Philip 1:5 - Klei Aê Diê Blŭ 2015

⁵ hdơr knga kơ klei diih đru mă bruă mbĭt hlăm klei mrâo mrang jăk mơ̆ng mphŭn truh kơ ară anei.

Philip 1:5 Iomraidhean Croise

Bruă Phung Khua Ƀĭng Kna 2:42

Diñu gĭr hlăm klei hriăm klei phung khua ƀĭng kna mtô, hlăm klei bi mguôp, hlăm klei kjoh kpŭng, leh anăn hlăm klei wah lač.

Hră Y-Pôl Mơĭt kơ Phung Rôm 11:17

Ƀiădah tơdah arăng khăt leh đa đa adhan, leh anăn tơdah ih, sa ƀĕ adhan ôliwơ dliê, arăng bi mtuôp mƀlir ti anôk arăng khăt digơ̆ leh, čiăng kơ ih dưi mâo ktăk hdĭp ana boh ôliwơ,

Hră Y-Pôl Mơĭt kơ Phung Rôm 12:13

Brei kơ phung doh jăk mnơ̆ng diñu kƀah, brei diih thâo jum tue.

Hră Y-Pôl Mơĭt kơ Phung Rôm 15:26

Kyuadah phung čar Masêdôn leh anăn čar Akai mơak myơr leh mnơ̆ng đru kơ phung doh jăk ƀun ƀin dôk ti ƀuôn Yêrusalem.

I Kôrantô 1:9

Aê Diê jing sĭt suôr; Ñu pô iêô diih leh kơ klei bi mguôp hŏng Anak Ñu, Yêsu Krist, Khua Yang drei.

II Kôrantô 8:1

Ơ phung ayŏng adei, hmei čiăng kơ diih thâo klei pap Aê Diê brei leh kơ Phung Sang Aê Diê hlăm čar Masêdôn.

Êphêsô 3:6

Klei hgăm anăn: phung tue jing phung dưn mbĭt, jing jơ̆ng kngan hlăm sa asei mlei msĕ, leh anăn phung mă tŭ leh klei ƀuăn hlăm Krist Yêsu hŏng klei mrâo mrang jăk.

Philip 1:12

Ơ phung ayŏng adei, kâo čiăng kơ diih thâo boh nik nak klei truh leh kơ kâo jing klei đru bi mđĭ bruă klei mrâo mrang jăk;

Philip 1:16

Phung anei mtô hŏng ai tiê khăp, kyuadah diñu thâo arăng brei kâo dôk tinei čiăng mgang klei mrâo mrang jăk.

Philip 1:27

Knŏng brei diih hdĭp năng hŏng klei mrâo mrang jăk Krist, čiăng kơ thâodah kâo nao čhưn kơ diih amâodah kâo êkŭt, kâo srăng hmư̆ hing kơ diih dôk kjăp sa ai, sa klei mĭn mđrăm mbĭt čiăng mgang klei đăo kơ klei mrâo mrang jăk,

Philip 1:7

Jing djŏ kâo mâo klei mĭn snăn kơ jih jang diih, kyuadah kâo pioh diih hlăm ai tiê kâo nanao, kyuadah jih jang diih mă tŭ leh klei pap mbĭt hŏng kâo, wăt hlăm klei arăng krư̆ kâo leh anăn hlăm klei mgang leh anăn bi sĭt klei mrâo mrang jăk.

Philip 2:12

Snăn Ơ phung ayŏng adei kâo khăp, msĕ si diih gưt leh nanao, amâo djŏ knŏng ti anăp kâo ôh, ƀiădah gưt lu hĭn ară anei êjai kâo êkŭt, mă bruă bĕ kyua klei bi mtlaih diih hŏng klei huĭ leh anăn klei ktư̆ yơ̆ng.

Philip 2:22

Ƀiădah diih thâo leh klei sĭt suôr Y-Timôthê, si ñu mă bruă kơ klei mrâo mrang jăk mbĭt hŏng kâo msĕ si anak hŏng ama ñu.

Philip 4:3

Leh anăn, Ơ pô mă bruă sĭt suôr hŏng kâo, kâo akâo kơ ih msĕ mơh đru bĕ phung mniê anăn, kyuadah diñu mă bruă leh mbĭt hŏng kâo hlăm klei mrâo mrang jăk, mbĭt hŏng Y-Klêmăng leh anăn phung găp mkăn mă bruă mbĭt hŏng kâo. Anăn diñu Aê Diê čih leh hlăm hdruôm hră klei hdĭp.

Y-Philêmôn 1:17

Snăn tơdah ih yap kâo ƀĭng găp ih, jum bĕ ñu msĕ si ih jum kâo pô mơh.

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

II Y-Pêtrôs 1:1

Kâo gơ̆ Y-Simôn Pêtrôs, sa čô dĭng buăl leh anăn khua ƀĭng kna Yêsu Krist, čih mơĭt kơ phung mă tŭ leh klei đăo yuôm mđơr hŏng klei hmei đăo hlăm klei kpă ênô Aê Diê leh anăn Pô Bi Mtlaih drei, Yêsu Krist.

I Y-Yôhan 1:3

Klei hmei ƀuh leh anăn hmư̆ leh, hmei hưn kơ diih msĕ mơh, čiăng kơ diih dưi mâo klei bi mguôp mbĭt hŏng hmei. Leh anăn drei mâo klei bi mguôp anăn hŏng Ama leh anăn hŏng Anak Ñu Yêsu Krist.

I Y-Yôhan 1:7

Ƀiădah tơdah drei êbat hlăm klei mngač msĕ si Ñu dôk hlăm klei mngač, drei mâo klei bi mguôp hdơ̆ng drei, leh anăn êrah Yêsu Anak Ñu bi doh hĕ drei mơ̆ng jih jang klei soh.