ̆ng diih.

Galati 5:26

Đăm duah klei hing ang amâo sĭt bi nač hdơ̆ng găp leh anăn đăm čôñ ăl hdơ̆ng găp ôh.

Philip 2:3

Đăm ngă ôh sa mta klei hŏng klei mĭn kơ pô amâodah hŏng klei mgao, ƀiădah hŏng klei luă gŭ brei diih yap phung mkăn jing prŏng hĭn kơ diih pô.

I Têsalônik 5:13

Brei diih mâo lu klei khăp leh anăn klei mpŭ kơ diñu kyua bruă diñu mă. Brei diih dôk êđăp ênang hdơ̆ng diih.

I Têsalônik 5:15

Răng bĕ, đăm brei sa čô hlăm phung diih bi wĭt klei jhat kơ klei jhat arăng, ƀiădah tui duah nanao čiăng ngă klei jăk hdơ̆ng diih leh anăn kơ jih jang mnuih.

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.

Y-Yakơ 1:20

kyuadah klei mnuih ăl amâo dưi bi truh ôh klei kpă ênô Aê Diê.

Y-Yakơ 3:14

Ƀiădah tơdah diih mâo hlăm ai tiê diih klei nač phĭ leh anăn klei čiăng bi mđĭ pô, đăm bi mni kơ diih pô leh anăn đăm luar bi kdơ̆ng hŏng klei sĭt nik ôh.

Y-Yakơ 5:9

Ơ phung ayŏng amai adei, đăm blŭ dŭñ dŭñ hdơ̆ng diih ôh, čiăng kơ arăng amâo phat kđi kơ diih ôh. Nĕ anei, Khua phat kđi dôk dơ̆ng ti ƀăng bhă.

I Y-Pêtrôs 3:11

Brei ñu weh đuĕ mơ̆ng klei jhat leh anăn ngă klei jăk; brei ñu duah klei êđăp ênang leh anăn tui hlue klei anăn.

I Y-Pêtrôs 4:9

Bi jum bĕ hdơ̆ng diih amâo blŭ dŭñ dŭñ ôh.

Y-Yut 1:16

Diñu jing phung blŭ dŭñ dŭñ, amâo thâo dôk mơak ôh, tui hlue klei diñu pô tluh, blŭ kraih bi mni kơ diñu pô, leh anăn blŭ myâo mă mplư phung ƀuôn sang čiăng mâo mnơ̆ng diñu čiăng.