Philip 2:13 - Klei Aê Diê Blŭ 2015

¹³ Kyuadah Aê Diê dôk mă bruă hlăm diih mjing hlăm diih wăt klei čiăng leh anăn klei dưi ngă klei bi mơak kơ Ñu.

Philip 2:13 Iomraidhean Croise

I Bruă Mtao 8:58

čiăng kơ Ñu gai ai tiê drei phă Ñu, čiăng kơ drei êbat hlăm jih jang êlan Ñu, leh anăn čiăng kơ drei pioh klei Ñu mtă, klei bhiăn Ñu, leh anăn klei Ñu mtrŭn, klei anăn Ñu mtă leh kơ phung aê drei.

II Klei Yăl Dliê 30:12

Msĕ mơh kngan Aê Diê yơr kơ phung Yuđa čiăng brei kơ diñu mâo sa ai čiăng ngă klei mtao leh anăn phung khua mtă leh tui si klei Yêhôwa blŭ.

Y-Êsra 1:1

Hlăm thŭn tal sa Y-Sirus mtao Persơ čiăng bi sĭt klei Yêhôwa blŭ hŏng ƀăng êgei Y-Yêrêmi, Yêhôwa mtrŭt ai tiê Y-Sirus mtao Persơ. Snăn ñu ngă sa klei mtă tar ƀar ƀuôn ala mtao ñu, leh anăn čih klei anăn hlăm hră msĕ snei:

Y-Êsra 1:5

Hlăk anăn mâo phung khua kơ phung djuê ana phung Yuđa leh anăn phung Benjamin, phung khua ngă yang leh anăn phung Lêwi, grăp čô mâo ai tiê Aê Diê mtrŭt čiăng nao lŏ mdơ̆ng sang yang Yêhôwa hlăm ƀuôn Yêrusalem.

Y-Êsra 7:27

Mpŭ mni bĕ kơ Yêhôwa Aê Diê phung aê drei, Pô dưm leh klei mĭn snăn hlăm ai tiê mtao, čiăng bi siam sang yang Yêhôwa hlăm ƀuôn Yêrusalem,

Y-Nêhêmi 2:4

Mtao lač kơ kâo, “Ya mta klei ih čiăng lĕ?” Snăn kâo wah lač kơ Aê Diê hlăm adiê,

Y-Yôp 33:29

Nĕ anei, Aê Diê ngă jih klei anăn, lu blư̆ hŏng sa čô mnuih,

Klei Mmuñ Hđăp 110:3

Phung ƀuôn sang ih srăng myơr diñu pô kơ Ih ti hruê Ih atăt gai phung kahan Ih kơ klei bi blah. Ti dlông čư̆ doh jăk Ih, msĕ si êa nguôm ti aguah ưm phung hlăk ai Ih srăng hriê kơ Ih.

Klei Mmuñ Hđăp 119:36

Brei ai tiê kâo khăp kơ klei Ih hưn, leh anăn amâo djŏ khăp kơ mdrŏng sah ôh.

Klei Mmuñ Hđăp 141:4

Đăm brei ai tiê kâo khăp kơ klei jhat ôh, čiăng ngă klei ƀai mbĭt hŏng phung mnuih ngă klei wê; leh anăn đăm brei kâo ƀơ̆ng ôh mnơ̆ng yuôm diñu.

Klei Bi Hriêng 21:1

Ai tiê mtao jing msĕ si sa hnoh êa hlăm kngan Yêhôwa, Yêhôwa brei gơ̆ đoh phă anôk Ñu čiăng.

Y-Êsai 26:12

Ơ Yêhôwa, Ih srăng čuăn klei êđăp ênang kơ hmei, jih bruă hmei ngă leh, Ih ngă brei leh kơ hmei.

Y-Yêrêmi 31:33

“Ƀiădah snei jing klei bi mguôp Kâo srăng ngă hŏng sang Israel leh êgao ênuk anăn,” Yêhôwa lač: “Kâo srăng dưm klei bhiăn Kâo hlăm lam diñu, leh anăn Kâo srăng čih klei bhiăn anăn ti ai tiê diñu; leh anăn Kâo srăng jing Aê Diê diñu leh anăn diñu srăng jing phung ƀuôn sang Kâo.

Y-Yêrêmi 32:38

Diñu srăng jing phung ƀuôn sang Kâo, leh anăn Kâo srăng jing Aê Diê diñu.

