Philip 1:23 - Klei Aê Diê Blŭ 2015

²³ Mâo dua nah klei kpĭ kâo: kâo čiăng đuĕ nao dôk mbĭt hŏng Krist, kyuadah klei anăn jing jăk hĭn.

Philip 1:23 Iomraidhean Croise

II Y-Samuel 24:14

Y-Đawit lač kơ Y-Gat, “Kâo rŭng răng snăk. Brei drei lĕ hlăm kngan Yêhôwa, kyuadah klei Ñu pap jing prŏng; ƀiădah đăm brei kâo lĕ hlăm kngan mnuih ôh.”

Klei Mmuñ Hđăp 17:15

Bi kâo dê, kâo srăng ƀuh ƀô̆ mta Ih kyua klei kpă ênô kâo; tơdah kâo mdih pĭt, kâo srăng mơak hŏng klei kâo ƀuh Ih.

Klei Mmuñ Hđăp 49:15

Ƀiădah Aê Diê srăng bi tui mngăt kâo mơ̆ng klei myang Ƀuôn Phung Djiê, kyuadah Ñu srăng jum kâo. (Sêla)

Y-Luk 12:50

Kâo mâo sa mta klei ƀaptem Kâo srăng tŭ, leh anăn Kâo mâo klei gĭr guôn tơl klei anăn bi truh leh!

Y-Luk 23:43

Yêsu lač kơ ñu, “Sĭt nik Kâo lač kơ ih, hruê anei ih srăng dôk mbĭt hŏng Kâo hlăm Paradi.”

Y-Luk 8:38

Mnuih mâo phung yang jhat mrâo kbiă anăn kwưh čiăng dưi dôk mbĭt hŏng Yêsu. Ƀiădah Yêsu brei gơ̆ wĭt, lač,

Y-Yôhan 12:26

Tơdah sa čô mă bruă kơ Kâo, brei ñu tui hlue Kâo. Ti anôk Kâo dôk, dĭng buăl Kâo srăng dôk tinăn msĕ mơh. Hlei pô mă bruă kơ Kâo, Ama Kâo srăng mpŭ kơ ñu.”

Y-Yôhan 13:1

Êlâo kơ hruê Knăm Klei Găn, Yêsu thâo mông truh leh brei Ñu kbiă đuĕ mơ̆ng lăn ala wĭt kơ Ama. Ñu khăp leh kơ phung Ñu hlăm lăn ala, leh anăn Ñu khăp kơ digơ̆ tơl knhal tuč.

Y-Yôhan 14:3

Leh anăn tơdah Kâo nao mkra sa anôk kơ diih, Kâo srăng lŏ hriê leh anăn mă diih kơ Kâo pô, čiăng kơ ti anôk Kâo dôk diih dưi dôk msĕ mơh.

Y-Yôhan 17:24

Ơ Ama, Kâo čiăng kơ phung Ih brei leh kơ Kâo msĕ mơh dưi dôk mbĭt hŏng Kâo ti anôk Kâo dôk, čiăng kơ diñu ƀuh klei guh kơang Kâo, Ih brei leh kơ Kâo kyua Ih khăp leh kơ Kâo êlâo kơ klei hrih lăn ala.

Bruă Phung Khua Ƀĭng Kna 7:59

Êjai diñu bhĭr boh tâo kơ Y-Êtiên, gơ̆ wah lač snei, “Ơ Khua Yang Yêsu, jum mngăt kâo.”

II Kôrantô 5:8

Drei bŏ hŏng klei knang, leh anăn drei khăp hĭn kbiă mơ̆ng asei mlei anei leh anăn dôk mbĭt hŏng Khua Yang.

II Kôrantô 6:12

Amâo djŏ hmei ôh kđăl leh ai tiê kơ diih, ƀiădah diih pô kđăl ai tiê kơ hmei.

Philip 1:24

Ƀiădah yuôm hĭn kơ diih tơdah kâo ăt dôk hdĭp hlăm asei mlei.

I Têsalônik 2:1

Ơ phung ayŏng adei, diih pô thâo leh klei hmei truh kơ diih amâo jing hơăi mang ôh.

I Têsalônik 2:13

Msĕ mơh hmei bi mni kơ Aê Diê nanao kyua klei anei: tơdah diih mă tŭ leh klei Aê Diê blŭ hmei mtô kơ diih, diih tŭ leh klei blŭ anăn amâo djŏ msĕ si klei mnuih blŭ ôh, ƀiădah tui si gơ̆ jing sĭt nik klei Aê Diê blŭ, dôk mă bruă hlăm ai tiê diih phung đăo leh.

I Têsalônik 4:17

Leh klei anăn phung drei Aê Diê lui ăt dôk hdĭp, arăng srăng pŭ ba mbĭt hŏng diñu hlăm knam čiăng bi tuôm hŏng Khua Yang hlăm êwa. Snăn drei srăng dôk hlŏng lar mbĭt hŏng Khua Yang.

II Y-Timôthê 4:6

Kyuadah kâo dơ̆ng giăm jing mnơ̆ng arăng ngă yang tuh; giăm truh leh hruê kâo djiê.

Klei Bi Êdah 14:13

Leh anăn kâo hmư̆ asăp mơ̆ng adiê lač, “Čih bĕ klei anei: Mơ̆ng anei kơ anăp jăk mơak yơh phung djiê hlăm Khua Yang.” Mngăt Myang lač, “Sĭt nik, jăk mơak yơh, čiăng kơ diñu dưi mdei mơ̆ng bruă diñu, kyuadah bruă diñu ngă tui hlue diñu!”