Philip 2:12 - Klei Aê Diê Blŭ 2015

¹² Snăn Ơ phung ayŏng adei kâo khăp, msĕ si diih gưt leh nanao, amâo djŏ knŏng ti anăp kâo ôh, ƀiădah gưt lu hĭn ară anei êjai kâo êkŭt, mă bruă bĕ kyua klei bi mtlaih diih hŏng klei huĭ leh anăn klei ktư̆ yơ̆ng.

Philip 2:12 Iomraidhean Croise

Y-Êsra 10:3

Snăn brei drei ngă sa klei bi mguôp hŏng Aê Diê drei čiăng lui leh anăn suôt hĕ jih phung mô̆ anei leh anăn phung anak diñu, tui si klei khua kâo kčĕ leh anăn tui si phung mkăn kčĕ, phung huĭ mpŭ kơ klei Aê Diê drei mtă, leh anăn brei ngă klei anăn djŏ hŏng klei bhiăn Aê Diê.

Klei Mmuñ Hđăp 119:120

Kđeh kâo ktư̆ yơ̆ng kyua huĭ kơ Ih; leh anăn kâo huĭ kơ klei Ih phat kđi.

Klei Mmuñ Hđăp 2:11

Mă bruă kơ Yêhôwa hŏng klei huĭ mpŭ leh anăn mơak bĕ diih hŏng klei ktư̆ yơ̆ng.

Klei Bi Hriêng 10:16

Ênoh mưn kơ mnuih kpă ênô atăt kơ klei hdĭp, boh mnga mnuih jhat mâo atăt kơ klei bi kmhal.

Klei Bi Hriêng 13:4

Mnuih alah mâo klei tluh ƀiădah amâo mâo mnơ̆ng ôh, ƀiădah phung mnuih kriăng mâo djăp mta mnơ̆ng.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Êsai 66:5

Hmư̆ bĕ klei Yêhôwa blŭ, Ơ diih phung ktư̆ yơ̆ng kơ klei Ñu blŭ: “Phung ayŏng adei diih bi êmut kơ diih leh anăn suôt diih kyua anăn Kâo, diñu lač leh, ‘Brei Yêhôwa mâo klei guh kơang, čiăng kơ hmei dưi ƀuh klei hơ̆k mơak diih.’ Ƀiădah diñu yơh arăng srăng bi hêñ.”

Y-Mathiơ 11:12

Dơ̆ng mơ̆ng ênuk Y-Yôhan Pô Ngă Ƀaptem truh ti ară anei ƀuôn ala mtao adiê tŭ leh klei jŭ jhat, leh anăn phung ƀai čiăng plah mă ƀuôn ala mtao anăn hŏng klei ktang.

Y-Mathiơ 11:29

Brei diih đua knông Kâo leh anăn hriăm mơ̆ng Kâo, kyuadah Kâo jing ênang leh anăn mâo ai tiê luă gŭ; leh anăn mngăt diih srăng mdei.

Bruă Phung Khua Ƀĭng Kna 16:29

Khua mnă akâo pui kđen leh anăn êran nao mŭt hlăm war mnă. Ñu ktư̆ asei mlei hŏng klei huĭ, leh anăn buôn ti anăp jơ̆ng Y-Pôl leh anăn Y-Silas.

Bruă Phung Khua Ƀĭng Kna 9:6

Kgŭ bĕ mŭt hlăm ƀuôn, leh anăn arăng srăng lač kơ ih ya klei ih srăng ngă.”

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

I Kôrantô 15:58

Snăn, Ơ phung ayŏng adei kâo khăp, dôk kjăp bĕ, amâo mgei ôh, leh anăn mă bruă êbeh hĭn nanao kơ Khua Yang, kyuadah diih thâo leh bruă diih mă hlăm Khua Yang amâo jing hơăi mang ôh.

I Kôrantô 2:3

Kâo dôk mbĭt hŏng diih jing awăt, bŏ hŏng klei huĭ leh anăn ktư̆ yơ̆ng.

I Kôrantô 4:14

Kâo amâo čih klei anei čiăng bi hêñ diih ôh, ƀiădah čiăng ƀuah mkra diih msĕ si phung anak kâo khăp.

