Philip 1:8 - Klei Aê Diê Blŭ 2015

⁸ Kyuadah Aê Diê jing Pô hưn bi sĭt kơ kâo hlăm klei kâo khăp hơiêng kơ jih jang diih hŏng klei khăp mơ̆ng Krist Yêsu.

Philip 1:8 Iomraidhean Croise

Y-Yôp 16:19

Dlăng bĕ, wăt ară anei Pô hưn bi sĭt kơ kâo dôk hlăm adiê, leh anăn Pô mgang kđi kâo dôk ti dlông.

Y-Êsai 16:11

Kyuanăn ai tiê Kâo krao msĕ si brô̆ kyua čar Môap, leh anăn kyua ƀuôn Kir-Hêres.

Y-Êsai 63:15

Kkui iêp mơ̆ng adiê leh anăn dlăng mơ̆ng anôk Ih dôk doh jăk leh anăn guh kơang. Ti klei hur har Ih leh anăn bruă myang Ih? Ih amâo lŏ bi êdah kơ hmei ôh klei Ih khăp leh anăn pap.

Y-Yêrêmi 31:20

Djŏ mơ̆ phung Êphraim jing anak êkei Kâo khăp? Djŏ mơ̆ diñu jing anak Kâo hơiêng? Kyuadah dŭm blư̆ Kâo blŭ bi kdơ̆ng hŏng ñu, Kâo ăt hdơr kơ ñu mơh. Kyuanăn ai tiê Kâo hnĭng, sĭt nik Kâo srăng pap kơ ñu,” Yêhôwa lač.

Y-Luk 1:78

kyua klei pap êdu êun Aê Diê drei, hŏng klei Yang Hruê srăng ƀlĕ truh kơ drei mơ̆ng adiê ti dlông,

Hră Y-Pôl Mơĭt kơ Phung Rôm 1:9

Kyuadah Aê Diê, kơ Ñu kâo mă bruă hŏng mngăt kâo hlăm klei mrâo mrang jăk Anak Ñu, jing Pô hưn bi sĭt kơ kâo hdơr kơ diih nanao grăp blư̆ kâo wah lač.

Hră Y-Pôl Mơĭt kơ Phung Rôm 9:1

Kâo blŭ klei sĭt nik hlăm Krist, kâo amâo luar ôh; hŏng Yang Mngăt Jăk ai tiê kpă kâo hưn bi sĭt

II Kôrantô 13:9

Kyuadah hmei mơak tơdah hmei jing awăt leh anăn diih jing ktang. Klei hmei wah lač čiăng kơ diih jing jăk klă.

II Kôrantô 6:12

Amâo djŏ hmei ôh kđăl leh ai tiê kơ diih, ƀiădah diih pô kđăl ai tiê kơ hmei.

II Kôrantô 7:15

Snăn ñu khăp kơ diih lu hĭn, êjai ñu hdơr kơ klei jih jang diih gưt asăp, leh anăn klei diih jum ñu hŏng klei huĭ leh anăn klei ktư̆ asei mlei.

Galati 1:20

Kâo hưn ti anăp Aê Diê klei kâo čih kơ diih amâo jing klei luar ôh!

Galati 3:26

Kyuadah jih jang diih jing anak Aê Diê hŏng klei đăo kơ Krist Yêsu.

Galati 4:19

Ơ phung anak điêt kâo, kyua diih kâo lŏ tŭ klei knap msĕ si klei ruă kkiêng, tơl diih mâo knuih Krist hlăm klei hdĭp diih.

Philip 2:1

Snăn tơdah mâo klei bi mđĭ ai hlăm Krist, tơdah mâo klei bi juh mơ̆ng klei Ñu khăp, tơdah mâo klei bi mguôp hlăm Mngăt Myang, tơdah mâo klei khăp leh anăn klei thâo pap,

Philip 2:26

Kyuadah ñu hnĭng kơ jih jang diih, leh anăn ñu mâo klei rŭng răng kyua diih hmư̆ leh klei ñu ruă.

Philip 4:1

Kyuanăn Ơ phung ayŏng adei, phung kâo khăp leh anăn hnĭng, phung jing klei hơ̆k mơak leh anăn đuôn mtao kơ kâo, dôk kjăp bĕ hlăm Khua Yang, Ơ phung kâo khăp.

Kôlôs 2:1

Snăn, kâo čiăng brei diih thâo si klei suăi kâo bi blah kyua diih, leh anăn kyua phung dôk ti ƀuôn Laôdisê, leh anăn kyua jih jang phung amâo tuôm ƀuh ƀô̆ mta kâo ôh,

Kôlôs 3:12

Snăn kyuadah diih jing phung Aê Diê ruah leh, jing phung doh jăk leh anăn phung Aê Diê khăp, hơô bĕ klei thâo pap, ai tiê jăk, klei luă gŭ, klei êdu êun, leh anăn klei gĭr.

I Têsalônik 2:5

Diih thâo leh hmei amâo tuôm yua ôh klei blŭ myâo mă amâodah mplư čiăng mâo dŏ dô diih. Aê Diê jing Pô hưn bi sĭt.

I Têsalônik 2:8

Snăn hŏng klei hmei khăp snăk kơ diih, hmei čiăng bi mbha kơ diih, amâo djŏ knŏng klei mrâo mrang jăk Aê Diê ôh, ƀiădah wăt klei hdĭp hmei pô mơh, kyuadah diih jing leh yuôm snăk kơ hmei.

II Y-Timôthê 1:4

Tơdah kâo hdơr kơ êa ală ih, kâo čiăng snăk lŏ ƀuh ih, čiăng kơ kâo dưi bŏ hŏng klei hơ̆k mơak.

Y-Philêmôn 1:12

Kâo tiŏ nao ñu lŏ wĭt kơ ih, jing tiŏ nao ai tiê kâo pô yơh.

Y-Philêmôn 1:20

Ơ adei, kâo čiăng mâo klei jăk jĭn mơ̆ng ih hlăm Khua Yang. Bi mđĭ bĕ ai tiê kâo hlăm Krist.

I Y-Yôhan 3:17

Tơdah arăng mâo ngăn dŏ lăn ala anei leh anăn ƀuh ayŏng adei ñu mâo klei kƀah, ƀiădah kđăl ai tiê kơ gơ̆, si klei Aê Diê khăp dưi dôk hlăm ñu lĕ?