Philip 1:7 - Klei Aê Diê Blŭ 2015

⁷ Jing djŏ kâo mâo klei mĭn snăn kơ jih jang diih, kyuadah kâo pioh diih hlăm ai tiê kâo nanao, kyuadah jih jang diih mă tŭ leh klei pap mbĭt hŏng kâo, wăt hlăm klei arăng krư̆ kâo leh anăn hlăm klei mgang leh anăn bi sĭt klei mrâo mrang jăk.

Philip 1:7 Iomraidhean Croise

Bruă Phung Khua Ƀĭng Kna 20:23

knŏng hlăm grăp boh ƀuôn Yang Mngăt Jăk hưn kơ kâo thâo klei săng đai leh anăn klei knap mñai dôk guôn kâo.

Bruă Phung Khua Ƀĭng Kna 21:33

Khua kahan prŏng nao giăm, mă Y-Pôl leh anăn mtă kơ arăng kă gơ̆ hŏng dua aruăt klei săng đai. Ñu êmuh hlei gơ̆ jing leh anăn ya klei gơ̆ ngă leh.

I Kôrantô 13:7

Klei khăp tŭ jih, đăo jih, čang hmăng jih, gĭr jih.

I Kôrantô 9:23

Kâo ngă jih jang klei anăn kyua klei mrâo mrang jăk, čiăng kơ kâo dưi mâo klei jăk jĭn mơ̆ng klei mrâo mrang jăk.

II Kôrantô 3:2

Diih pô yơh jing hră hmei, čih leh hlăm ai tiê hmei, čiăng kơ jih jang mnuih thâo leh anăn dlăng.

II Kôrantô 7:3

Kâo amâo lač klei anăn čiăng phat kđi diih ôh, kyuadah kâo lač leh êlâo hmei mâo nanao diih hlăm ai tiê hmei wăt hlăm klei djiê wăt hlăm klei hdĭp.

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Êphêsô 3:1

Kyua klei anăn, kâo gơ̆ Y-Pôl, jing sa čô mnă kơ Krist Yêsu kyua diih phung tue.

Êphêsô 4:1

Snăn kâo gơ̆, sa čô jing mnă kyua Khua Yang, kwưh kơ diih dôk dơ̆ng ƀơ̆ng huă năng hŏng klei Aê Diê iêô diih leh,

Êphêsô 6:20

Kyua bruă anăn kâo jing dĭng ktang arăng kă hŏng klei săng đai. Snăn wah lač kơ kâo čiăng kơ kâo dưi hưn klei anei hŏng klei jhŏng tui si jing djŏ kơ kâo blŭ.

Philip 1:12

Ơ phung ayŏng adei, kâo čiăng kơ diih thâo boh nik nak klei truh leh kơ kâo jing klei đru bi mđĭ bruă klei mrâo mrang jăk;

Philip 1:13

tơl jih jang kahan sang phat kđi leh anăn jih jang mnuih anôk mkăn thâo leh kơ arăng krư̆ kâo kyua Krist.

Philip 1:14

Leh anăn kyua klei arăng krư̆ kâo mâo lu hĭn hlăm phung ayŏng adei thâo knang hĭn kơ Khua Yang, leh anăn mâo klei jhŏng hĭn hưn klei Aê Diê blŭ amâo huĭ ôh.

Philip 1:5

hdơr knga kơ klei diih đru mă bruă mbĭt hlăm klei mrâo mrang jăk mơ̆ng mphŭn truh kơ ară anei.

Philip 2:22

Ƀiădah diih thâo leh klei sĭt suôr Y-Timôthê, si ñu mă bruă kơ klei mrâo mrang jăk mbĭt hŏng kâo msĕ si anak hŏng ama ñu.

Philip 4:14

Ƀiădah diih bi êdah klei jăk leh, kyuadah diih đru kâo êjai kâo mâo klei knap mñai.

Philip 4:15

Ơ phung Philip, diih thâo leh hlăk kâo dơ̆ng mtô klei mrâo mrang jăk, tơdah kâo đuĕ mơ̆ng čar Masêdôn, amâo mâo Phung Sang Aê Diê mkăn ôh bi mguôp hŏng kâo hlăm klei brei leh anăn klei mă tŭ, knŏng phung diih yơh.

Philip 4:3

Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.

Kôlôs 4:18

Kâo gơ̆ Y-Pôl čih klei čhưn anei hŏng kngan kâo pô. Brei diih hdơr kơ klei săng đai dôk kă kâo. Brei klei pap dôk mbĭt hŏng diih.

Kôlôs 4:3

Msĕ mơh wah lač brei wăt kơ hmei đa, akâo kơ Aê Diê pŏk ƀăng bhă kơ hmei dưi mtô klei blŭ, čiăng hưn klei yuôm hgăm Krist, kyua klei anăn arăng krư̆ kâo leh.

I Têsalônik 5:5

Kyuadah jih jang diih jing phung anak klei mngač leh anăn phung anak hruê. Drei amâo jing phung anak mlam amâodah klei mmăt ôh.

II Y-Timôthê 1:8

Snăn đăm hêñ ôh hưn klei Khua Yang drei, kăn hêñ rei kơ kâo pô jing mnă kyua ñu, ƀiădah tŭ bĕ kdrêč klei knap mñai kyua klei mrâo mrang jăk hlăm klei myang Aê Diê,

II Y-Timôthê 2:9

Kyua klei mrâo mrang jăk anăn kâo tŭ klei knap mñai leh anăn arăng kă hŏng klei săng đai msĕ si sa čô mnuih soh prŏng. Ƀiădah amâo mâo pô dưi kă ôh klei Aê Diê blŭ.

Y-Philêmôn 1:13

Kâo čiăng snăk kơ̆ng ñu dôk mbĭt hŏng kâo, čiăng kơ ñu dưi mă bruă kơ kâo bi ala kơ ih êjai arăng krư̆ kâo kyua klei mrâo mrang jăk.

Hêbrơ 3:1

Snăn Ơ phung ayŏng adei doh jăk, phung mâo leh klei iêô kơ adiê, brei diih mĭn kơ Yêsu, Pô jing khua ƀĭng kna leh anăn khua ngă yang prŏng kơ klei đăo drei hưn.

I Y-Pêtrôs 4:13

Ƀiădah hơ̆k mơak bĕ kyuadah diih tŭ mbĭt klei knap mñai Krist, čiăng kơ diih dưi dôk hơ̆k mơak msĕ mơh ti hruê klei guh kơang Ñu srăng bi êdah.

I Y-Pêtrôs 5:1

Ară anei kâo mtrŭt phung khua mduôn hlăm phung diih, kyuadah kâo pô jing sa čô khua mduôn msĕ mơh leh anăn pô hưn bi sĭt kơ klei knap mñai Krist tŭ, leh anăn wăt jing pô srăng mâo klei guh kơang mbĭt srăng bi êdah.

II Y-Pêtrôs 1:13

Kâo mĭn jing djŏ êjai kâo dôk hlăm klei hdĭp anei hưn čiăng lŏ bi êrâo diih hŏng klei kâo lŏ mñă kơ diih.

I Y-Yôhan 3:14

Drei thâo kơ drei kbiă leh mơ̆ng klei djiê mŭt hlăm klei hdĭp, kyuadah drei khăp kơ phung ayŏng adei. Hlei pô amâo thâo khăp ôh ăt dôk hlăm klei djiê.