Y-Luk 12:32

“Đăm huĭ ôh, Ơ êpul biăp điêt, kyuadah Ama diih mơak brei kơ diih ƀuôn ala mtao Ñu.

Y-Luk 2:14

“Klei guh kơang kơ Aê Diê hlăm anôk ti dlông hĭn, leh anăn klei êđăp ênang ti lăn ala kơ phung mnuih bi mơak kơ Ñu.”

Y-Yôhan 3:27

Y-Yôhan lŏ wĭt lač, “Amâo mâo pô dưi mă tŭ sa mnơ̆ng ôh knŏng tơdah Aê Diê brei kơ ñu.

Y-Yôhan 6:45

Mâo klei čih leh hlăm hdruôm hră phung khua pô hưn êlâo, ‘Leh anăn Aê Diê srăng bi hriăm jih jang diñu.’ Grăp čô hlei pô hmư̆ leh anăn hriăm leh mơ̆ng Ama, hriê kơ Kâo.

Y-Yôhan 6:65

Leh anăn Ñu lač, “Kyuanăn Kâo lač leh kơ diih, amâo mâo mnuih dưi hriê kơ Kâo ôh knŏng tơdah Ama brei klei dưi kơ gơ̆.”

Bruă Phung Khua Ƀĭng Kna 11:21

Kngan Khua Yang dôk mbĭt hŏng diñu, leh anăn mâo lu mnuih đăo kơ Khua Yang.

Hră Y-Pôl Mơĭt kơ Phung Rôm 12:3

Kyuadah hŏng klei pap Aê Diê brei leh kơ kâo, kâo mtrŭt grăp čô hlăm phung diih đăm mĭn kơ ñu pô êgao hnơ̆ng djŏ kơ ñu ôh, ƀiădah brei grăp čô mĭn bi djŏ tui si hnơ̆ng klei đăo Aê Diê brei leh kơ ñu.

Hră Y-Pôl Mơĭt kơ Phung Rôm 9:11

wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

Hră Y-Pôl Mơĭt kơ Phung Rôm 9:16

Snăn klei anăn amâo knang kơ klei mnuih čiăng amâodah ngă ôh, ƀiădah knang kơ klei Aê Diê pap.

I Kôrantô 12:6

mâo lu bruă ngă mdê mdê, ƀiădah mâo knŏng sa Aê Diê brei klei dưi ngă jih hlăm jih jang.

I Kôrantô 15:10

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

II Kôrantô 3:5

Amâo djŏ ôh hmei pô jing năng dưi lač sa klei dưi ngă kbiă hriê mơ̆ng hmei pô; ƀiădah klei hmei dưi ngă kbiă hriê mơ̆ng Aê Diê.

Êphêsô 1:11

Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Êphêsô 1:5

Kyua klei Ñu khăp, Ñu čuăn leh kơ drei mơ̆ng êlâo, brei jing phung anak Ñu hlăm Yêsu Krist, tui si klei mơak leh anăn čiăng jăk,

Êphêsô 1:9

Aê Diê brei drei thâo leh klei yuôm hgăm hlăm klei Ñu čiăng, tui si klei Ñu mơak čuăn leh êlâo hlăm Krist,

Êphêsô 2:8

Kyuadah hŏng klei pap yơh diih tlaih leh kyua klei đăo. Klei bi mtlaih anăn amâo kbiă hriê mơ̆ng diih pô ôh, ƀiădah jing klei Aê Diê brei —

II Têsalônik 1:11

Kơ klei anăn hmei wah lač nanao kyua diih, čiăng kơ Aê Diê srăng mjing diih năng kơ klei Ñu iêô leh anăn dưi bi sĭt jih klei čiăng jăk leh anăn bruă klei đăo hŏng klei myang Ñu,

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.

Hêbrơ 13:21

brei kơ diih klei dưi ngă djăp mta bruă jăk, čiăng kơ diih dưi ngă klei Ñu čiăng, êjai Ñu mă bruă hlăm diih klei bi mơak kơ Ñu hlăm Yêsu Krist. Kơ Ñu yơh brei mâo klei guh kơang hlăm jih jang ênuk. Amen.

I Y-Pêtrôs 1:3

Mpŭ mni kơ Aê Diê, Ama Khua Yang drei Yêsu Krist! Hŏng klei Ñu pap prŏng snăk Ñu bi kkiêng drei mrâo leh, brei drei mâo klei čang hmăng hdĭp kyua klei Yêsu Krist kbiă lŏ hdĭp mơ̆ng phung djiê.