II Kôrantô 7:15

Snăn ñu khăp kơ diih lu hĭn, êjai ñu hdơr kơ klei jih jang diih gưt asăp, leh anăn klei diih jum ñu hŏng klei huĭ leh anăn klei ktư̆ asei mlei.

Êphêsô 6:5

Ơ phung hlŭn, brei diih gưt kơ phung khua diih hlăm kđeh, hŏng klei huĭ leh anăn ktư̆ yơ̆ng, hŏng ai tiê ênuah, msĕ si kơ Krist mơh;

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Philip 1:29

Kyuadah Aê Diê brei leh kơ diih amâo djŏ knŏng đăo kơ Krist ôh, ƀiădah wăt tŭ klei knap mñai kyua Ñu msĕ mơh,

Philip 1:5

hdơr knga kơ klei diih đru mă bruă mbĭt hlăm klei mrâo mrang jăk mơ̆ng mphŭn truh kơ ară anei.

Philip 1:6

Kâo thâo sĭt kơ Pô dơ̆ng leh bruă jăk hlăm diih srăng bi ênŭm bruă anăn tơl truh Hruê Yêsu Krist.

Philip 2:19

Tơdah Khua Yang Yêsu čiăng kâo čang hmăng amâo sui ôh srăng tiŏ nao Y-Timôthê kơ diih, čiăng kơ kâo dưi mâo klei bi mđĭ ai êjai hmư̆ klei mrâo mrang mơ̆ng diih.

Philip 4:1

Kyuanăn Ơ phung ayŏng adei, phung kâo khăp leh anăn hnĭng, phung jing klei hơ̆k mơak leh anăn đuôn mtao kơ kâo, dôk kjăp bĕ hlăm Khua Yang, Ơ phung kâo khăp.

Philip 4:15

Ơ phung Philip, diih thâo leh hlăk kâo dơ̆ng mtô klei mrâo mrang jăk, tơdah kâo đuĕ mơ̆ng čar Masêdôn, amâo mâo Phung Sang Aê Diê mkăn ôh bi mguôp hŏng kâo hlăm klei brei leh anăn klei mă tŭ, knŏng phung diih yơh.

I Têsalônik 1:3

Hmei hdơr ti anăp Aê Diê Ama drei kơ bruă diih ngă hŏng klei đăo, kơ bruă suăi diih ngă hŏng klei khăp, leh anăn klei diih dôk kjăp hlăm klei čang hmăng hlăm Khua Yang drei Yêsu Krist.

II Y-Timôthê 2:10

Kyuanăn kâo gĭr tŭ jih kyua phung Aê Diê ruah leh, čiăng kơ diñu msĕ mơh dưi mâo klei bi mtlaih hlăm Krist Yêsu mbĭt hŏng klei guh kơang hlŏng lar.

Hêbrơ 12:1

Snăn kyuadah drei mâo lu phung hưn bi sĭt dôk jŭm drei msĕ si knam, brei drei msĕ mơh lưh hĕ jih mnơ̆ng bi ktrŏ leh anăn klei soh drei čiăng djă pioh, leh anăn brei drei êran hŏng klei gĭr hlăm klei êran arăng pŏk leh kơ drei,

Hêbrơ 4:1

Kyuanăn êjai ăt mâo klei ƀuăn dưi mŭt hlăm klei Ñu mdei, brei drei huĭ đăm brei sa čô hlăm phung diih Aê Diê ksiêm ƀuh amâo dưi mŭt ôh.

Hêbrơ 4:11

Snăn hŏng jih ai tiê brei drei hur har mŭt hlăm klei mdei anăn, čiăng đăm mâo ôh sa čô lĕ hlăm klei amâo gưt asăp msĕ si phung êlâo.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

I Y-Pêtrôs 2:11

Ơ phung kâo khăp, ti lăn ala anei diih jing msĕ si phung tue leh anăn phung dôk ti êngao čar pô, kâo kwưh kơ diih brei diih hngah hĕ kơ klei kđeh tluh dôk bi blah ngă kơ mngăt diih.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.