Philip 1:26 - Klei Aê Diê Blŭ 2015

²⁶ čiăng kơ hlăm kâo diih mâo klei dưi bi mni hlăm Krist Yêsu, tơdah kâo lŏ truh kơ diih.

Philip 1:26 Iomraidhean Croise

Klei Mmuñ Siam Hĭn 5:1

Ơ adei kâo, mô̆ kâo, kâo hriê kơ war djam kâo, kâo pĕ êa mir wăt mnơ̆ng ƀâo mngưi kâo, kâo ƀơ̆ng ksing hnuê wăt êa hnuê kâo, kâo mnăm kpiê kâo wăt êa ksâo êmô kâo. Phung găp Ơ phung mah jiăng hmei, ƀơ̆ng leh anăn mnăm bĕ; Ơ phung bi khăp, mnăm bĕ bi hrăp!

Y-Yôhan 16:22

Snăn mơh ară anei diih mâo klei ênguôt, ƀiădah Kâo srăng lŏ ƀuh diih, leh anăn ai tiê diih srăng hơ̆k mơak, leh anăn arăng amâo dưi mă ôh klei hơ̆k mơak anăn mơ̆ng diih.

Y-Yôhan 16:24

Truh kơ ară anei diih ka akâo ôh sa klei hlăm anăn Kâo. Akâo bĕ, leh anăn diih srăng mă tŭ, čiăng kơ klei hơ̆k mơak diih srăng jing klă ênŭm.”

II Kôrantô 1:14

msĕ si diih thâo săng leh sa kdrêč, jing klei diih dưi bi mni kơ diih pô kyua hmei, msĕ si hmei dưi bi mni kơ hmei pô kyua diih ti Hruê Khua Yang Yêsu.

II Kôrantô 5:12

Amâo djŏ ôh hmei lŏ bi mđĭ hmei pô ti anăp diih, ƀiădah hmei brei kơ diih klei dưi bi mni kơ diih pô kyua hmei, čiăng kơ diih dưi lŏ wĭt lač kơ phung bi mni kơ diñu pô tui si bi êdah ti êngao leh anăn amâo djŏ ôh tui si ai tiê diñu.

II Kôrantô 7:14

Tơdah kâo bi mni leh kơ kâo pô kyua diih ti anăp ñu, kâo amâo mâo klei hêñ ôh; ƀiădah msĕ si jih jang klei hmei blŭ leh kơ diih jing sĭt, msĕ snăn mơh klei hmei bi mni kơ diih ti anăp Y-Tit bi êdah leh jing sĭt.

II Kôrantô 7:4

Kâo mâo klei knang snăk kơ diih; kâo bi mni kơ kâo pô lu snăk kyua diih; kâo bŏ hŏng klei bi juh. Kâo bŏ hŏng klei hơ̆k mơak ti krah klei knap mñai hmei.

II Kôrantô 7:6

Ƀiădah Aê Diê, Pô bi juh phung êdu ai, bi juh leh hmei hŏng klei Y-Tit truh,

Galati 6:4

Ƀiădah brei grăp čô ksiêm dlăng bruă ñu pô, snăn ñu srăng mâo klei dưi bi mni knŏng hlăm ñu pô, amâo djŏ hlăm pô riêng gah ñu ôh.

Philip 3:1

Ti knhal tuč hră anei, kâo mtă kơ diih, Ơ phung ayŏng adei, mơak bĕ hlăm Khua Yang. Amâo jing klei ktrŏ ôh kơ kâo lŏ čih klei msĕ kơ diih, leh anăn klei anăn srăng mgang diih.

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Philip 4:10

Kâo mơak snăk hlăm Khua Yang kyuadah ară anei diih lŏ dơ̆ng mĭn kơ kâo sa blư̆, sĭt nik diih ăt mĭn kơ kâo, ƀiădah diih amâo mâo mông myun ôh.

Philip 4:4

Mơak bĕ nanao hlăm Khua Yang. Kâo lŏ mñă mơh, mơak bĕ.